• search
  • Live TV
ಚೆನ್ನೈ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಅಮ್ಮ ಥಿಯೇಟರ್: ಜಯಲಲಿತಾ ಮತ್ತೊಂದು ರಾಜಕೀಯ

By Srinath
|

ಚೆನ್ನೈ, ಫೆ.20: ಪ್ರಧಾನಿ ಆಗಬೇಕೆಂಬ ಹೆಬ್ಬಯಕೆಯೊಂದಿಗೆ ಲೋಕಸಭಾ ಚುನಾವಣೆ ಪೂರ್ವದಲ್ಲಿ ಪ್ರತಿಯೊಂದು ಅವಕಾಶವನ್ನೂ ಬಳಸಿಕೊಳ್ಳುತ್ತಿರುವ ಮುಖ್ಯಮಂತ್ರಿ ಜಯಲಲಿತಾ ಈಗ ಚಿತ್ರರಸಿಕರಿಗೆ ಹೊಸ ಆಶ್ರಯ ನೀಡಿದ್ದಾರೆ.

ಅಮ್ಮ ಇಡ್ಲಿ, ಅಮ್ಮ ಅನ್ನ-ಸಾಂಬಾರ್, ಅಮ್ಮ ಪೊಂಗಲ್ ಸರಣಿಗೆ ಮುಖ್ಯಮಂತ್ರಿ ಜಯಲಲಿತಾ ಮತ್ತೊಂದು ಸೇರಿಸಿದ್ದಾರೆ. ಅದುವೇ ಅಮ್ಮ ಥಿಯೇಟರ್!

ಈ ಮಧ್ಯೆ, ರಾಜೀವ್ ಗಾಂಧಿ ಹಂತಕರನ್ನು ಜೈಲಿಂದ ಬಿಡುಗಡೆ ಮಾಡಲು ತುದಿಗಾಲಲ್ಲಿ ನಿಂತಿರುವ ಜಯಾ ವಿರುದ್ಧ ರಾಜೀವ್ ಗಾಂಧಿಯ ಏಕೈಕ ಪುತ್ರ ರಾಹುಲ್ ಅವರು ಕಿಡಿಕಾರಿದ್ದಾರೆ. ಜತೆಗೆ, ಜಯಾ ನಿರ್ಧಾದ ವಿರುದ್ಧ ಸುಪ್ರೀಂಕೋರ್ಟ್ ಮೊರೆಹೋಗುವಂತೆಯೂ ಕೇಂದ್ರ ಸರಕಾರಕ್ಕೆ ಅಲವತ್ತುಕೊಂಡಿದ್ದಾರೆ. ಇದೆಲ್ಲಾ ಆಗೋಷ್ಟೊತ್ತಿಗೆ ಜಯಾ, ಪಾತಕಿಗಳನ್ನು ಬಿಟ್ಟುಕಳಿಹಿಸಿದ್ದರೂ ಆಶ್ಚರ್ಯವಿಲ್ಲ.

ಮತ್ತೆ ಅಮ್ಮ ಥಿಯೇಟರ್ ನತ್ತ ಹೆಜ್ಜೆ ಹಾಕುವುದಾದರೆ... ಜನಾಸಾಮಾನ್ಯರು ಸಿನಿಮಾ ಮಂದಿರಗಳತ್ತ ಬರುವುದು ದುಬಾರಿಯಾಗುತ್ತಿದೆ ಎಂಬುದನ್ನು ಅರಿತ ಸಿಎಂ ಜಯಾ ಇದೀಗ ಚೆನ್ನೈನಲ್ಲಿ ಹತ್ತಾರು ಕಡೆ ಥಿಯೇಟರ್ ಗಳನ್ನು ತೆರೆದು, ಅಗ್ಗದ ದರದ ಟಿಕೆಟ್ ಇಟ್ಟು, ಜನಸಾಮಾನ್ಯರಿಗೆ ಅಗ್ಗದ ಮನರಂಜನೆ ಒದಗಿಸಲು ಮುಂದಾಗಿದ್ದಾರೆ.

