Click it and Unblock the Notifications
Just In
-
-
-
Don't Miss
-
ಕಚ್ಚಾ ತೈಲ ಆಮದು ಗಣನೀಯ ಇಳಿಕೆ, ಪೆಟ್ರೋಲ್ ಡಿಸೇಲ್ ಬೆಲೆ ಹೆಚ್ಚಾಗುತ್ತಾ? -
Poco: ಹೊಸದಾಗಿ ಲಾಂಚ್ ಆದ ಪೊಕೊ X6 ಪ್ರೊ 5G ಸ್ಮಾರ್ಟ್ಫೋನ್ಗೆ 17% ರಿಯಾಯಿತಿ!8 GB RAM -
ಶುಕ್ರವಾರ ವೈಭವ ಲಕ್ಷ್ಮಿ ವ್ರತ ಮಾಡೋದೇಕೆ..? ಹೇಗೆ ಆಚರಿಸಬೇಕು ಎಂಬ ಮಾಹಿತಿ ಇಲ್ಲಿದೆ..! -
'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ -
RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ? -
ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ! -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಚಾಮರಾಜನಗರ ಜಿಲ್ಲೆಯಲ್ಲಿ ನೆಲೆಯೂರಿದ ರಷ್ಯಾ ಅತಿಥಿ!
ಚಾಮರಾಜನಗರ, ನವೆಂಬರ್.27 : ಚಳಿಗಾಲ ಆರಂಭವಾಗುತ್ತಿದ್ದಂತೆಯೇ ಒಂದು ಊರಿನಿಂದ ಮತ್ತೊಂದು ಊರಿಗೆ ಪಕ್ಷಿಗಳು ವಲಸೆ ಹೋಗುವುದು ಸಾಮಾನ್ಯವಾಗಿ ಕಂಡು ಬರುತ್ತದೆ. ಅದರಲ್ಲೂ ಇದೀಗ ದೂರದ ರಷ್ಯಾ ಮತ್ತು ಚೀನಾದಲ್ಲಿ ಕಂಡು ಬರುವ ಪುಟ್ಟ ಹಕ್ಕಿಯೊಂದು ಚಾಮರಾಜನಗರ ಜಿಲ್ಲೆಗೆ ಆಗಮಿಸಿದೆ.
ಹೀಗೆ ಆಗಮಿಸಿರುವ ಪುಟ್ಟ ಹಕ್ಕಿಯು ಇದೀಗ ಗುಂಡ್ಲುಪೇಟೆಯ ವನ್ಯಜೀವಿ ಛಾಯಾಗ್ರಾಹಕ ಆರ್.ಕೆ.ಮಧು ಎಂಬುವರ ಮನೆಯ ಆವರಣದಲ್ಲಿರುವ ಗಿಡ ಮರಗಳಲ್ಲಿ ಆಶ್ರಯ ಪಡೆದಿದೆ. ಮರದಿಂದ ಮರಕ್ಕೆ ಹಾರುತ್ತಾ ತನ್ನದೇ ವಿಶಿಷ್ಟ ಚೆಲುವಿನಿಂದ ನೋಡುಗರನ್ನು ಆಕರ್ಷಿಸುವ ಈ ಹಕ್ಕಿಯ ಹೆಸರು ಬೂಟೆಡ್ ವಾಬ್ಲರ್.
ಈ ಹಕ್ಕಿಯ ಕುರಿತ ಮಾಹಿತಿ ನೀಡಿರುವ ವನ್ಯಜೀವಿ ಛಾಯಾಗ್ರಾಹಕ ಆರ್.ಕೆ.ಮಧು ಅವರು ಸುಮಾರು 12ಸೆ.ಮೀ. ಉದ್ದ, 10ಗ್ರಾಂ ತೂಕದ ಗುಬ್ಬಚ್ಚಿಗಿಂತ ಪುಟ್ಟದಾದ ಬೂಟೆಡ್ ವಾಬ್ಲರ್ ಹಕ್ಕಿಯು ನೋಡಲು ಸುಂದರವಾಗಿದೆ. ಹಕ್ಕಿಯ ಮೇಲ್ಭಾಗ ತೆಳು ಬೂದು ಬಣ್ಣವನ್ನು ಹೊಂದಿದೆ. ಬಿಳಿ, ತೆಳು ಕ್ರೀಂ ಬಣ್ಣದ ತಳ, ಉದ್ದಬಾಲ, ಕಣ್ಣ ಮೇಲೆ ಬಿಳಿ ಹುಬ್ಬು ಹೊಂದಿ ಆಕರ್ಷಕವಾಗಿದೆ.
ಇವು ರಷ್ಯಾ ಹಾಗೂ ಚೀನಾ ದೇಶಗಳಲ್ಲಿ ವಾಸಿಸುತ್ತಿದ್ದು, ಮೇ-ಜೂನ್‌ನಲ್ಲಿ4-6 ಮೊಟ್ಟೆ ಇಟ್ಟು ಮರಿಮಾಡುತ್ತವೆ. ಆದರೆ ಚಳಿಗಾಲದಲ್ಲಿ ಭಾರತ, ಶ್ರೀಲಂಕಾಗಳಿಗೆ ವಲಸೆ ಬರುತ್ತವೆ. ಜತೆಯಾಗಿ ವಾಸಿಸುವ ಇವು ಚಳಿಗಾಲ ಮುಗಿಯುತ್ತಿದ್ದಂತೆ ತಮ್ಮ ಮೂಲನೆಲೆಗೆ ವಾಪಸಾಗುತ್ತವೆ ಎಂದು ಅವರು ಹೇಳಿದ್ದಾರೆ.
ಪಕ್ಷಿಗಳ ಬಗ್ಗೆ ಹೆಚ್ಚಿ ಆಸಕ್ತಿ ವಹಿಸಿ ಮಾಹಿತಿ ಸಂಗ್ರಹಿಸುತ್ತಿರುವ ಮಧು ಅವರು ಬೂಟೆಡ್ ವಾಬ್ಲರ್ ಹಕ್ಕಿಯ ಬಗ್ಗೆಯೂ ಕಳೆದ 2 ವರ್ಷಗಳಿಂದ ಅಧ್ಯಯನ ನಡೆಸುತ್ತಿದ್ದು, ಈ ಹಕ್ಕಿಗಳ ಮೂಲ ಮತ್ತು ಅವುಗಳ ಜೀವನ ಕ್ರಮಗಳ ಬಗ್ಗೆಯೂ ಹಲವು ಮಾಹಿತಿಗಳನ್ನು ಸಂಗ್ರಹಿಸಿದ್ದಾರೆ.
ದೂರದಿಂದ ಬರುವ ಈ ಹಕ್ಕಿಗಳು ಕುರುಚಲು ಕಾಡು, ಹೊಲಗದ್ದೆಗಳಲ್ಲಿ ಹಾರಾಡುತ್ತಾ ಹುಳಹುಪ್ಪಟೆಗಳನ್ನು ತಿನ್ನುತ್ತಾ ಜೀವಿಸುತ್ತವೆ ಇವು ಚಳಿಗಾಲ ಮುಗಿದು ಬೇಸಿಗೆ ಬರುತ್ತಿದ್ದಂತೆಯೇ ತಮ್ಮ ಮೂಲ ನೆಲೆಗೆ ಮರಳುವುದನ್ನು ನಾವು ಕಾಣಬಹುದಾಗಿದೆ.
