Click it and Unblock the Notifications
Just In
-
-
-
Don't Miss
-
ಶಾಲೆಯನ್ನೇ ಬ್ಯೂಟಿ ಪಾರ್ಲರ್ ಮಾಡಿಕೊಂಡ ಪ್ರಿನ್ಸಿಪಾಲ್..! ಕೇಳಿದ ಶಿಕ್ಷಕಿ ಕೈ ಕಚ್ಚಿ ಹಲ್ಲೆ..! -
ಜಾವಾ ಮೋಟಾರ್ಸೈಕಲ್ ಮಾಲೀಕರಿಗೆ ಸಿಹಿಸುದ್ದಿ: ಈ ಅವಕಾಶ ಕಳೆದುಕೊಳ್ಳಬೇಡಿ! -
ಎಮರ್ಜೆನ್ಸಿ ಲೋನ್ ಅಂದ್ರೆ ಏನು, ಇದನ್ನು ಪಡೆದುಕೊಳ್ಳುವುದು ಹೇಗೆ ? ಇಲ್ಲಿದೆ ನೋಡಿ ಸುಲಭ ಉಪಾಯ -
ಹರ್ಷಿಕಾ ಪೂಣಚ್ಚ- ಭುವನ್ ಪೊನ್ನಣ್ಣ ಮೇಲೆ ಹಲ್ಲೆ; "ನಮ್ಮ ಬೆಂಗಳೂರಿನಲ್ಲಿ ನಾವು ಎಷ್ಟು ಸುರಕ್ಷಿತ?" ಎಂದ ನಟಿ -
ಜೈಪುರ ವ್ಯಾಕ್ಸ್ ಮ್ಯೂಸಿಯಂನಲ್ಲಿ ವಿರಾಟ್ ಕೊಹ್ಲಿ ಮೇಣದ ಪ್ರತಿಮೆ; ದಿಗ್ಗಜರ ಸಾಲಿಗೆ ಸೇರಿದ ಶ್ರೇಷ್ಠ ಬ್ಯಾಟರ್ -
ಇಂದು ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G ಫೋನ್ ಸೇಲ್!..ಬೆಲೆ ಎಷ್ಟು? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತಮಿಳಿಗರ ಪಾಲಿಗೆ ಫೆಬ್ರವರಿ 28 ಶೋಕಾಚರಣೆಯ ದಿನ
ಚೆನ್ನೈ, ಫೆಬ್ರವರಿ 28 : ಅಪ್ಪಟ ತಮಿಳಿಗರಿಗೆ ಬುಧವಾರ, ಫೆಬ್ರವರಿ 28 ಕರಾಳ ದಿನ. ಮೂರು ಘಟನೆಗಳು ತಮಿಳುನಾಡಿಗರನ್ನು ಶೋಕಸಾಗರದಲ್ಲಿ ತಳ್ಳಿವೆ.
ನಾಲ್ಕು ದಿನಗಳ ಹಿಂದೆ ದುಬೈನಲ್ಲಿ ದುರಂತ ಸಾವಿಗೀಡಾದ ಬಾಲಿವುಡ್ ಅಪ್ಸರೆ ಶ್ರೀದೇವಿಯವರ ಅಂತಿಮ ಸಂಸ್ಕಾರವನ್ನು ಬುಧವಾರ ಮಧ್ಯಾಹ್ನ ಮುಂಬೈನಲ್ಲಿ ನೆರವೇರಿಸಲಾಗುತ್ತಿದೆ. ಇದು ಮುಂಬೈನಲ್ಲಿ ನಡೆಯುತ್ತಿದ್ದರೂ, ಶ್ರೀದೇವಿ ತಮಿಳುನಾಡಿನ ಮಗಳು, ಹುಟ್ಟಿದ್ದು ಶಿವಕಾಶಿಯಲ್ಲಿ.
ಶ್ರೀದೇವಿಯವರು ಕ್ರಮೇಣ ಹಿಂದಿ ಚಿತ್ರರಂಗದಲ್ಲಿಯೇ ಅವಕಾಶ ಗಿಟ್ಟಿಸಿ, ಅಲ್ಲಿಯೇ ಸೆಟ್ಲ್ ಆದರೂ ಆರಂಭದ ವರ್ಷಗಳಲ್ಲಿ ತಮಿಳಿನಲ್ಲಿ ಹಲವಾರು ಮನೋಜ್ಞ ಚಿತ್ರಗಳಲ್ಲಿ ನಟಿಸಿದ್ದರು. ಅವುಗಳಲ್ಲಿ ಮೂಡ್ರಂ ಪಿರೈ ಶ್ರೀದೇವಿಯವರು ಅಭಿನಯಿಸಿರುವ ಅದ್ಭುತವಾದ ಚಿತ್ರಗಳಲ್ಲೊಂದು. ಇದು ಸಹಜವಾಗಿ ತಮಿಳಿಗರ ಕಣ್ಣು ಮಂಜಾಗಿಸಿದೆ.