ನಿನ್ನೆ ಚೆನ್ನೈ ಮಹಾನಗರ ಪಾಲಿಕೆ ಬಜೆಟ್ ಮಂಡನೆಯಾಗಿದ್ದು, ಅದರಲ್ಲಿ Amma Cinema Theatre ನಿರ್ಮಾಣಕ್ಕೆ ಅಸ್ತು ಎನ್ನಲಾಗಿದೆ. ಹಾಗಾಗಿ ಚೆನ್ನೈನಲ್ಲಿ ಖಾಲಿ ಬಿದ್ದಿರುವ ಜಾಗಗಳಲ್ಲಿ ಅಮ್ಮ ಸಿನಿಮಾ ಥಿಯೇಟರ್ ತಲೆಯೆತ್ತಲಿವೆ.

ಪಾಲಿಕೆಗೆ ಸೇರಿದ ಜಾಗಗಳಲ್ಲಿ ಹೊಸ ಸಿನಿ ಮಂದಿರಗಳನ್ನು ನಿರ್ಮಿಸಿ. ಅಲ್ಲಿ ಹೊಚ್ಚ ಹೊಸ ಸೂಪರ್ ಡ್ಯೂಪರ್ ಸಿನಿಮಾಗಳನ್ನು ಪ್ರದರ್ಶಿಸುವ ಏರ್ಪಾಡು ಮಾಡಿ ಎಂದು ಪಾಲಿಕೆ ಅಧಿಕಾರಿಗಳಿಗೆ ಮುಖ್ಯಮಂತ್ರಿ ಜಯಲಲಿತಾ ಸೂಚಿಸಿದ್ದರಿಂದ ಈ ಬಗ್ಗೆ ಕ್ರಮಕೈಗೊಂಡಿದ್ದೇವೆ ಎಂದು ಬಜೆಟ್ ಮಂಡಿಸುತ್ತಾ ಮೇಯರ್ ಸೈದೈ ದುರೈಸಾಮಿ ಹೇಳಿದ್ದಾರೆ.

ಚೆನ್ನೈ ಜನಕ್ಕೆ ಸಿನಿಮಾ ಮಂದಿರಗಳು ಮನರಂಜನೆಯ ತಾಣಗಳು. ಆದರೆ ಬಹಳಷ್ಟು ಥಿಯೇಟರುಗಳು ವಾಣಿಜ್ಯ ಸಂಕೀರ್ಣಗಳಲ್ಲಿವೆ. ಅಲ್ಲಿ ಟಿಕೆಟ್ ದುಬಾರಿ. ಆದ್ದರಿಂದ ಮಧ್ಯಮ ಮತ್ತು ಬಡ ಜನತೆ ಈ ಮಲ್ಟಿಪ್ಲೆಕ್ಸುಗಳಿಗೆ ಹೋಗುವಂತಿಲ್ಲ. ಹಾಗಾಗಿ ಮುಖ್ಯಮಂತ್ರಿ ಈ ಯೋಜನೆ ರೂಪಿಸಿದ್ದಾರೆ ಎಂದು ಮೇಯರ್ ದುರೈಸಾಮಿ ತಿಳಿಸಿದ್ದಾರೆ.

ಮೊದಲ ಹಂತದಲ್ಲಿ 5 ಸಿನಿಮಾ ಮಂದಿರಗಳನ್ನು ಸ್ಥಾಪಿಸಲು ಯೋಜಿಸಲಾಗಿದೆ.

ಮುಂದಿನ ದಿನಗಳಲ್ಲಿ ಅಮ್ಮ ವಾರದ ಸಂತೆಗಳು, ಅಮ್ಮ ಮಹಿಳಾ ಹಾಸ್ಟೆಲ್, ಅಮ್ಮ ಕುಠೀರ, ಅಮ್ಮ ಕಾರ್ಪೊರೇಶನ್ ಹಾಸ್ಟೆಲುಗಳು, ಅಮ್ಮ ಕಂಪ್ಯೂಟರ್ ತರಬೇತಿ ಕೇಂದ್ರಗಳು ಚೆಡನ್ನನಲ್ಲಿ ಸದ್ಯದಲ್ಲೆ ಕಾರ್ಯಾರಂಭಿಸಲಿವೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Chennai Corporation Council to construct Amma theatres in Jayalalitha's name. Chennai Corporation, on Wednesday, announced the establishment of Amma Cinema Theatres on vacant land in various parts of the city. Announcing 132 welfare and development schemes in the Corporation Budget 2014-2015, Mayor Saidai Duraisamy said the tickets would be affordable for the poor and the middle class.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more