PUBG ಆಟಕ್ಕೆ ಮತ್ತೊಂದು ಬಲಿ: 16 ವರ್ಷದ ಹುಡುಗ ಸಾವು
ಚೆನ್ನೈ, ಮೇ 20: ಪಬ್ಜಿ ಆಟದಿಂದ ಚೆನ್ನೈನಲ್ಲಿ 16 ವರ್ಷದ ಹುಡುಗ ಸಾವನಪ್ಪಿದ್ದಾನೆ. ತಮಿಳುನಾಡಿನ ಈರೋಡ್ ಪಟ್ಟಣದಲ್ಲಿ ಈ ಘಟನೆ ನಡೆದಿದೆ.
ಈರೋಡ್ ಪಟ್ಟಣದ ಹುಡುಗನೊಬ್ಬ ಯಾವಾಗಲೂ ಪಬ್ಜಿ ಆಟ ಆಡುತ್ತಿದ್ದ. ನಿರಂತರವಾಗಿ ಆರು ಗಂಟೆಗಳ ಕಾಲ ಆಟ ಆಡುತ್ತಿದ್ದ ಈ ಬಾಲಕ ಈಗ ಹೃದಯ ಸ್ತಂಭನದಿಂದ ಮೃತನಾಗಿದ್ದಾರೆ.
ಲುಡೋ ಆಟಕ್ಕೆ ಕರೆದುಕೊಳ್ಳುತ್ತಿಲ್ಲ: ಅಕ್ಕನ ವಿರುದ್ಧ ಬಾಲಕನಿಂದ ಪೊಲೀಸ್ ದೂರು
ಪ್ರತಿದಿನಂತೆ ಆ ದಿನ ಕೂಡ ಊಟ ಮುಗಿಸಿದ ಬಾಲಕ ಮೊಬೈಲ್ ಹಿಡಿದು PUBG ಆಡಲು ಶುರು ಮಾಡಿದ. ಒಂದು ಸಲ ಆಟ ಶುರು ಮಾಡಿದರೆ ನಿರಂತರವಾಗಿ ಆರು ಗಂಟೆಗಳ ಕಾಲ ಆಟ ಆಡುತ್ತಿದ್ದ. ಆದರೆ, ಆ ದಿನ ಆಟ ಆಡುತ್ತಲೇ ಕೆಳಗೆ ಕುಸಿದು ಬಿದ್ದಿದ್ದಾನೆ.
ತಕ್ಷಣವೇ ಆತನನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋಗಲಾಗಿದೆ. ಆದರೆ, ಬಾಲಕವನ್ನು ಉಳಿಸಿಕೊಳ್ಳಲು ಕುಟುಂಬದವರಿಗೆ ಸಾಧ್ಯ ಆಗಲಿಲ್ಲ. ಹೃದಯ ಸ್ತಂಭನದಿಂದ ಹುಡುಗ ಮೃತಪಟ್ಟಿದ್ದಾನೆ ಎಂದು ತಿಳಿಸಲಾಗಿದೆ.
ತಮಿಳುನಾಡಿನ ಈ ಬಾಲಕ ಸತೀಶ್ ಕುಮಾರ್ ಎಂದು ತಿಳಿದುಬಂದಿದೆ. 16 ವರ್ಷದ ಈ ಹುಡುಗ ಪ್ರಥಮ ಪಿಯುಸಿಯಲ್ಲಿ ಓದುತ್ತಿದ್ದ. ಇದೀಗ PUBG ಆಟ ಈತನನ್ನು ಬಲಿ ಪಡೆದಿದೆ.