ಇದು ಸಾಲದೆಂಬಂತೆ, ಬುಧವಾರ ಬೆಳಿಗ್ಗೆ ಕಂಚಿ ಶಂಕರಾಚಾರ್ಯರಾದ ಜಯೇಂದ್ರ ಸರಸ್ವತಿ ಸ್ವಾಮೀಜಿಯವರು ಶಿವೈಕ್ಯರಾಗಿರುವುದು. 83 ವರ್ಷದ ಶ್ರೀಗಳು ಪಾರ್ಶ್ವವಾಯುವಿಗೆ ತುತ್ತಾಗಿದ್ದರು. ಅವರು 69ನೇ ಜಗದ್ಗುರುಗಳಾಗಿ ಕಂಚಿ ಪೀಠವನ್ನು ಏರಿದ್ದರು.
ಲಕ್ಷಾಂತರ ಭಕ್ತರನ್ನು ದುಃಖದ ಮಡುವಿನಲ್ಲಿ ತಳ್ಳಿ ಕಂಚಿ ಕಾಮಕೋಟಿಯ ಜಗದ್ಗುರುಗಳು ಪರಂಧಾಮಗೈದಿದ್ದಾರೆ. ಅರ್ಧ ಶತಮಾನಕ್ಕೂ ಅವರು ಮಾನವಕುಲದ ಸೇವೆಗೈದಿದ್ದಾರೆ. ಅವರು ನಿರಂತರ ಸೇವೆ ಮತ್ತು ತಪೋಬಲದ ಮೂಲಕ ಸಹಸ್ರಾರು ಭಕ್ತರಿಗೆ ದಾರಿದೀಪವಾಗಿದ್ದರು. ಅವರನ್ನು ಕಳೆದುಕೊಂಡ ಭಕ್ತರು ಅನಾಥ ಭಾವ ಅನುಭವಿಸುತ್ತಿದ್ದಾರೆ.
ಇವೆರಡೂ ಶೋಕಾಚರಣೆಯಾದರೆ, ಪಂಚೆಯ ರಾಜಕಾರಣಿ ಎಂದೇ ಹೆಸರಾಗಿರುವ, ಮಾಜಿ ವಿತ್ತ ಸಚಿವ, ಅಪಾರ ಬುದ್ಧಿವಂತ ರಾಜಕಾರಣಿ ಪಿ ಚಿದಂರಬರಂ ಅವರ ಮಗ ಕಾರ್ತಿ ಚಿದಂಬರಂ ಅವರನ್ನು, ವಿದೇಶಿ ಹಣ ಗೋಲ್ ಮಾಲ್ ಮಾಡಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬುಧವಾರ ಚೆನ್ನೈನಲ್ಲಿ ಬಂಧಿಸಲಾಗಿದೆ.
ಯುನಿವರ್ಸಿಟಿ ಆಫ್ ಕೇಂಬ್ರಿಜ್ ನಲ್ಲಿ ಕಲಿತು ಅಪ್ಪನಂತೆಯೇ ಮಹಾಬುದ್ಧಿವಂತ ಅಂತ ಅನ್ನಿಸಿಕೊಂಡಿರುವ ಕಾರ್ತಿ ಚಿದಂಬರಂ, ಬುದ್ಧಿವಂತಿಕೆಯನ್ನು ವ್ಯಾಪಾರವೃದ್ಧಿಗಾಗಿ ಬಳಸಿಕೊಳ್ಳುವ ಬದಲು ಹಲವಾರು ಹಗರಣಗಳಲ್ಲಿ ಸಿಲುಕಿರುವುದು ದೊಡ್ಡು ದುರಂತ. ಕನಿಷ್ಠಪಕ್ಷ ಕಾಂಗ್ರೆಸ್ ಈ ಘಟನೆಯಿಂದಾಗಿ ತೀವ್ರ ಶೋಕಾಚರಣೆಯಲ್ಲಿ ಮುಳುಗಿದೆ.
