Click it and Unblock the Notifications
Just In
-
-
-
Don't Miss
-
GT vs DC: ಡೆಲ್ಲಿ ವಿರುದ್ಧದ ಹೀನಾಯ ಸೋಲಿಗೆ ಇವರೇ ಕಾರಣ; ಶುಭ್ಮನ್ ಗಿಲ್ ಗರಂ -
ಅಗ್ಗದ ದರದಲ್ಲಿ 5G ಫೋನ್ ಖರೀದಿಸಬೇಕೆ?..ಈ ಆಫರ್ ಮಿಸ್ ಮಾಡ್ಕೋಬೇಡಿ! -
Kia: ಬಹುನಿರೀಕ್ಷಿತ ಕಿಯಾ ಕ್ಲಾವಿಸ್ ಮೈಕ್ರೋ ಎಸ್ಯುವಿ ಶೀಘ್ರದಲ್ಲೇ ಬಿಡಗಡೆ -
ಅನುಷ್ಕಾ ಶೆಟ್ಟಿ ಬ್ಯಾಕ್ ಟು ಬ್ಯಾಕ್ ಯಾಕೆ ಸಿನಿಮಾ ಮಾಡ್ತಿಲ್ಲಾ? ನಿರ್ದೇಶಕರಿ ಕಂಡೀಷನ್ ಹಾಕ್ತಿದ್ದಾರಾ? -
Bullet train: ಮೇಡ್ ಇನ್ ಇಂಡಿಯಾ ಬುಲೆಟ್ ಟ್ರೈನ್ಗೆ ಶೀಘ್ರ ಚಾಲನೆ, ಗಂಟೆಗೆ 250 ವೇಗ -
ಬೇಸಿಗೆಯಲ್ಲಿ ದಿನಾ ಎಳನೀರು ಕುಡಿದರೆ ಏನಾಗುತ್ತೆ? ಯಾವ ಸಮಯದಲ್ಲಿ ಎಳನೀರು ಕುಡಿಯಬೇಕು? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಎಸ್ ಬಿಐನಲ್ಲೂ ಇನ್ನು ಮುಂದೆ ಹಣ ವ್ಯವಹಾರಕ್ಕೆ ಕಟ್ಟಬೇಕು ಶುಲ್ಕ
ಇತ್ತೀಚೆಗಷ್ಟೇ ಸೇವಿಂಗ್ ಅಕೌಂಟ್ ನಲ್ಲಿ ಕನಿಷ್ಠ ಬ್ಯಾಲೆನ್ಸ್ ಇಟ್ಟಿರದ ಗ್ರಾಹಕರಿಗೆ ದಂಡ ಹಾಕುವ ನಿರ್ಧಾರ ಕೈಗೊಂಡಿದ್ದ ಎಸ್ ಬಿಐನಿಂದ ಈಗ ಮತ್ತೊಂದು ಬಾಣ ಪ್ರಯೋಗ.
ನವದೆಹಲಿ, ಮಾರ್ಚ್ 6: ಇತ್ತೀಚೆಗಷ್ಟೇ, ಖಾಸಗಿ ವಲಯಗಳ ಪ್ರಮುಖ ಬ್ಯಾಂಕುಗಳಾದ ಎಚ್ ಡಿಎಫ್ ಸಿ, ಐಸಿಐಸಿಐ, ಆ್ಯಕ್ಸಿಸ್ ಬ್ಯಾಂಕುಗಳು ತಮ್ಮಲ್ಲಿನ ಹಣದ ವ್ಯವಹಾರಗಳಿಗೆ ನಿರ್ದಿಷ್ಟ ಶುಲ್ಕವನ್ನು ನಿಗದಿಗೊಳಿಸುವ ಮೂಲಕ ಆ ಬ್ಯಾಂಕ್ ಗಳಲ್ಲಿ ವ್ಯವಹರಿಸುವ ಗ್ರಾಹಕರಿಗೆ ಶಾಕ್ ನೀಡಿದ್ದವು. ಇದೀಗ, ಅವುಗಳ ಸಾಲಿಗೆ ಭಾರತೀಯ ಸ್ಟೇಟ್ ಬ್ಯಾಂಕ್ ಕೂಡ ಸೇರಿಕೊಂಡಿದೆ.
ಮಾರ್ಚ್ 6ರಂದು ಬಿಡುಗಡೆಗೊಂಡಿರುವ ಎಸ್ ಬಿಐ ಪ್ರಕಟಣೆಯಲ್ಲಿ ಎಸ್ ಬಿಐನ ಯಾವುದೇ ಶಾಖೆಯಲ್ಲಿ ಉಚಿತವಾಗಿ ಹಣ ತುಂಬಿಸಲು ಕೇವಲ ಮೂರು ಅವಕಾಶಗಳನ್ನು ಮಾತ್ರ ನೀಡಲಾಗಿದ್ದು, ಆನಂತರದ ಎಲ್ಲಾ ಹಣದ ವ್ಯವಹಾರಗಳಿಗೆ (ಡೆಪಾಸಿಟ್ ಅಥವಾ ವಿತ್ ಡ್ರಾ) ನಿರ್ದಿಷ್ಠ ಶುಲ್ಕವನ್ನು ನಿಗದಿಗೊಳಿಸಿದೆ. ಈ ಹೊಸ ನಿಯಮ ಮುಂದಿನ ತಿಂಗಳ 1ನೇ ತಾರೀಖಿನಿಂದ (ಏಪ್ರಿಲ್ 1) ಜಾರಿಗೊಳ್ಳಲಿದೆ.[ಇನ್ನು ಬ್ಯಾಂಕಿಗೆ ಹಣ ಕಟ್ಟಿದರೂ ಶುಲ್ಕ, ಹಣ ತೆಗೆದರೂ ಶುಲ್ಕ!]
ಇತ್ತೀಚೆಗಷ್ಟೇ, ತನ್ನಲ್ಲಿರುವ ಖಾತೆಗಳಲ್ಲಿ ಕನಿಷ್ಠ ಬ್ಯಾಲೆನ್ಸ್ ಹೊಂದಿರದ ಗ್ರಾಹಕರಿಗೆ ದಂಡ ವಿಧಿಸುವ ನಿಯಮವನ್ನು ಜಾರಿಗೊಳಿಸಿದ್ದ ಭಾರತೀಯ ಸ್ಟೇಟ್ ಬ್ಯಾಂಕ್, ಇದೀಗ, ತನ್ನ ಗ್ರಾಹಕರಿಗೆ ಮತ್ತೊಂದು ರೀತಿಯ ಬಿಸಿ ಮುಟ್ಟಿಸಿದೆ.
ವಿತ್ ಡ್ರಾ ಶುಲ್ಕ ಹೇಗೆ?
ಎಸ್ ಬಿಐ ಎಟಿಎಂಗಳ ಮೂಲಕ ಹಣ ಡ್ರಾ ಮಾಡುವುದಾದರೆ ತಿಂಗಳಿಗೆ ಐದು ಬಾರಿ ಮಾತ್ರ ಉಚಿತವಾಗಿ ಹಣ ಡ್ರಾ ಮಾಡಬಹುದು. ಆರನೇ ವಹಿವಾಟಿನಿಂದ ಪ್ರತಿ ವ್ಯವಹಾರಕ್ಕೆ 10 ರು.ರಂತೆ ಶುಲ್ಕ ವಿಧಿಸಲಾಗುವುದು. ಆದರೆ, ಬ್ಯಾಂಕು ಖಾತೆಯಲ್ಲಿ 25,000 ರು.ಗಳಿಗಿಂತಲೂ ