Click it and Unblock the Notifications
Just In
-
-
-
Don't Miss
-
ಅಧಿಕ ಬ್ಯಾಟರಿ ಇರುವ ಈ ಫೋನ್ ಬೆಲೆಯಲ್ಲಿ ಇಳಿಕೆ!..ಆಫರ್ ತಿಳಿದ್ರೆ, ವಾವ್ ಅಂತೀರಾ! -
ಮಹೀಂದ್ರಾ ಬೊಲೆರೋ ನಿಯೋ ಪ್ಲಸ್ 9-ಸೀಟರ್ ಎಸ್ಯುವಿ ಬೆಲೆ, ವಿಶೇಷತೆಗಳು! -
ದ್ವಾರಕೀಶ್ ನಿಧನಕ್ಕೆ ಪಿಎಂ ಮೋದಿ ಸಂತಾಪ.. ಶಿವಣ್ಣ ಅಂತಿಮ ದರ್ಶನ; ಇಲ್ಲಿದೆ 'ಪ್ರಚಂಡ ಕುಳ್ಳ'ನ ಅಂತ್ಯಕ್ರಿಯೆ ಡಿಟೈಲ್ಸ್ -
ರಿಲಯನ್ಸ್ ಪವರ್ ಕಂಪೆನಿಯಲ್ಲಿ ಅನಿಲ್ ಅಂಬಾನಿಯ ಜೆಎಸ್ಡಬ್ಲ್ಯುನಿಂದ 132 ಕೋಟಿ ರೂ.ಗಳ ಹೂಡಿಕೆ -
ದಿನೇಶ್ ಕಾರ್ತಿಕ್ ಟಿ20 ವಿಶ್ವಕಪ್ಗೆ ಆಯ್ಕೆಯಾಗಬಾರದು; ಇರ್ಫಾನ್ ಪಠಾಣ್ ಹೀಗೆ ಹೇಳಿದ್ದೇಕೆ? -
ಹಾಲು ಜೇನಿನಂತಿರುವ ಸಂಬಂಧ ಹಾಳಾಗುತ್ತಿರುವ ಲಕ್ಷಣಗಳಿವು..! -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಲೆನಾಡಿನಲ್ಲಿ ರಾಫ್ಟಿಂಗ್: ಖುಷಿಯಲ್ಲಿ ಮಿಂದೆದ್ದ ಪ್ರವಾಸಿಗರು
ಚಿಕ್ಕಮಗಳೂರು, ಸೆಪ್ಟೆಂಬರ್.11: ಎದೆಗೆ ಬಿಗಿದಪ್ಪುವ ಲೈಫ್ ಜಾಕೇಟ್, ತಲೆಗೊಂದು ಹೆಲ್ಮೆಟ್, ಜೊತೆಗೊಂದು ಹುಟ್ಟುಗೋಲು ಇದು ರಾಫ್ಟಿಂಗ್ಗೆ ನೀರಿಗಿಳಿಯುವ ಮುನ್ನ ನಮ್ಮ ಕೈಸೇರುವ ಹತಾರಗಳು. ಇವೆಲ್ಲಾ ಇದ್ರೇನೆ ಈ ಸಾಹಸಮಯ ಕ್ರೀಡೆಗೊಂದು ಗತ್ತು. ಜೊತೆಗೆ ನಮ್ಮ ಜೀವಕ್ಕೂ ಸೇಫ್ಟಿ.
ಅಷ್ಟಕ್ಕೂ ಈ ರಾಫ್ಟಿಂಗ್ ವಿಚಾರ ಇಲ್ಲೇಕೆ ಎನ್ನುತ್ತೀರಾ? ಅದಕ್ಕೂ ಕಾರಣವಿದೆ. ಕಾಫಿನಾಡು ಚಿಕ್ಕಮಗಳೂರಿನ ಕುದುರೆಮುಖದಲ್ಲಿ ಹುಟ್ಟಿ ಭೋರ್ಗರೆವ ಭದ್ರೆ ಮಲೆನಾಡಿನಲ್ಲಿ ಸುಮಾರು 350 ಕಿ. ಮೀ ಹರಿಯುತ್ತಿದ್ದು, ಕಳಸಾ ಸಮೀಪದ ಬಾಳೆಹೊಳೆ ಬಳಿ ನದಿಯಲ್ಲಿ 'ಏಸ್ ಪೆಟ್ಲೆಸ್ ಸಂಸ್ಥೆ' ರಾಫ್ಟಿಂಗ್ ಕ್ರೀಡೆ ನಡೆಸುತ್ತಿದೆ.
