'ಬಸ್ ದಿನ' ಆಚರಿಸುವ ಜೋಶ್ ನಲ್ಲಿ ಟಾಪ್ ನಿಂದ ಬಿದ್ದ ಚೆನ್ನೈ ವಿದ್ಯಾರ್ಥಿಗಳು
ಚೆನ್ನೈ, ಜೂನ್ 18: ಸೋಮವಾರ ಚೆನ್ನೈನಲ್ಲಿ ನಡೆದ ಘಟನೆಯೊಂದರ ವಿಡಿಯೋ ಭಾರೀ ವೈರಲ್ ಆಗಿದೆ. ಚೆನ್ನೈ ನಗರದ ಬಸ್ ವೊಂದರ ಮುಂದೆ ದಿಢೀರನೆ ಬೈಕ್ ಅಡ್ಡ ಬಂದಿದೆ. ಆ ವೇಳೆ ಚಾಲಕ ಬ್ರೇಕ್ ಹಾಕಿದ್ದಾನೆ. ಆಗ ಟಾಪ್ ನಲ್ಲಿ ಕುಳಿತ ವಿದ್ಯಾರ್ಥಿಗಳ ಗುಂಪೊಂದು ರಸ್ತೆಗೆ ಬಿದ್ದಿದೆ. 'ಬಸ್ ದಿನ'ವನ್ನು ಅಚರಿಸುವ ಸಲುವಾಗಿ ಪಚ್ಚೈಯಪ್ಪ ಕಾಲೇಜಿನ ವಿದ್ಯಾರ್ಥಿಗಳು ಬಸ್ ನ ಮೇಲೇರಿ ಕುಳಿತಿದ್ದರು.
#WATCH College students in Chennai sit & climb on top of moving buses and hang from window bars of a bus during Bus Day celebrations, yesterday; Police detained 24 students in connection with the incident. pic.twitter.com/TI77ogTNxc
— ANI (@ANI) 18 June 2019
ಇನ್ನು ಕೆಲ ವಿದ್ಯಾರ್ಥಿಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ನಿರ್ದಿಷ್ಟ ಕಾಲೇಜು ಮಾರ್ಗದಲ್ಲೇ ಸಂಚಾರ ಮಾಡುವ ಬಸ್ ನ ಚಾಲಕ ಹಾಗೂ ನಿರ್ವಾಹಕರಿಗೆ ಧನ್ಯವಾದ ಹೇಳುವ ಸಲುವಾಗಿ ಹೀಗೆ 'ಬಸ್ ದಿನ'ವನ್ನು ಆಚರಿಸಲಾಗುತ್ತದೆ. ಕ್ರಮೇಣ ಈ ದಿನವೇ ನಾನಾ ಅವಘಡಗಳಿಗೆ ಕಾರಣ ಆಗುತ್ತಿದೆ.
ಜನ ನಿಬಿಡ ರಸ್ತೆಗಳಲ್ಲೇ ಬಹಳ ನಿಧಾನವಾಗಿ ಬಸ್ ಅನ್ನು ಚಾಲನೆ ಮಾಡುವಂತೆ ಚಾಲಕರಿಗೆ ವಿದ್ಯಾರ್ಥಿಗಳು ಒತ್ತಡ ಹಾಕುತ್ತಾರೆ. ಇದರಿಂದ ಸಂಚಾರ ದಟ್ಟಣೆ ಏರ್ಪಡುತ್ತದೆ. 'ಬಸ್ ದಿನ' ಆಚರಣೆ ಬಗ್ಗೆ ಮದ್ರಾಸ್ ಹೈ ಕೋರ್ಟ್ ಹಲವು ಬಾರಿ ಆಕ್ಷೇಪಣೆಯನ್ನು ವ್ಯಕ್ತಿಪಡಿಸಿದೆ. ಇಂಥ ಆಚರಣೆ ವಿರುದ್ಧ ಪೊಲೀಸರು ಕೂಡ ಎಚ್ಚರಿಕೆ ನೀಡಿದ್ದಾರೆ.