12 ಕೋಟಿ ಮೌಲ್ಯದ ಮೊಬೈಲ್ ಸಾಗಿಸುತ್ತಿದ್ದ ಲಾರಿ ಅಪಹರಣ!
ಚೆನ್ನೈ, ಆಗಸ್ಟ್ 27 : ತಮಿಳುನಾಡಿನಿಂದ ಮುಂಬೈಗೆ ಸಂಚಾರ ನಡೆಸುತ್ತಿದ್ದ ಲಾರಿಯನ್ನು ಅಪಹರಣ ಮಾಡಲಾಗಿದೆ. ಲಾರಿಯಲ್ಲಿ 12 ಕೋಟಿ ರೂ. ಮೌಲ್ಯದ ಮೊಬೈಲ್ ಫೋನ್ಗಳಿದ್ದವು. 6 ಕೋಟಿ ರೂ. ಮೌಲ್ಯದ ಮೊಬೈಲ್ ಕಳುವು ಮಾಡಲಾಗಿದೆ.
ತಮಿಳುನಾಡು-ಆಂಧ್ರಪ್ರದೇಶ ಗಡಿ ಭಾಗದಲ್ಲಿ ಅಪರಿಚಿತರು ಲಾರಿಯನ್ನು ಅಪಹರಣ ಮಾಡಿದ್ದಾರೆ. 6 ಕೋಟಿ ರೂ. ಮೌಲ್ಯದ ಮೊಬೈಲ್ ಕಳುವು ಮಾಡಲಾಗಿದ್ದು, ಚಿತ್ತೂರು ಬಳಿ ಲಾರಿಯನ್ನು ಬಿಟ್ಟು ಪರಾರಿಯಾಗಿದ್ದಾರೆ.
ಭಾರತದಲ್ಲೇ ಮೊಬೈಲ್ ತಯಾರಿಸಿಲು ಮುಗಿಬಿದ್ದ ಕಂಪನಿಗಳು: 11 ಲಕ್ಷ ಕೋಟಿ ರೂ. ಪ್ರಸ್ತಾಪ
ಲಾರಿ ಚಾಲಕ ಇರ್ಫಾನ್ ಮೇಲೆ ದರೋಡೆಕೋರರು ಹಲ್ಲೆ ಮಾಡಿದ್ದು, ಕೈಗಳನ್ನು ಕಟ್ಟಿ ಕಂಟೈನೈರ್ ಒಳಗೆ ಹಾಕಿದ್ದಾರೆ. ಕೈಗಳನ್ನು ಬಿಚ್ಚಿಕೊಂಡ ಚಾಲಕ ಹತ್ತಿರದ ಪೊಲೀಸ್ ಠಾಣೆಗೆ ಹೋಗಿ ದರೋಡೆ ಕುರಿತು ದೂರು ನೀಡಿದ್ದಾನೆ.
ಮೈಸೂರು: ಲಾರಿ ಕಳ್ಳತನ ಮಾಡಿದ್ದ ಆರೋಪಿಗಳ ಬಂಧನ
ತಮಿಳುನಾಡಿನಿಂದ ಮಂಗಳವಾರ ಸಂಜೆ ಲಾರಿ ಹೊರಟಿತ್ತು. ಮುಂಬೈಗೆ ಮೊಬೈಲ್ ಫೋನ್ಗಳನ್ನು ತಲುಪಿಸಬೇಕಿತ್ತು. ತಮಿಳುನಾಡು-ಆಂಧ್ರಪ್ರದೇಶ ಗಡಿಯಲ್ಲಿ ಲಾರಿಯನ್ನು ಅಡ್ಡಗಟ್ಟಿ ಅಪಹರಣ ಮಾಡಲಾಗಿದೆ.
ಏಪ್ರಿಲ್ನಲ್ಲಿ 82 ಲಕ್ಷ ಮೊಬೈಲ್ ಚಂದಾದಾರರನ್ನು ಕಳೆದುಕೊಂಡ ಟೆಲಿಕಾಂ ಕಂಪನಿಗಳು
15 ಕಿ. ಮೀ. ದೂರ ಲಾರಿಯನ್ನು ತಂದಿರುವ ಕಳ್ಳರು, ಲಾರಿಯಲ್ಲಿದ್ದ 16 ಬಾಕ್ಸ್ಗಳ ಪೈಕಿ 8 ಬಾಕ್ಸ್ ಹೊತ್ತುಕೊಂಡು ಹೋಗಿದ್ದಾರೆ. ಒಟ್ಟು 7,500 ಮೊಬೈಲ್ಗಳು ಬಾಕ್ಸ್ಗಳಲ್ಲಿ ಇದ್ದವು ಎಂಬ ಮಾಹಿತಿ ಸಿಕ್ಕಿದೆ.
ದರೋಡೆಕೋರರನ್ನು ಹಿಡಿಯಲು ಪೊಲೀಸರು ತಂಡವನ್ನು ರಚನೆ ಮಾಡಿದ್ದಾರೆ. ತಮಿಳುನಾಡಿನಲ್ಲಿದ್ದ ಉತ್ಪಾದನಾ ಕಂಪನಿಯ ಪ್ರತಿನಿಧಿಗಳನ್ನು ಸಹ ಪೊಲೀಸರು ಕರೆಸುತ್ತಿದ್ದಾರೆ.