ಚಿಕ್ಕಮಗಳೂರಲ್ಲಿ ಮತ್ತೆ ಮೂವರಿಗೆ ಕೊರೊನಾ ವೈರಸ್ ಸೋಂಕು
ಚಿಕ್ಕಮಗಳೂರು, ಮೇ 27: ಕಳೆದ ಐದು ದಿನಗಳಿಂದ ಯಾವುದೇ ಕೊರೊನಾ ವೈರಸ್ ಪ್ರಕರಣ ಇಲ್ಲದೆ ನೆಮ್ಮದಿಯಾಗಿದ್ದ ಮಲೆನಾಡು ಚಿಕ್ಕಮಗಳೂರು ಜನತೆಗೆ ಇಂದು ಕೊರೊನಾ ವೈರಸ್ ಆಘಾತ ಎದುರಾಗಿದೆ.
Recommended Video
ಚಿಕ್ಕಮಗಳೂರು ಜಿಲ್ಲೆಯ ಮೂರು ಜನರಲ್ಲಿ ಕೊರೊನಾ ವೈರಸ್ ಸೋಂಕು ಪಾಸಿಟಿವ್ ಬಂದಿರುವುದು ಮತ್ತೆ ಕಾಫಿನಾಡಿನ ಜನರಲ್ಲಿ ಆತಂಕ ಮನೆಮಾಡಿದೆ.
ಚಿಕ್ಕಮಗಳೂರಿನಲ್ಲಿ ಜಟಿಲವಾಗುತ್ತಿದೆ ಗರ್ಭಿಣಿಯ ಕೊರೊನಾ ವೈರಸ್ ಪ್ರಕರಣ
ಈ ಮೂವರು ಮುಂಬೈನಿಂದ ಬಂದು ಕೊಪ್ಪದಲ್ಲಿ ಕ್ವಾರಂಟೈನ್ ಇದ್ದರು. ಓರ್ವ ಕೊಪ್ಪ ಮೂಲದವನಾಗಿದ್ದು, ಮತ್ತಿಬ್ಬರು ಎನ್.ಆರ್ ಪುರ ಮೂಲದವರು. ಇವರಲ್ಲಿ ರೋಗಿ ನಂಬರ್-2402, 35 ವರ್ಷದವರಾಗಿದ್ದರೆ, ರೋಗಿ ನಂಬರ್-2404, 32 ವರ್ಷದವರಾಗಿದ್ದಾರೆ.
ಇನ್ನು ರೋಗಿ ನಂಬರ್-2405, 31 ವರ್ಷದವರಾಗಿದ್ದು ಮೂರು ಜನರೂ ಪುರುಷರಾಗಿದ್ದಾರೆ. ಒಟ್ಟು ಜಿಲ್ಲೆಯಲ್ಲಿ 12 ಕೊರೊನಾ ವೈರಸ್ ಪ್ರಕರಣ ಪತ್ತೆಯಾದಂತಾಗಿದ್ದು, ಸೋಂಕಿತರಲ್ಲಿ 11 ಜನರೂ ಮುಂಬೈನಿಂದ ಬಂದವರಾಗಿದ್ದು, ಚಿಕ್ಕಮಗಳೂರು ಜಿಲ್ಲೆಗೆ ಮುಂಬೈ ಕಂಟಕವಾಗಿ ಪರಿಣಮಿಸುತ್ತಿದೆ.