ಚಿತ್ರದುರ್ಗ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
Oneindia App Download

ಚಿತ್ರದುರ್ಗದಲ್ಲಿ ಕೊರೊನಾ ಸೋಂಕು ಗೆದ್ದ 110ರ ಅಜ್ಜಿ

By ಚಿತ್ರದುರ್ಗ ಪ್ರತಿನಿಧಿ
|
Google Oneindia Kannada News

ಚಿತ್ರದುರ್ಗ, ಆಗಸ್ಟ್‌ 01: ಕೊರೊನಾ ವೈರಸ್ ಎಂದರೆ ಎಲ್ಲೆಲ್ಲೂ ಆತಂಕ, ಭಯ ತುಂಬಿಕೊಂಡಿದೆ. ಈ ನಡುವೆ ಕೋಟೆನಾಡು ಚಿತ್ರದುರ್ಗದಲ್ಲಿ ಇಂದು 110 ವರ್ಷದ ಅಜ್ಜಿಯೊಬ್ಬರು ಕೊರೊನಾ ವೈರಸ್ ಅನ್ನೇ ಮಣಿಸಿದ್ದಾರೆ. ಈ ಒಂದು ಸಂಗತಿ ಸೋಂಕಿತರಲ್ಲಿ ಸಮಾಧಾನವನ್ನು, ಧೈರ್ಯವನ್ನೂ ತುಂಬಿದೆ.

ಜುಲೈ 27ರಂದು ಸಿದ್ದಮ್ಮ (110) ಎಂಬ ಅಜ್ಜಿಗೆ ಕೊರೊನಾ ಪಾಸಿಟಿವ್ ಬಂದಿತ್ತು. ಪೊಲೀಸ್ ಕ್ವಾಟ್ರಸ್ ನಲ್ಲಿ ವಾಸವಿದ್ದ ಇವರನ್ನು ಚಿತ್ರದುರ್ಗದ ಕೋವಿಡ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಇದೀಗ ಐದು ದಿನಗಳ ನಂತರ ಈ ಶತಾಯುಷಿ ಅಜ್ಜಿ ಕೊರೊನಾ ಸೋಂಕಿನಿಂದ ಗುಣಮುಖರಾಗಿದ್ದು, ಇಂದು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. "ಆಸ್ಪತ್ರೆಯವರು ಚೆನ್ನಾಗಿ ನೋಡ್ಕೊಂಡ್ರು. ಊಟ ಚೆನ್ನಾಗಿತ್ತು" ಎಂದು ಅಜ್ಜಿ ಆಸ್ಪತ್ರೆ ಬಗ್ಗೆ ಸಂತೋಷ ವ್ಯಕ್ತಪಡಿಸಿದ್ದಾರೆ.

ಕೊರೊನಾ ಸೋಂಕು ಗೆದ್ದ ಬಳ್ಳಾರಿಯ ಶತಾಯುಷಿ ಅಜ್ಜಿಕೊರೊನಾ ಸೋಂಕು ಗೆದ್ದ ಬಳ್ಳಾರಿಯ ಶತಾಯುಷಿ ಅಜ್ಜಿ

110 Year Old Woman Recovered From Coronavirus In Chitradurga

ದುರದೃಷ್ಟವಶಾತ್ ಅಜ್ಜಿ ಮನೆಯವರು ಕೂಡ ಕ್ವಾರಂಟೈನ್ ನಲ್ಲಿದ್ದು, ಅಜ್ಜಿಯನ್ನು ಕರೆದೊಯ್ಯಲು ಸಂಬಂಧಿಕರು ಹಿಂದೇಟು ಹಾಕುತ್ತಿದ್ದಾರೆ. ಇತ್ತ, ಡಿಎಆರ್ ಪೋಲಿಸ್ ಅಧಿಕಾರಿಗಳು ಕೂಡ ಸೀಲ್ ಡೌನ್ ಆಗಿರುವ ಕ್ವಾಟ್ರಸ್ ಗೆ ಬರಬೇಡಿ ಎಂದು ಹೇಳುತ್ತಿದ್ದಾರೆ. ಸದ್ಯಕ್ಕೆ ನಗರದ ಬುರುಜಿನಹಟ್ಟಿಯಲ್ಲಿರುವ ಸಂಬಂಧಿಕರಿಗೆ ಅಜ್ಜಿಯನ್ನು ಮನೆಗೆ ಕರೆದುಕೊಂಡು ಹೋಗುವಂತೆ ಅಧಿಕಾರಿಗಳು ಮನವೊಲಿಸುತ್ತಿದ್ದಾರೆ.

English summary
110 year old woman of chitradurga district recovered from coronavirus and discharged from hospital today,
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X