ಸಾಮೂಹಿಕ ರಜೆ ಹೋದ ತಪ್ಪಿಗೆ ಕೆಲಸ ಕಳೆದುಕೊಂಡ 236 ಎಂಜಿನಿಯರ್ಗಳು
ಪುಣೆ, ಅಕ್ಟೋಬರ್ 30: ಯಾವುದೇ ಪೂರ್ವ ಮಾಹಿತಿ ನೀಡದೆ ಆರು ವಾರ ಸಾಮೂಹಿಕ ರಜೆ ತೆರಳಿದ್ದ ತನ್ನ 236 ಉದ್ಯೋಗಿಗಳನ್ನು ವಾಹನ ಬಿಡಿಭಾಗ ತಯಾರಿಕಾ ಕಂಪೆನಿ ಜೆಡ್ಎಫ್ ಸ್ಟೀರಿಂಗ್ ಗೇರ್ ಕೆಲಸದಿಂದ ಕಿತ್ತು ಹಾಕಿದೆ.
ಯಾವುದೇ ಸಮರ್ಪಕ ಕಾರಣ ನೀಡದೆ 2017ರ ಡಿಸೆಂಬರ್ 2ರಿಂದ 2018ರ ಜನವರಿ 19ರವರೆಗೆ ಸಾಮೂಹಿಕ ರಜೆ ಮೇಲೆ ತೆರಳಿದ್ದಕ್ಕಾಗಿ 236 ಎಂಜಿನಿಯರ್ಗಳ ಒಪ್ಪಂದವನ್ನು ರದ್ದುಗೊಳಿಸಲಾಗಿದೆ ಎಂದು ಕಂಪೆನಿ ತಿಳಿಸಿದೆ.
ದೀಪಾವಳಿಗಾಗಿ ಉದ್ಯೋಗಿಗಳಿಗೆ 600 ಕಾರ್ ಗಿಫ್ಟ್ ನೀಡಿದ ಉದ್ಯಮಿ!
ಜರ್ಮನಿ ಮೂಲಕ ಜೆಡ್ಎಫ್ ಸ್ಟೀರಿಂಗ್ ಗೇರ್ ಕಂಪೆನಿಯು ಅಶೋಕ್ ಲೈಲ್ಯಾಂಡ್, ಟಾಟಾ ಮೋಟಾರ್ಸ್, ವೋಲ್ವೋ ಗ್ರೂಪ್, ಎಎಂಡಬ್ಲ್ಯೂ, ಮಹಿಂದ್ರಾ ಆಂಡ್ ಮಹಿಂದ್ರಾ ಸೇರಿದಂತೆ ಅನೇಕ ಪ್ರಮುಖ ವಾಹನ ತಯಾರಿಕಾ ಕಂಪೆನಿಗಳಿಗೆ ಬಾಲ್ ಆಂಡ್ ನಟ್ ಇಂಟಿಗ್ರಲ್ ಹೈಡ್ರಾಲಿಕ್ ಪವರ್ ಮತ್ತು ರೋಲರ್ ಮೆಕ್ಯಾನಿಕಲ್ ಸ್ಟೀರಿಂಗ್ ಸಿಸ್ಟಂಗಳನ್ನು ಪುಣೆಯಲ್ಲಿರುವ ಘಟಕದಲ್ಲಿ ತಯಾರಿಸಿ ಪೂರೈಕೆ ಮಾಡುತ್ತದೆ.
ಉದ್ಯೋಗಿಗಳು ತೋರಿದ ಅನುಚಿತ ವರ್ತನೆಯ ವಿರುದ್ಧದ ಆರೋಪಗಳ ತನಿಖೆಗೆ ತನಿಖಾಧಿಕಾರಿಗಳನ್ನು ನೇಮಿಸಲಾಗಿತ್ತು. ಅವರನ್ನು ವಿಚಾರಣೆಗೆ ಒಳಪಡಿಸಲಾಗಿತ್ತು.
ಕಾಗ್ನಿಜೆಂಟ್ ನಲ್ಲಿ ಉದ್ಯೋಗ ಕಡಿತ, ಹಿರಿಯ ಉದ್ಯೋಗಿಗಳಿಗೆ ಕೊಕ್
@sambitswaraj sir we 263 people working for zf steering gear India limited,Pune, Maharashtra last 15 years.but today company terminated us without giving any reason .pls help us sir. Ame Odia pila bahut haerana hauchu sir.
— manas ranjan samal (@manasra96920) 28 October 2018
ಈ ವಿಚಾರಣಾ ಪ್ರಕ್ರಿಯೆಯು ನ್ಯಾಯಸಮ್ಮತವಾಗಿದ್ದು, ಸ್ವಾಭಾವಿಕ ನ್ಯಾಯದ ತತ್ವದ ಅಡಿಯಲ್ಲಿ ನಡೆಸಲಾಗಿದೆ. ಈ ಉದ್ಯೋಗಿಗಳು ವಿಚಾರಣೆ ವೇಳೆ ತಪ್ಪಿತಸ್ಥರು ಎಂಬುದು ಕಂಡುಬಂದಿದೆ ಎಂದು ಕಂಪೆನಿ ಹೇಳಿಕೆ ತಿಳಿಸಿದೆ.
ಕೆಲಸಗಾರರಿಗೆ ಬೋನಸ್ ಆಗಿ ಕೊಟ್ಟಿದ್ದು ಮರ್ಸಿಡಿಸ್ ಕಾರು, ಕೊಟ್ಟವರು ಯಾರು?
ಈ ಉದ್ಯೋಗಿಗಳ ಜತೆ ಹಲವು ಸುತ್ತಿನ ಮಾತುಕತೆಗಳು ನಡೆದರೂ ಪರಿಹಾರ ದೊರಕಿಲ್ಲ. ಹೀಗಾಗಿ ಎಲ್ಲ 236 ಉದ್ಯೋಗಿಗಳನ್ನು 2018ರ ಅಕ್ಟೋಬರ್ 26/27ರಿಂದ ಅನ್ವಯವಾಗುವಂತೆ ಕೆಲಸದಿಂದ ವಜಾಗೊಳಿಸಲಾಗಿತ್ತಿದೆ. ಕಾನೂನಿನ ಅಡಿಯಲ್ಲಿ ಅವರಿಗೆ ಬಾಕಿ ಉಳಿದಿರುವ ಹಣವನ್ನು ನೀಡಲಾಗುವುದು ಎಂದು ಅದು ತಿಳಿಸಿದೆ.