ತಮಿಳುನಾಡಿನಲ್ಲಿ ಕೊರೊನಾ ಹಾಟ್‌ಸ್ಪಾಟ್‌ ಮಾರುಕಟ್ಟೆ ತೆರೆಯಲು ಪ್ರತಿಭಟನೆ

ಚೆನ್ನೈ, ಮೇ 18: ತಮಿಳುನಾಡಿನಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 10 ಸಾವಿರ ಗಡಿದಾಟಿದೆ. ಮಹಾರಾಷ್ಟ್ರ, ಗುಜರಾತ್ ಬಳಿಕ ಅತಿ ಹೆಚ್ಚು ಸೋಂಕಿತರನ್ನು ಹೊಂದಿರುವ ರಾಜ್ಯ ತಮಿಳುನಾಡು. ಚೆನ್ನೈನಲ್ಲಿ ಮಾತ್ರ ಸುಮಾರು 6000 ಕೇಸ್ ದಾಖಲಾಗಿದೆ.

ದೇಶದ ಪ್ರಮುಖ ಹಾಟ್‌ಸ್ಪಾಟ್‌ ಆಗಿರುವ ಚೆನ್ನೈನಲ್ಲಿ ಹೂವು ಮಾರುಕಟ್ಟೆ ತೆರೆಯುವಂತೆ ಪ್ರತಿಭಟನೆ ನಡೆದಿದೆ. ಚೆನ್ನೈನ ಕೋಯಂಬೆಡು ಮಾರುಕಟ್ಟೆಯಲ್ಲಿ ಹೂವು ಮಾರಾಟ ಮಾಡಲು ಅವಕಾಶ ಕೊಡಬೇಕು ಎಂದು ಒತ್ತಾಯಿಸಿ ಹೂವು ಮಾರಾಟಗಾರರು ಇಂದು ಪ್ರತಿಭಟನೆ ಮಾಡಿದ್ದಾರೆ.

ಕೋಯಂಬೆಡು ಮಾರುಕಟ್ಟೆ ಚೆನ್ನೈನ ಕೊರೊನಾ ಹಾಟ್‌ಸ್ಪಾಟ್‌ ಪ್ರದೇಶ. ಚೆನ್ನೈನ ಪೂರ್ತಿ ಕೇಸ್‌ಗಳ ಪೈಕಿ ಇಲ್ಲಿಂದಲೇ 1500ಕ್ಕೂ ಅಧಿಕ ಜನರಿಗೆ ಸೋಂಕು ತಗುಲಿದೆ ಎಂದು ಹೇಳಲಾಗಿದೆ. ಈ ಮಾರುಕಟ್ಟೆಯಿಂದಲೇ ಹೆಚ್ಚು ಸೋಂಕು ಹರಡಿದೆ ಎಂಬ ಕಾರಣಕ್ಕೆ ಮಾರುಕಟ್ಟೆ ಬಂದ್ ಮಾಡಲಾಗಿದೆ.

ಆದರೆ, ನಾಲ್ಕನೇ ಹಂತದಲ್ಲಿ ಕೇಂದ್ರ ಸರ್ಕಾರ ರಾಜ್ಯಗಳಲ್ಲಿ ಮತ್ತಷ್ಟು ವಿನಾಯಿತಿ ಘೋಷಿಸಿದೆ. ಈ ಹಿನ್ನೆಲೆ ಕೋಯಂಬೆಡು ಮಾರುಕಟ್ಟೆಯಲ್ಲಿ ಹೂವು ಮಾರಾಟ ಮಾಡಲು ಅನುಮತಿ ಕೇಳುತ್ತಿದ್ದಾರೆ. ಈ ಮಾರುಕಟ್ಟೆಯನ್ನು ನಂಬಿ ಸುಮಾರು 2000 ಕುಟುಂಬಗಳು ಜೀವನ ಮಾಡುತ್ತಿದೆ. ''ತಿನ್ನಲು ಊಟವಿಲ್ಲದೆ, ಕೆಲಸವೂ ಇಲ್ಲದಂತಾಗಿದೆ'' ಎಂದು ಪ್ರತಿಭಟನೆ ಮಾಡಿದ್ದಾರೆ.

Tamil Nadu: Koyambedu Wholesale Flowers Market Merchants' Association today protested in Chennai demanding the state government to allow the sale of flowers amid lockdown due to #COVID19. Moorghaiya, President of Association says, "2000 families are starving without food and job" pic.twitter.com/Q9oiZqeQR5

— ANI (@ANI) May 18, 2020

ಈ ಬಗ್ಗೆ ಚೆನ್ನೈ ಜಿಲ್ಲಾಡಳಿತ ಆಗಲಿ ಅಥವಾ ತಮಿಳುನಾಡು ಸರ್ಕಾರ ಆಗಲಿ ಯಾವುದೇ ತೀರ್ಮಾನಕ್ಕೆ ಬಂದಿಲ್ಲ.

English summary

Koyambedu Wholesale Flowers Market Merchants' Association today protest in Chennai demanding the state government to allow the sale of flowers amid lockdown due to COVID19.