ಬಾಲಕಿ ಲೈಂಗಿಕ ದೌರ್ಜನ್ಯ ಆರೋಪಿಗಳ ಹಿಗ್ಗಾಮುಗ್ಗ ಥಳಿಸಿದ ವಕೀಲರು
ಚೆನ್ನೈ, ಜುಲೈ 17: ಇಲ್ಲಿನ ಅಪಾರ್ಟ್ ಮೆಂಟ್ ವೊಂದರಲ್ಲಿ ಹನ್ನೆರಡು ವರ್ಷದ ಬಾಲಕಿ ಮೇಲೆ ತಿಂಗಳುಗಳ ಕಾಲ ಲೈಂಗಿಕ ದೌರ್ಜನ್ಯ ನಡೆಸಿದ ಆರೋಪ ಹೊತ್ತಿರುವ ಹದಿನೇಳು ಮಂದಿಯನ್ನು ಸಿಟ್ಟಿಗೆದ್ದ ಕೆಲವು ವಕೀಲರು ಮಂಗಳವಾರ ಥಳಿಸಿದ್ದಾರೆ.
ಅಪಾರ್ಟ್ ಮೆಂಟ್ ನ ಸೆಕ್ಯೂರಿಟಿ ಗಾರ್ಡ್ ಸೇರಿದಂತೆ ಹದಿನೇಳು ಮಂದಿ ವಿರುದ್ಧ ಪ್ರಕರಣ ದಾಖಲಾಗಿದೆ. ಆರೋಪಿಗಳನ್ನು ಕೋರ್ಟ್ ಗೆ ಹಾಜರುಪಡಿಸುವ ವೇಳೆ ಈ ಘಟನೆ ನಡೆದಿದೆ. ತಂಪು ಪಾನೀಯದಲ್ಲಿ 'ಮತ್ತು' ಬರುವಂಥ ಪದಾರ್ಥ ಹಾಕಿ, ಆ ನಂತರ ಬಾಲಕಿ ಮೇಲೆ ಲೈಂಗಿಕ ದೌರ್ಜನ್ಯ ಮಾಡಲಾಗಿದೆ. ಆರೋಪಿಗಳು ಬಾಲಕಿಯನ್ನು ಬ್ಲ್ಯಾಕ್ ಮೇಲ್ ಮಾಡಿದ್ದಾರೆ.
12 ವರ್ಷದ ಬಾಲಕಿ ಮೇಲೆ 7 ತಿಂಗಳಿಂದ ಅತ್ಯಾಚಾರ, 17 ಮಂದಿ ಬಂಧನ
ಬಂಧಿತರಲ್ಲಿ ಲಿಫ್ಟ್ ಆಪರೇಟರ್, ನೀರು ಪೂರೈಕೆದಾರ ಕೂಡ ಸೇರಿದ್ದಾರೆ. ಬಾಲಕಿಯು ತನ್ನ ಅಕ್ಕನಿಗೆ ಮೊದಲಿಗೆ ವಿಷಯ ತಿಳಿಸಿದ್ದಾಳೆ. ಆ ನಂತರ ತಾಯಿಗೆ ಈ ಬಗ್ಗೆ ಗೊತ್ತಾಗಿ, ಪೊಲೀಸರಲ್ಲಿ ದೂರು ದಾಖಲಿಸಿದ್ದಾರೆ.
#MHC advocates thrash 17men who were arrested in minor sexual assault case @madhavpramod1 @Ahmedshabbir20@rajakumaari @Mugilan__C@subashprabhu#ChennaiHorror #ChildAbuse pic.twitter.com/CVBjjmGn9W
— Jeeva Bharathi (@sjeeva26) July 17, 2018
ಹತ್ತು ವರ್ಷದ ಬಾಲಕಿ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ್ದ ಆರೋಪದ ಮೇಲೆ 99 ವರ್ಷದ ನಿವೃತ್ತ ಮುಖ್ಯೋಪಾಧ್ಯಾಯನನ್ನು ಈ ತಿಂಗಳ ಆರಂಭದಲ್ಲಿ ಚೆನ್ನೈನಲ್ಲಿ ಬಂಧಿಸಲಾಗಿತ್ತು.
ಬಾಲಕಿ ಮೇಲಿನ ಲೈಂಗಿಕ ದೌರ್ಜನ್ಯ ಪ್ರಕರಣದ ಆರೋಪಿಯಾಗಿರುವವರ ಪರವಾಗಿ ಯಾರೂ ವಕೀಲಿಕೆ ಮಾಡುವುದಿಲ್ಲ ಎಂದು ಚೆನ್ನೈ ಹೈ ಕೋರ್ಟ್ ವಕೀಲರ ಒಕ್ಕೂಟದ ಅಧ್ಯಕ್ಷ ಮೋಹನ ಕೃಷ್ಣನ್ ಘೋಷಿಸಿದ್ದಾರೆ.