ಇಲ್ಲಿ ಸುಮಾರು 8 ಕಿ.ಮೀ.ದೂರ ನದಿಯಲ್ಲಿ ವೇಗವಾಗಿ ಚಲಿಸುವಾಗ ಸಿಗುವ ಅಲೆಗಳು ಅದ್ಭುತ ಅನಿಸುತ್ತದೆ. ಈ ವೇಳೆ ಬಲಾಢ್ಯ ಆನೆಯನ್ನು ಪಳಗಿಸಿದ ಅನುಭವದ ಜೊತೆ ಭೋರ್ಗರೆವ ಭದ್ರೆಯ ಮೇಲೆ ಎಲ್ಲರೂ ಸವಾರಿ ಮಾಡಿದಂತಾಗುತ್ತದೆ.
ಅದರಲ್ಲೂ ಸಂಸ್ಥೆ ಅತ್ಯಾಧುನಿಕ ಸುರಕ್ಷತಾ ವಸ್ತುಗಳನ್ನು ಒಳಗೊಂಡಿರುವುದರಿಂದ ಯಾವುದೇ ಭಯಪಡುವ ಅವಶ್ಯಕತೆ ಇರುವುದಿಲ್ಲ. ಅಲ್ಲದೇ ಅನುಭವವುಳ್ಳ ತಜ್ಞರು ಇರುವುದರಿಂದ ಯಾವುದೇ ಆತಂಕಪಡುವ ಅವಶ್ಯಕತೆಯೂ ಇರುವುದಿಲ್ಲ.
ಹೀಗೆ ಸಾಹಸಮಯ ಜಲಕ್ರೀಡೆಗೆ ತಯಾರಾಗಿ ರಬ್ಬರ್ ಬೋಟ್ ಮೇಲೆ ಕುಳಿತುಕೊಂಡು ಪ್ರಕೃತಿ ಸೌಂದರ್ಯ ಸವಿದವರ ಬಗ್ಗೆ ಲೇಖನ ಇಲ್ಲಿದೆ ನೋಡಿ ....
ಪ್ರವಾಸಿಗ ಪಾಟೀಲ್ ಅನುಭವ
ನೀರಿಗಿಳಿಯುತ್ತಿದ್ದಂತೆ ರಭಸವಾಗಿ ಹರಿಯುವ ನದಿಯಲ್ಲಿ ಭೋರ್ಗರೆವ ಅಲೆಗಳು ಎದುರಾಗುತ್ತವೆ. ಆಗ ಆ ಅಲೆಗಳಿಗೆ ಸವಾಲು ಹಾಕಿ ಹುಟ್ಟು ಹಾಕುವುದೇ ಸಖತ್ ಮೋಜು. ಇದರ ಜೊತೆಗೆ ಗೈಡ್ ಹೇಳುವ ಕಮಾಂಡ್ ಗಳನ್ನು ಫಾಲೋ ಮಾಡುತ್ತಾ ಸಾಗುತ್ತಿದ್ದರೆ ಅದರ ಮಜವೇ ಬೇರೆ.
ಇನ್ನು ಈ ಬಾರಿ ಮಲೆನಾಡು ಭಾಗದಲ್ಲಿ ಹೆಚ್ಚು ಮಳೆಯಾದ ಕಾರಣ ಭದ್ರಾ ನದಿ ಮೈದುಂಬಿ ಹರಿಯುತ್ತಿದೆ. ಇಂತಹ ಪ್ರಕೃತಿ ಸೌಂದರ್ಯವನ್ನು ಸವೆಯುತ್ತಾ ಬಳುಕುವ ಭದ್ರೆಯ ಜೊತೆ ರಾಪಿಡ್ಗಳಲ್ಲಿ ಸಾಗುತ್ತಿದ್ರೆ ಅದರ ರೋಮಾಂಚನವೇ ಬೇರೆ ಎನ್ನುತ್ತಾರೆ ಪ್ರವಾಸಿಗ ಪಾಟೀಲ್.
ನಿಮ್ಮೊಂದಿಗೆ ರಾಫ್ಟಿಂಗ್ ಪರಿಣಿತರ ತಂಡ
ಭದ್ರೆಯಲ್ಲಿ ಪ್ರವಾಸಿಗರು ಯಾವುದೇ ಆತಂಕವಿಲ್ಲದೇ ರಾಫ್ಟಿಂಗ್ ಮಾಡ್ತಾರೆ. ಅದ್ರಲ್ಲೂ ಮಹಿಳೆಯರು ಈ ರಾಫ್ಟಿಂಗ್ನಲ್ಲಿ ಭಾಗವಹಿಸಿ ಸಖತ್ ಮಜಾ ಅನುಭವಿಸಬಹುದು. ನೀರಿಗಿಳಿದಾಗ ಪ್ರತಿ ಬೋಟ್ನಲ್ಲಿ ಅನುಭವಿ ಗೈಡ್ ಗಳು ಇರ್ತಾರೆ.
