ಕೊಪ್ಪದಲ್ಲಿ ಕಾರುಗಳ ಅಪಘಾತ; ಶಿವಮೊಗ್ಗದ ಇಬ್ಬರ ಸಾವು
ಚಿಕ್ಕಮಗಳೂರು, ಮಾರ್ಚ್ 7: ಕ್ವಿಡ್ ಮತ್ತು ಇನೋವಾ ಕಾರುಗಳ ನಡುವೆ ಡಿಕ್ಕಿಯಾಗಿ ಇಬ್ಬರು ಸಾವನ್ನಪ್ಪಿರುವ ಘಟನೆ ಚಿಕ್ಕಮಗಳೂರಿನ ಕೊಪ್ಪ ತಾಲೂಕಿನಲ್ಲಿ ಇಂದು ಮುಂಜಾನೆ ನಡೆದಿದೆ.
ಕೊಪ್ಪ ತಾಲೂಕಿನ ಕುದುರೆಗುಂಡಿ ಬಳಿ ಅಪಘಾತ ನಡೆದಿದೆ. ಅಪಘಾತದಲ್ಲಿ ಶಿವಮೊಗ್ಗ ಮೂಲದ ನಾಸಿರ್ ಹಾಗೂ ಮಹಮದ್ ಆರೀಫ್ ಸಾವನ್ನಪ್ಪಿದ್ದಾರೆ. ಶಿವಮೊಗ್ಗದಿಂದ ಕೊಪ್ಪಕ್ಕೆ ಬರುತ್ತಿದ್ದ ಕ್ವಿಡ್ ಕಾರು ಹಾಗೂ ಕೊಪ್ಪದಿಂದ ಶಿವಮೊಗ್ಗಕ್ಕೆ ತೆರಳುತ್ತಿದ್ದ ಇನೋವಾ ಕಾರುಗಳ ನಡುವೆ ಡಿಕ್ಕಿ ಸಂಭವಿಸಿದೆ.
ಕಾರು, ಸ್ಕೂಟಿ ಡಿಕ್ಕಿ: ಪವಾಡ ಸದೃಶ ಪಾರಾದ ಯುವತಿ
ಡಿಕ್ಕಿ ರಭಸದಲ್ಲಿ ಎರಡು ಕಾರುಗಳೂ ಸಂಪೂರ್ಣ ಜಖಂಗೊಂಡಿವೆ. ಕ್ವಿಡ್ ಕಾರಿನ ಚಾಲಕನಿಗೂ ಗಂಭೀರ ಗಾಯವಾಗಿದ್ದು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಅತಿ ವೇಗದ ಚಾಲನೆಯೇ ಅಪಘಾತಕ್ಕೆ ಕಾರಣ ಎಂದು ಸ್ಥಳೀಯರು ತಿಳಿಸಿದ್ದಾರೆ. ಘಟನೆ ಸಂಬಂಧ ಕೊಪ್ಪ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Comments
English summary
Two persons were killed in a collision between a Quid and an Inova car in Koppa Taluk, Chikkamagaluru this morning,
Story first published: Saturday, March 7, 2020, 16:33 [IST]