ಟಾಟಾ ಮೋಟಾರ್ಸ್ ಜಾಗತಿಕ ವೋಲ್ಸೇಲ್ ಮಾರಾಟ ಶೇ. 16ರಷ್ಟು ಇಳಿಕೆ
ನವದೆಹಲಿ, ಅಕ್ಟೋಬರ್ 06: ಜಾಗ್ವಾರ್ ಲ್ಯಾಂಡ್ ರೋವರ್ ಸೇರಿದಂತೆ ತನ್ನ ಗುಂಪಿನ ಜಾಗತಿಕ ವೋಲ್ಸೇಲ್ ಮಾರಾಟವು ಪ್ರಸಕ್ತ ಹಣಕಾಸು ವರ್ಷದ ಎರಡನೇ ತ್ರೈಮಾಸಿಕದಲ್ಲಿ ಶೇ. 16ರಷ್ಟು 2,02,873 ಕ್ಕೆ ತಲುಪಿದೆ ಎಂದು ಮಂಗಳವಾರ ಟಾಟಾ ಮೋಟಾರ್ಸ್ ಹೇಳಿದೆ.
ಪ್ರಯಾಣಿಕರ ವಾಹನಗಳ ಮಾರಾಟಕ್ಕೆ ಹೋಲಿಸಿದರೆ ಅದರ ವಾಣಿಜ್ಯ ವಾಹನಗಳ ಮಾರಾಟ ಮತ್ತು ಡೇವೂ ಶ್ರೇಣಿಯ ಮಾರಾಟವು ಶೇ. 29ರಷ್ಟು (56,614 ವಾಹನಗಳು) ಹೆಚ್ಚಾಗಿದೆ. ಇದು ಹಿಂದಿನ ಎರಡನೇ ತ್ರೈಮಾಸಿಕದಲ್ಲಿ ಶೇ. 9ರಷ್ಟು (1,46,259 ಯುನಿಟ್) ಕುಸಿದಿದೆ.
ಟಾಟಾ ಮೋಟಾರ್ಸ್ ವಾಹನಗಳ ಮಾರಾಟದಲ್ಲಿ ಏರಿಕೆ: ಆಗಸ್ಟ್ನಲ್ಲಿ ಶೇ. 13.38ರಷ್ಟು ಹೆಚ್ಚಳ
ಹಣಕಾಸು ವರ್ಷ 2020-21 ರ ಜುಲೈ-ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ ಜಾಗ್ವಾರ್ ಲ್ಯಾಂಡ್ ರೋವರ್ನ ಜಾಗತಿಕ ವೋಲ್ಸೇಲ್ ಮಾರಾಟ 91,367 ವಾಹನಗಳಾಗಿವೆ. ತ್ರೈಮಾಸಿಕದಲ್ಲಿ ಜಾಗ್ವಾರ್ ಸಗಟು 18,189 ವಾಹನಗಳಾಗಿದ್ದರೆ, ತ್ರೈಮಾಸಿಕದಲ್ಲಿ ಲ್ಯಾಂಡ್ ರೋವರ್ ವೋಲ್ಸೇಲ್ 73,178 ವಾಹನಗಳಾಗಿವೆ ಎಂದು ಟಾಟಾ ಮೋಟಾರ್ಸ್ ತಿಳಿಸಿದೆ.
ಇದರ ನಡುವೆ ಕಳೆದ ಆಗಸ್ಟ್ನಲ್ಲಿ 36,472 ಯುನಿಟ್ಗಳನ್ನು ಮಾರಾಟ ಮಾಡಿದ್ದು, ಶೇಕಡಾ 13.38ರಷ್ಟು ಹೆಚ್ಚಳವನ್ನು ಇತ್ತೀಚೆಗೆ ವಾಹನಗಳ ಮಾರಾಟದಲ್ಲಿ ವರದಿ ಮಾಡಿದೆ.