Click it and Unblock the Notifications
Just In
-
-
-
Don't Miss
-
Shravani subramanya: ದುಃಖ ತಡೆಯಲಾದೇ ತಬ್ಬಿಕೊಂಡ ಶ್ರಾವಣಿ; ವಿಜಯಾಂಬಿಕೆಯಿಂದ ಬಿತ್ತು ಪೆಟ್ಟು -
ಲಿವರ್ ಸಮಸ್ಯೆಯಿದೆ ಎಂದು ಸೂಚಿಸುವ ಲಕ್ಷಣಗಳಿವು, ಕುಟುಂಬಸ್ಥರು ಲಿವರ್ ದಾನ ಮಾಡಿದರೆ ವ್ಯಕ್ತಿಯ ಪ್ರಾಣ ಉಳಿಸಬಹುದು -
LSG vs CSK IPL 2024: ಮತ್ತೊಮ್ಮೆ ಧೋನಿ, ಜಡೇಜಾ ಅಬ್ಬರ; ಲಕ್ನೋ ತಂಡಕ್ಕೆ ಸವಾಲಿನ ಗುರಿ ನೀಡಿದ ಸಿಎಸ್ಕೆ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
58 ನಿಮಿಷದಲ್ಲಿ 46 ಭಕ್ಷ್ಯಗಳ ತಯಾರಿ; ಚೆನ್ನೈ ಹುಡುಗಿಯ ಚಮತ್ಕಾರ
ಚೆನ್ನೈ, ಡಿಸೆಂಬರ್ 16: ಮೊನ್ನೆ ಮೊನ್ನೆಯಷ್ಟೇ ಕೇರಳ ಮೂಲದ ಹತ್ತು ವರ್ಷದ ಬಾಲಕಿಯೊಬ್ಬಳು ಕೇವಲ ಒಂದು ಗಂಟೆಯಲ್ಲಿ 33 ಬಗೆಯ ತಿನಿಸುಗಳನ್ನು ತಯಾರಿಸಿ ವಿಶ್ವ ದಾಖಲೆ ಸೃಷ್ಟಿಸಿದ್ದಳು. ಇದೀಗ ಆ ದಾಖಲೆಯನ್ನು ಚೆನ್ನೈನ ಬಾಲಕಿ ಮುರಿದಿದ್ದಾಳೆ. ಕೇವಲ 58 ನಿಮಿಷದಲ್ಲಿ 46 ತಿನಿಸುಗಳನ್ನು ತಯಾರಿಸಿ ಯುನಿಕೊ ವಿಶ್ವ ದಾಖಲೆಗೆ ಸೇರ್ಪಡೆಯಾಗಿದ್ದಾಳೆ.
ಎನ್.ಎಸ್. ಲಕ್ಷ್ಮಿ ಸಾಯಿ ಶ್ರೀ ಎಂಬ ಚೆನ್ನೈನ ಈ ಬಾಲಕಿ ಪಟಾ ಪಟ್ ಎಂದು ಅಡುಗೆ ತಯಾರಿಸಿ ಮಂಗಳವಾರ ವಿಶ್ವ ದಾಖಲೆ ಬರೆದಿದ್ದಾಳೆ.
ವಿಶ್ವ ದಾಖಲೆ ಮಾಡಿರುವುದಕ್ಕೆ ಸಂತಸ ವ್ಯಕ್ತಪಡಿಸಿರುವ ಲಕ್ಷ್ಮಿ, "ನನಗೆ ಅಡುಗೆ ಮಾಡುವುದರಲ್ಲಿ ತುಂಬಾ ಆಸಕ್ತಿಯಿತ್ತು. ಲಾಕ್ ಡೌನ್ ಸಮಯದಲ್ಲಿ ಅಮ್ಮನಿಂದ ಅಡುಗೆ ಮಾಡಲು ತರಬೇತಿ ಪಡೆದೆ. ಅಪ್ಪ ನನಗೆ ಈ ರೀತಿ ದಾಖಲೆ ಸೃಷ್ಟಿಸುವ ಹುಮ್ಮಸ್ಸು ತುಂಬಿದರು" ಎಂದಿದ್ದಾಳೆ.
