ತಮಿಳುನಾಡಿನಲ್ಲಿ ಟಿಕ್ಟಾಕ್ ಮೊಬೈಲ್ ಆ್ಯಪ್ ನಿಷೇಧ, ಕಾರಣಗಳೇನು?
ಚೆನ್ನೈ, ಫೆಬ್ರವರಿ 13:ಚೆನ್ನೈ ಸರ್ಕಾರವು ಚೀನಾ ಮೂಲದ ಟಿಕ್ ಟಾಕ್(Tik Tok) ಮೊಬೈಲ್ ಆ್ಯಪ್ ನಿಷೇಧ ಮಾಡಿ ಆದೇಶ ಹೊರಡಿಸಿದೆ.
ಮಣಿತನೇಯ ಜನನಾಯಕ ಕಚ್ಚಿ(MJK) ಪಕ್ಷದ ನಾಯಕ ತಮೀಮುನ್ ಅನ್ಸಾರಿ ಅವರು ಟಿಕ್ ಟಾಕ್ ಆ್ಯಪ್ ಬ್ಯಾನ್ ಮಾಡುವಂತೆ ಸರ್ಕಾರಕ್ಕೆ ಒತ್ತಾಯಿಸಿದ್ದನ್ನು ವಿಧಾನಸಭಾ ಕಲಾಪದಲ್ಲಿ ಸಚಿವ ಎಂ. ಮಣಿಕಂಠನ್ ಪ್ರಸ್ತಾಪಿಸಿದ್ದರು.
ಪಬ್ಜೀ ಮೊಬೈಲ್ ಇಂಡಿಯಾ ಸೀರೀಸ್ ಘೋಷಣೆ, 1 ಕೋಟಿ ರು ಬಹುಮಾನ
ಸಣ್ಣ ವಿಡಿಯೋಗಳನ್ನು ಮಾಡಲು ಅತಿ ಹೆಚ್ಚು ಯುವಕರು ಈ ಆ್ಯಪ್ ಅನ್ನು ಬಳಸುತ್ತಿರುವುದರಿಂದ ಇದನ್ನು ಬ್ಯಾನ್ ಮಾಡುವುದಾಗಿ ರಾಜ್ಯ ಮಾಹಿತಿ ತಂತ್ರಜ್ಞಾನ ಸಚಿವ ಎಂ. ಮಣಿಕಂಠನ್ ತಿಳಿಸಿದ್ದಾರೆ.
ಇತ್ತೀಚೆಗಷ್ಟೇ ಟಿಕ್ ಟಾಕ್ ಬಳಸುವ ಮಹಿಳೆಯರ ಫೋಟೋವನ್ನು ತೆಗೆದುಕೊಂಡು ಅವರ ಮುಖವನ್ನು ಕೆಟ್ಟದಾಗಿ ಎಡಿಟ್ ಮಾಡುವುದನ್ನೇ ದಂಧೆ ಮಾಡಿಕೊಂಡಿದ್ದ ಒಂದು ಗುಂಪನ್ನು ಚೆನ್ನೈ ಪೊಲೀಸರು ಭೇದಿಸಿದ್ದರು.
ತಮೀಮುನ್ ಅನ್ಸಾರಿ ಹೇಳುವಂತೆ ಯುವ ಜನಾಂಗ ಟಿಕ್ ಟಾಕ್ಗೆ ಜೋತು ಬಿದ್ದಿದ್ದು, ಇದು ಸಂಸ್ಕೃತಿಯ ಅವನತಿಗೆ ದಾರಿ ಮಾಡಿಕೊಟ್ಟಿದೆ. ಇನ್ನು ಕೆಲವರು ಅಮಾಯಕ ಮಹಿಳೆಯರ ಮುಖವನ್ನು ಕೆಟ್ಟದಾಗಿ ಎಡಿಟ್ ಮಾಡಿ ವಿಕೃತಿ ಮರೆಯುತ್ತಿದ್ದಾರೆ.
ಅಲ್ಲದೆ, ಲೈಂಗಿಕ ವಿಷಯಗಳನ್ನು ಹರಡುವ ಮೂಲಕ ಮತ್ತೊಬ್ಬರ ಗಮನವನ್ನು ಸೆಳೆಯುವಷ್ಟು ಕೆಳಮಟ್ಟಿಗೆ ಕೆಲವು ಆ್ಯಪ್ ಬಳಕೆದಾರರು ಇಳಿದಿದ್ದಾರೆ. ಹೀಗಾಗಿ ಆ್ಯಪ್ ಬ್ಯಾನ್ ಮಾಡುವಂತೆ ಸರ್ಕಾರವನ್ನು ಆಗ್ರಹಿಸಿದ್ದರು. ಶೀಘ್ರವೇ ಈ ಆ್ಯಪ್ ನಿಷೇಧಿಸುವುದಾಗಿ ತಿಳಿಸಿದ್ದಾರೆ.