• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

3,000 ರೂಪಾಯಿ ಗಡಿ ದಾಟಿದ ಟಿಸಿಎಸ್ ಷೇರು: ಹೂಡಿಕೆದಾರರಿಗೆ ಹಬ್ಬ!

|

ನವದೆಹಲಿ, ಜನವರಿ 04: ಭಾರತೀಯ ಷೇರುಪೇಟೆಯು ಇಂದು ಹೊಸ ದಾಖಲೆಯ ಹಂತಕ್ಕೆ ತಲುಪಿದ್ದು, ಬಿಎಸ್‌ಇ ಮತ್ತು ಎನ್‌ಎಸ್‌ಇ ಹೊಸ ಮಟ್ಟವನ್ನು ದಾಖಲಿಸಿದೆ. ಇದರ ನಡುವೆ ದೇಶದ ಅತಿದೊಡ್ಡ ಐಟಿ ಕಂಪನಿ ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ (ಟಿಸಿಎಸ್‌) ಷೇರುಗಳ ಬೆಲೆ ಸೋಮವಾರ 52 ವಾರಗಳ ಗರಿಷ್ಠ ಹಂತಕ್ಕೆ ತಲುಪಿದ್ದು, 3,000 ರೂಪಾಯಿ ಗಡಿ ದಾಟಿದೆ.

ಕಂಪನಿಯು ತನ್ನ ಮೂರನೇ ತ್ರೈಮಾಸಿಕ ಲಾಭ-ನಷ್ಟ ಪ್ರಮಾಣದ ಅಂಕಿ-ಅಂಶಗಳನ್ನು ಜನವರಿ 8 ರಂದು ಪ್ರಕಟಿಸಲಿದೆ. ಹೀಗಾಗಿ ಷೇರು ಬೆಲೆ ಶೇಕಡಾ 3ಕ್ಕಿಂತ ಹೆಚ್ಚಿನದನ್ನು ಗಳಿಸಿದೆ. ಬಿಎಸ್‌ಇ ಸೂಚ್ಯಂಕ ಸೆನ್ಸೆಕ್ಸ್ ಮತ್ತು ಎನ್‌ಎಸ್‌ಇ ಸೂಚ್ಯಂಕ ನಿಫ್ಟಿಯಲ್ಲಿ ಅತ್ಯಂತ ಹೆಚ್ಚು ಲಾಭಗಳಿಸಿದೆ. ಕಂಪನಿಯ ಮಾರುಕಟ್ಟೆ ಬಂಡವಾಳೀಕರಣದ ಮೌಲ್ಯ 1,136,109.52 ಕೋಟಿ ರೂಪಾಯಿಗೆ ತಲುಪಿದೆ.

ಭಾರತೀಯ ಷೇರುಪೇಟೆಯಲ್ಲಿ ಮುಂದುವರಿದ ಗೂಳಿ ಓಟ: ದಾಖಲೆಯ ಮಟ್ಟಕ್ಕೆ ತಲುಪಿದ ಸೆನ್ಸೆಕ್ಸ್, ನಿಫ್ಟಿಭಾರತೀಯ ಷೇರುಪೇಟೆಯಲ್ಲಿ ಮುಂದುವರಿದ ಗೂಳಿ ಓಟ: ದಾಖಲೆಯ ಮಟ್ಟಕ್ಕೆ ತಲುಪಿದ ಸೆನ್ಸೆಕ್ಸ್, ನಿಫ್ಟಿ

ಬ್ರೋಕಿಂಗ್ ಹೌಸ್ ಪ್ರಕಾರ ನಿರಂತರ ಒಪ್ಪಂದಗಳ ಗೆಲುವು ಮತ್ತು ಡಿಜಿಟಲ್ ಖರ್ಚಿನಲ್ಲಿ ಇಳಿಕೆ ಹಾಗೂ ಉತ್ತಮ ಆದಾಯದ ಮೂಲಕ ಐಟಿ ಸೇವಾ ಕಂಪನಿಗಳು ದೃಢವಾದ ತ್ರೈಮಾಸಿಕವನ್ನು ಪ್ರಕಟಿಸಬಹುದು ಎಂದು ನಂಬಲಾಗಿದೆ.

ಡಾಯ್ಚ ಮತ್ತು ಪ್ರುಡೆನ್ಶಿಯಲ್ ಫೈನಾನ್ಷಿಯಲ್ ಒಪ್ಪಂದಗಳ ಗೆಲುವುಗಳಿಂದಾಗಿ ಟಿಸಿಎಸ್ ಬಲವಾದ ತ್ರೈಮಾಸಿಕ ಲಾಭವನ್ನು ಪ್ರಕಟಿಸಬಹುದು ಎನ್ನಲಾಗಿದೆ.

ಬಿಎಸ್‌ಇ ಐಟಿ ಸೂಚ್ಯಂಕವು 2 ಪ್ರತಿಶತದಷ್ಟು ಏರಿಕೆ ದಾಖಲಿಸಿದ್ದು, ರಾಮ್ಕೊ ಸಿಸ್ಟಮ್ಸ್, ಜೆನ್ ಟೆಕ್ನಾಲಜೀಸ್, 3ಐ ಇನ್ಫೋಟೆಕ್ ಮತ್ತು ಟ್ರಿಜಿನ್ ಏರಿಕೆ ದಾಖಲಿಸಿದೆ.

English summary
Tata Consultancy Services (TCS) share price crossed Rs 3,000 mark to hit a new 52-week high of Rs 3,043.90. The company is going to announce its third-quarter numbers on January 8.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X