"ತಮಿಳುನಾಡಿನ ಹಲವು ಬಗೆಯ ಸಾಂಪ್ರದಾಯಿಕ ಅಡುಗೆಗಳನ್ನು ನಾನು ಮಾಡುತ್ತೇನೆ. ಲಾಕ್ ಡೌನ್ ಸಮಯದಲ್ಲಿ ನನ್ನೊಂದಿಗೆ ನನ್ನ ಮಗಳು ಅಡುಗೆ ಮನೆಯಲ್ಲಿ ಸಮಯ ಕಳೆಯುತ್ತಿದ್ದಳು. ನಾನು ಆಕೆಗೆ ಅಡುಗೆ ಮಾಡುವುದನ್ನು ಕಲಿಸಿದೆ. ನನ್ನ ಪತಿ, ಅಡುಗೆ ಕಲೆಯಲ್ಲಿ ದಾಖಲೆ ಮಾಡುವ ಆಲೋಚನೆ ನೀಡಿದರು. ಆಗ ನನ್ನ ಮಗಳು ಅಡುಗೆಯನ್ನು ಆದಷ್ಟು ಬೇಗ ಮಾಡುವಂತೆ ತರಬೇತಿ ಪಡೆದುಕೊಂಡು ಈಗ ದಾಖಲೆ ಸೃಷ್ಟಿಸಿದ್ದಾಳೆ" ಎಂದು ಸಂತಸ ವ್ಯಕ್ತಪಡಿಸಿದರು ಲಕ್ಷ್ಮಿ ತಾಯಿ ಎನ್ ಕಲೈಮಗಲ್.
ದಾಖಲೆ ರೂಪಿಸಲು ಮನಸ್ಸು ಮಾಡಿದ ನಂತರ, ಹಿಂದಿನ ದಾಖಲೆಗಳ ಕುರಿತು ಮಾಹಿತಿ ಕಲೆ ಹಾಕಿದರು. ಆಗ ಈಚೆಗೆ ಕೇರಳ ಮೂಲದ ಹತ್ತು ವರ್ಷದ ಬಾಲಕಿ 33 ಆಹಾರಗಳನ್ನು ತಯಾರಿಸಿ ದಾಖಲೆ ಸೃಷ್ಟಿಸಿದ್ದುದು ತಿಳಿದುಬಂತು. ಈ ದಾಖಲೆ ಮುರಿಯಲು ಪ್ರಯತ್ನ ಪಟ್ಟಿದ್ದಾಗಿ ಲಕ್ಷ್ಮಿ ತಿಳಿಸಿದ್ದಾಳೆ.
ಆಗಸ್ಟ್ 29ರಂದು ಕೇರಳದ ಸಾನ್ವಿ 33 ಬಗೆಯ ಆಹಾರ ತಯಾರಿಸಿದ್ದಳು. ಇಡ್ಲಿ, ವೇಫಲ್, ಕಾರ್ನ್ ಫ್ರಿಟರ್, ಮಶ್ರೂಮ್ ಟಿಕ್ಕಾ, ಉತ್ತಪ್ಪಂ, ಪನೀರ್ ಟಿಕ್ಕಾ, ಸ್ಯಾಂಡ್ ವಿಚ್, ಪಾಪಡ್ ಚಾಟ್, ಫ್ರೈಡ್ ರೈಸ್, ಚಿಕನ್ ರೋಸ್ಟ್, ಪ್ಯಾನ್ ಕೇಕ್, ಅಪ್ಪಂ ಹೀಗೆ ಥರಾವರಿ ಭಕ್ಷ್ಯಗಳನ್ನು ತಯಾರಿಸಿದ್ದಳು.