ಈ ಗೈಡ್ ಗಳು ನೀಡುವ ಮಾಹಿತಿಯಂತೆ ನೀರಿಗೆ ಧುಮುಕಿ ಪ್ರವಾಹದೊಂದಿಗೆ ಸರಸವಾಡೋ ಕ್ಷಣವಂತೂ ಮೈ ಜುಮ್ಮೆನಿಸುತ್ತದೆ. ಈ ವೇಳೆ ಕೆಲವೊಮ್ಮೆ ಆಯ ತಪ್ಪಿ ನೀರಿಗೆ ಬೀಳುವ ಸಾಧ್ಯತೆಯೂ ಇರುತ್ತದೆ. ಆಗ ರಾಫ್ಟಿಂಗ್ ಪರಿಣಿತರ ತಂಡ ನಿಮ್ಮೊಂದಿಗಿರುತ್ತದೆ. ಕ್ಷಣಾರ್ಧದಲ್ಲಿ ಅವರು ರಕ್ಷಿಸುತ್ತಾರೆ.
ಜೂನ್ ನಿಂದ ನವೆಂಬರ್ ವರೆಗೆ
ಮಳೆಗಾಲ ಶುರುವಾಗುತ್ತಿದ್ದಂತೆ ಕಾಫಿನಾಡಿನ ಭದ್ರೆಯ ಒಡಲಲ್ಲಿ ರಾಫ್ಟಿಂಗ್ ನಡೆಸಲಾಗುತ್ತದೆ. ಜೂನ್ ನಿಂದ ನವಂಬರ್ ವರೆಗೆ ಇಲ್ಲಿ ಈ ಸಾಹಸ ಕ್ರೀಡೆ ನಡೆಸಲಾಗುತ್ತದೆ. ಅದರಲ್ಲೂ ಮುಖ್ಯವಾಗಿ ಮಳೆಗಾಲದಲ್ಲಿ ರಾಫ್ಟಿಂಗ್ ಮಾಡುತ್ತಾರೆ.
ಸರಿಸುಮಾರು ಎರಡು ಗಂಟೆಗಳ ಕಾಲವಿರುವ ರಾಫ್ಟಿಂಗ್ನಲ್ಲಿ 8 ಕಿಮೀ. 4 ಕಿಮೀ ಹಾಗೂ 15 ಕಿ ಮೀ ಎಂದು ವಿಂಗಡಣೆ ಮಾಡಲಾಗಿರುತ್ತದೆ. ಪ್ರತಿ ಕಿಮೀಗೂ ಬೇರೆ ಬೇರೆಯಾದ ದರ ನಿಗದಿ ಮಾಡಲಾಗಿರುತ್ತದೆ. ಈ ಸಾಹಸ ಕ್ರೀಡೆಯಲ್ಲಿ ಸಾಕಷ್ಟು ಜನ ಪಾಲ್ಗೊಂಡು ಸಖತ್ ಮಜಾ ಮಾಡ್ತಾರೆ ಎನ್ನುತ್ತಾರೆ ಅನ್ನೋದು ವಿಶೇಷ.
ಸಖತ್ ಖುಷಿ
ಇನ್ನು ಭೋರ್ಗರೆವ ಈ ನದಿಯಲ್ಲಿ ರಾಪ್ ತಿರುಗಿಸುವುದು, ಮುಳುಗಿಸುವುದು, ಅಲೆಗಳಿಗೆ ವಿರುದ್ಧವಾಗಿ ರಾಫ್ಟಿಂಗ್ ಮಾಡುವುದು ಕ್ರೀಡೆಯ ಪ್ರಮುಖ ಭಾಗ. ಚಿಕ್ಕಮಗಳೂರು ಸುತ್ತಮುತ್ತ ಹತ್ತಾರು ಪ್ರವಾಸಿತಾಣಗಳಿದ್ದು, ಇಲ್ಲಿಗೆ ಬರುವ ಪ್ರವಾಸಿಗರಿಗೆ ರಾಫ್ಟಿಂಗ್ ಮತ್ತಷ್ಟು ಥ್ರಿಲ್ ನೀಡುತ್ತದೆ ಅನ್ನೋದು ಸ್ಥಳೀಯರ ಅಭಿಪ್ರಾಯ.
ನದಿಯಲ್ಲಿ ರಾಫ್ಟಿಂಗ್ ಮಾಡುವ ವೇಳೆ ನದಿಯ ನೀರು ಸಮತಟ್ಟಾಗಿರುವ ಜಾಗದಲ್ಲಿ ದೋಣಿ ಕೆಳಗಿಳಿಸಲಾಗುತ್ತದೆ. ಆಗ ತಣ್ಣಗೆ ಕೊರೆಯುವ ನದಿಯಲ್ಲಿ ಈಜಾಡುತ್ತಿದ್ದರೆ ಅದರ ಮಜಾನೇ ಬೇರೆ. ಈಜಾಡಿದ ನಂತರ ಮತ್ತೆ ಬೋಟ್ ಏರಿ ರಾಫ್ಟಿಂಗ್ ಮಾಡುವ ಥ್ರಿಲ್ ಸಖತ್ ಖುಷಿ ಕೊಡುತ್ತದೆ.
