• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಸ್ಟೀವ್ ಜಾಬ್ಸ್ ಕನಸು ನನಸಾಗಿಸಲು ಕಾಯುತ್ತಿರುವ ಕ್ಯಾಂಪಸ್

|

ಸ್ಯಾನ್ ಫ್ರಾನ್ಸಿಸ್ ಕೋ, ಫೆಬ್ರವರಿ 7: ಪ್ರತಿಷ್ಠಿತ ಆ್ಯಪಲ್ ಕಂಪನಿಯು ಕ್ಯಾಲಿಫ್ ನ ಕ್ಯುಪರ್ಟಿನೊ ಪ್ರಾಂತ್ಯದಲ್ಲಿ 5 ಬಿಲಿಯನ್ ಡಾಲರ್ (ಸುಮಾರು 33,715 ಕೋಟಿ ರು.) ವೆಚ್ಚದಲ್ಲಿ ನಿರ್ಮಿಸಿರುವ ಕ್ಯಾಂಪಸ್ ಅನ್ನು ಶೀಘ್ರವೇ ಉದ್ಘಾಟನೆ ಮಾಡಲಿದೆ ಎಂದು ಮೂಲಗಳು ತಿಳಿಸಿವೆ. ಆ್ಯಪಲ್ ಕಂಪನಿಯ ಸಹ ಸಂಸ್ಥಾಪಕ, ಮಹಾನ್ ಕನಸುಗಾರ ಸ್ಟೀವ್ ಜಾಬ್ಸ್ ಅವರ ಕೊನೆಯ ಪ್ರಾಜೆಕ್ಟ್ ಇದಾಗಿದ್ದರಿಂದಾಗಿ ಈ ಕ್ಯಾಂಪಸ್ ಅನ್ನು ಅವರಿಗೇ ಸಮರ್ಪಣೆ ಮಾಡಲು ಆ್ಯಪಲ್ ಕಂಪನಿ ಮುಂದಾಗಿದೆ.

ಆ್ಯಪಲ್ ಕಂಪನಿಗಾಗಿ ಹಲವಾರು ಆ್ಯಪ್, ಪರಿಕರಗಳನ್ನು ಸೃಷ್ಟಿಸಿ ಜಗತ್ತಿನ ಇತಿಹಾಸದಲ್ಲೇ ಆ ಕಂಪನಿಗೆ ಚರಿತ್ರಾರ್ಹ ಹೆಗ್ಗುರತನ್ನು ತಂದುಕೊಟ್ಟ ಸ್ಟೀವ್ ಜಾಬ್ಸ್ ಅವರು ಮೇದೋಜೀರಕ ಗ್ರಂಥಿಯ (ಪ್ಯಾಂಕ್ರಿಯಾಸ್) ಕ್ಯಾನ್ಸರ್ ನಿಂದಾಗಿ ಅವರು 2011ರಲ್ಲಿ ಅಸುನೀಗಿದರು.

ಹಾಗಾಗಿ, ಆ ಮಹಾನ್ ಕನಸುಗಾರನ ಕೊನೆಯ ಕನಸೊಂದು ಹಾಗೇ ಬಾಕಿ ಉಳಿದಿತ್ತು. ಅದೇ ಕ್ಯುಪರ್ಟಿನೊ ಪ್ರಾಂತ್ಯದಲ್ಲಿ ನಿರ್ಮಿಸಬೇಕೆಂದು ಉದ್ದೇಶಿಸಲಾಗಿದ್ದ ನೂತನ ಕೇಂದ್ರ ಕಚೇರಿ. ಅಚ್ಚುಕಟ್ಟಾದ ವಿನ್ಯಾಸ, ವೈವಿಧ್ಯಮಯ ಕುಸುರಿ ಕಲೆಯಿಂದ ಕಂಗೊಳಿಸುತ್ತಿರುವ ಈ ಕ್ಯಾಂಪಸ್ ನ ಕಾಮಗಾರಿಯ ಗುಣಮಟ್ಟ ಅತಿ ಉತ್ಕೃಷ್ಟವಾಗಿದೆಯೆಂದು ಮೂಲಗಳು ತಿಳಿಸಿವೆ.

ಪುಟ್ಟ ಪೈಪ್ ಲೈನ್ ಅಳವಡಿಸುವುದರಿಂದ ಹಿಡಿದು ಆ ಕಟ್ಟಡಕ್ಕೆ ನೀಡಲಾಗಿರುವ ವಿದ್ಯುತ್ ಸಂಪರ್ಕ, ವೈಫೈ ನಂಥ ತಂತ್ರಜ್ಞಾನ ಅಳವಡಿಕೆ... ಹೀಗೆ ಯಾವುದೇ ವಿಚಾರದಲ್ಲಿ ಕೂದಲೆಳೆಯಷ್ಟೂ ದೋಷವನ್ನೂ ಹುಡುಕಲು ಸಾಧ್ಯವಿಲ್ಲ ಎಂದು ಈ ಪ್ರಾಜೆಕ್ಟ್ ನಲ್ಲಿ ದುಡಿದಿರುವ ಕೆಲವು ಹಾಲಿ ಹಾಗೂ ಮಾಜಿ ಇಂಜಿಯರ್ ಗಳು ತಿಳಿಸಿದ್ದಾರೆ. ಅಷ್ಟೇ ಅಲ್ಲ ಭವಿಷ್ಯದ ಎಲ್ಲಾ ತಂತ್ರಜ್ಞಾನಗಳಿಗೂ ಹೊಂದುವಂತೆ ಈ ಕಟ್ಟಡವನ್ನು ವಿಶೇಷವಾಗಿ ವಿನ್ಯಾಸಗೊಳಿಸಿರುವುದೇ ಇದರ ಅತಿ ಮಹತ್ವದ ವಿಶೇಷ ಎಂದಿದ್ದಾರೆ ಅವರು.

ಅಂದಹಾಗೆ, ಸ್ಟೀವ್ ಜಾಬ್ಸ್ ಅವರ ಈ ಕನಸಿನ ಕ್ಯಾಂಪಸ್ ಎಲ್ಲಾ ಅಂದುಕೊಂಡಿದ್ದಂತೆ ನಡೆದಿದ್ದರೆ 2015ರಲ್ಲೇ ಉದ್ಘಾಟನೆಗೊಳ್ಳಬೇಕಿತ್ತು. ಆದರೆ, ಬಾಬ್ಸ್ ಅವರ ನಿಧನ ಹಾಗೂ ಮತ್ತಿತರ ತಾಂತ್ರಿಕ ತೊಂದರೆಗಳಿಂದಾಗಿ ಈ ವರ್ಷ ಕಟ್ಟಡದ ಕಾಮಗಾರಿ ಮುಗಿದಿದ್ದು ಈ ವರ್ಷ ಅದು ಉದ್ಘಾಟನೆಗೊಳ್ಳಬೇಕಿದೆ ಎಂದು ಹೇಳಲಾಗಿದೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Apple co-founder Steve Job's last work - Apple Inc's sprawling new headquarters in Cupertino, Calif. - will be a fitting tribute: a futuristic campus built with astonishing attention to detail.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more