ಟೊಯೊಟಾ ಅರ್ಬನ್ ಕ್ರೂಸರ್ಗೆ ಬಾಲಿವುಡ್ ನಟ ಆಯುಷ್ಮಾನ್ ರಾಯಭಾರಿ
ನವದೆಹಲಿ, ಸೆಪ್ಟೆಂಬರ್ 17: ಟೊಯೋಟಾ ಕಿರ್ಲೋಸ್ಕರ್ ಮೋಟಾರ್ (ಟಿಕೆಎಂ) ಬಾಲಿವುಡ್ ನಟ ಆಯುಷ್ಮಾನ್ ಖುರಾನಾ ಅವರನ್ನು ಶೀಘ್ರದಲ್ಲೇ ಬಿಡುಗಡೆ ಮಾಡಲಿರುವ ಎಸ್ಯುವಿ ಮಾದರಿ ಅರ್ಬನ್ ಕ್ರೂಸರ್ನ ರಾಯಭಾರಿ ಆಗಿ ನೇಮಕ ಮಾಡುವುದಾಗಿ ಗುರುವಾರ ಪ್ರಕಟಿಸಿದೆ.
ಒಂದು ವರ್ಷದ ಸುದೀರ್ಘ ಪಾಲುದಾರಿಕೆಯು ಟೆಲಿವಿಷನ್, ಡಿಜಿಟಲ್ ಮತ್ತು ಪ್ರಿಂಟ್ ಸೇರಿದಂತೆ ಮಾಧ್ಯಮ ವೇದಿಕೆಗಳಲ್ಲಿ ಅರ್ಬನ್ ಕ್ರೂಸರ್ ಗಾಗಿ ಜಾಹೀರಾತು ಪ್ರಚಾರದಲ್ಲಿ ನಟನನ್ನು ರಾಯಭಾರಿಯಾಗಿ ನೇಮಿಸಿದೆ.
ಟೊಯೊಟೊ ಅರ್ಬನ್ ಕ್ರೂಸರ್ SUV ಸೆಪ್ಟೆಂಬರ್ 23ಕ್ಕೆ ಬಿಡುಗಡೆ: ಬುಕ್ಕಿಂಗ್ ಮಾಡಿದವರಿಗೆ ಸಿಗಲಿದೆ ಆಫರ್
ಕಂಪನಿಯು ಹೇಳಿಕೆಯಲ್ಲಿ, ಖುರಾನಾ ಟೊಯೋಟಾ ಅರ್ಬನ್ ಕ್ರೂಸರ್ನ ಅಸಾಂಪ್ರದಾಯಿಕ ಮತ್ತು ಮಹತ್ವಾಕಾಂಕ್ಷೆಯ ಗುಣಲಕ್ಷಣಗಳ ಮೂಲ ಮೌಲ್ಯವನ್ನು ಸಾರುವ ವ್ಯಕ್ತಿತ್ವವಾಗಿದೆ ಎಂದು ಹೇಳಿದರು. ಚಿಕ್ಕ ವಯಸ್ಸಿನಲ್ಲಿಯೇ ತನ್ನ ಛಾಪು ಮೂಡಿಸಿದ, 36 ವರ್ಷದ ನಟ ತನ್ನ ದಿಟ್ಟ ಮತ್ತು ಪ್ರಾಯೋಗಿಕ ಚಲನಚಿತ್ರ ಆಯ್ಕೆಗಳಿಗೆ ಹೆಸರುವಾಸಿಯಾಗಿದ್ದಾನೆ, ಇದರಲ್ಲಿ ವಿಕ್ಕಿ ಡೋನರ್, (ವಿಕ್ಕಿ ದಾನಿ), ಬಾಲಾ ಮತ್ತು ಆರ್ಟಿಕಲ್ 15 ನಂತಹ ಪ್ರಸಿದ್ಧ ಚಿತ್ರಗಳಲ್ಲಿ ನಟಿಸಿದ್ದಾರೆ.
ಟಿಕೆಎಂನ ಮಾರಾಟ ಮತ್ತು ಸೇವೆಯ ಹಿರಿಯ ಉಪಾಧ್ಯಕ್ಷ ನವೀನ್ ಸೋನಿ ಮಾತನಾಡಿ ''ಆಯುಷ್ಮಾನ್ ಖುರಾನಾ ಸ್ವಯಂ ನಿರ್ಮಿತ ನಟನ ಉದಾಹರಣೆಯಾಗಿದ್ದು, ಅವರು ಬಹುಮುಖ ಪ್ರತಿಭೆ ಮತ್ತು ವಿಮರ್ಶಕರು ಮತ್ತು ಪ್ರೇಕ್ಷಕರಿಂದ ಗೌರವಿಸಲ್ಪಡುತ್ತಾರೆ'' ಎಂದಿದ್ದಾರೆ.
ಟೊಯೊಟಾ ಮೋಟಾರ್ ತನ್ನ ಮುಂಬರುವ ಅರ್ಬನ್ ಕ್ರೂಸರ್ ಎಸ್ಯುವಿಯನ್ನು ಸೆಪ್ಟೆಂಬರ್ 23ರಂದು ಬಿಡುಗಡೆ ಮಾಡಲಿದೆ.