ಜಿಯೋ 49ರ ಯೋಜನೆಗೆ ಸೆಡ್ಡು ವೋಡಾಫೋನ್ ನಿಂದ 47ರ ಪ್ಲಾನ್
ಬೆಂಗಳೂರು, ಜುಲೈ 26: ರಿಲಯನ್ಸ್ ಜಿಯೋದ 49 ರೂಪಾಯಿ ಪ್ಲಾನ್ ಗೆ ಸೆಡ್ಡು ಹೊಡೆಯಲು ವೋಡಾಫೋನ್ ಸಜ್ಜಾಗಿದ್ದು, ಹೊಸದಾಗಿ 47 ರೂಪಾಯಿ ಪ್ಲಾನ್ ಹೊರ ತಂದಿದೆ.
ಜಿಯೋ 47ರ ಯೋಜನೆಯಲ್ಲಿ 1 ಜಿಬಿ 4 ಜಿ ಡೇಟಾ ಸಿಗುತ್ತಿದೆ. 28 ದಿನಗಳ ವ್ಯಾಲಿಡಿಟಿ ಹೊಂದಿದ್ದು, 50 ಎಸ್ ಎಂ ಎಸ್ ಸಿಗಲಿದೆ.
ವೋಡಾಫೋನ್ ರೆಡ್ ಯೋಜನೆ ಘೋಷಣೆ, 299 ಪ್ಲಾನ್ ಹೇಗಿದೆ?
ವೋಡಾಫೋನ್ 47 ರೂಪಾಯಿಯ ಹೊಸ ಪ್ರೀಪೇಯ್ಡ್ ಪ್ಲಾನ್ ಪರಿಚಯಿಸಿದೆ. ಗ್ರಾಹಕರಿಗೆ ಈ ಪ್ಲಾನ್ ನಲ್ಲಿ 7500 ಸೆಕೆಂಡ್ ಸ್ಥಳಿಯ ಹಾಗೂ ಎಸ್ಟಿಡಿ ವಾಯ್ಸ್ ಕರೆ, 50 ಸ್ಥಳೀಯ ಹಾಗೂ ನ್ಯಾಷನಲ್ ಎಸ್ ಎಂ ಎಸ್ ಹಾಗೂ 500 ಎಂಬಿ 3ಜಿ/4ಜಿ ಡೇಟಾ ಸಿಗಲಿದೆ.
ವೋಡಾಫೋನ್ 47 ರೂಪಾಯಿ ಪ್ಲಾನ್ 28 ದಿನಗಳವರೆಗೆ ವ್ಯಾಲಿಡಿಟಿ ಹೊಂದಿದೆ. ಗುಜರಾತ್ ಹಾಗೂ ಹಿಮಾಚಲ ಪ್ರದೇಶದಲ್ಲಿ 48 ರೂಪಾಯಿಗೆ ಈ ಯೋಜನೆ ಲಭ್ಯವಿದೆ. ಬಿಹಾರ್ ಹಾಗೂ ಜಾರ್ಖಂಡ್ ನಲ್ಲಿ 47 ರೂಪಾಯಿಗೆ 1ಜಿಬಿ 3ಜಿ/4ಜಿ ಡೇಟಾ ನೀಡ್ತಿದೆ.
ಈ ಪ್ಲಾನ್ ವಿಶೇಷವೆಂದರೆ ವ್ಯಾಲಿಡಿಟಿ 28 ದಿನಗಳವರೆಗೆ ಇರಲಿದೆ. ಸಾಮಾನ್ಯವಾಗಿ 50 ರೂಪಾಯಿ ಒಳಗಿನ ಕಡಿಮೆ ವೆಚ್ಚದ ಯೋಜನೆಗಳಿಗೆ 28 ದಿನಗಳವರೆಗೆ ವ್ಯಾಲಿಡಿಟಿ ಇರುವುದಿಲ್ಲ. ಆದರೆ, ಜಿಯೋ ಯೋಜನೆಗಳಿಗೆ ಪೈಪೋಟಿ ನೀಡಲು ಈ ಯೋಜನೆಯ ವ್ಯಾಲಿಡಿಟಿ ವಿಸ್ತರಿಸಲಾಗಿದೆ.