ಇನ್ಫೋಸಿಸ್ ಫೌಂಡೇಷನ್ ತೊರೆದ ವಿಶಾಲ್ ಸಿಕ್ಕಾ ಪತ್ನಿ ವಂದನಾ
ವಿಶಾಲ್ ಸಿಕ್ಕಾ ಇನ್ಫೋಸಿಸ್ ನ ಸಿಇಒ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ಹುದ್ದೆಯನ್ನು ತ್ಯಜಿಸಿದ ನಂತರ, ಇದೀಗ ಅವರ ಪತ್ನಿ ವಂದನಾ ಸಿಕ್ಕಾ ಇನ್ಫೋಸಿಸ್ ಫೌಂಡೇಷನ್ ನ ಯುಎಸ್ ಎ ಮುಖ್ಯಸ್ಥೆ ಹುದ್ದೆಯಿಂದ ನಿರ್ಗಮಿಸಿದ್ದಾರೆ. ಅಂದಹಾಗೆ ಕಂಪೆನಿಯ ಸಮಾಜ ಸೇವಾ ಕಾರ್ಯಕ್ಕೆ ಮೀಸಲಾಗಿರುವಂಥದ್ದು ಇನ್ಫೋಸಿಸ್ ಫೌಂಡೇಷನ್.
Recommended Video
ನಾರಾಯಣ ಮೂರ್ತಿ ಕಿರಿಕಿರಿಯಿಂದಲೇ ಸಿಕ್ಕಾ ರಾಜಿನಾಮೆ: ಇನ್ಫೋಸಿಸ್
"ಇನ್ಫೋಸಿಸ್ ಫೌಂಡೇಷನ್ ಯುಎಸ್ ಎ ಅಧ್ಯಕ್ಷೆ ಸ್ಥಾನದಿಂದ ಹೊರನಡೆಯಲು ನಿರ್ಧರಿಸಿದ್ದೇನೆ. ಆದ್ದರಿಂದ ಈ ಇಮೇಲ್ ಬರೆಯುತ್ತಿದ್ದೇನೆ. ಆದರೆ ನಮಗೆ ಗೊತ್ತಿದೆ, ಒಬ್ಬ ವ್ಯಕ್ತಿಯ ಘನವಾದ ಪ್ರೀತಿ ಯಾವುದೇ ಒಂದು ಸಂಸ್ಥೆಗೆ ಸೀಮಿತ ಆಗಿರುವುದಿಲ್ಲ. ಆದರೆ ಇದೊಂದು ತಾತ್ಕಾಲಿಕ ಬಿಡುವು" ಎಂದು ರಾಜೀನಾಮೆ ಇಮೇಲ್ ನಲ್ಲಿ ವಂದನಾ ತಿಳಿಸಿದ್ದಾರೆ.
ಇದು ಅಚ್ಚರಿಯ ಬೆಳವಣಿಗೆ ಆಗಿದೆ. ಈ ತಿಂಗಳ ಆರಂಭದಲ್ಲಿ ವಿಶಾಲ್ ಸಿಕ್ಕಾ ಇನ್ಫೋಸಿಸ್ ತ್ಯಜಿಸಿದ್ದರು. ಇಂಥ ನಿರ್ಧಾರದ ಹಿಂದೆ ನಾರಾಯಣಮೂರ್ತಿ ಅವರ ಆರೋಪಗಳು ಕೆಲಸ ಮಾಡಿವೆ ಎಂದು ಆಡಳಿತ ಮಂಡಳಿ ಹಾಗೂ ವಿಶಾಲ್ ಸಿಕ್ಕಾ ಅವರ ಆಕ್ಷೇಪವಾಗಿತ್ತು.
ಈ ಮಧ್ಯೆ ನಂದನ್ ನಿಲೇಕಣಿ ಅವರನ್ನು ನಾನ್ ಎಕ್ಸ್ ಕ್ಯೂಟಿವ್ ಚೇರ್ ಮನ್ ಆಗಿ ಇನ್ಫೋಸಿಸ್ ಗೆ ನೇಮಕ ಮಾಡಲಾಗಿದೆ. ಹೊಸ ಸಿಇಒಗೆ ಹುಡುಕಾಟ ಮುಂದುವರಿದಿದೆ.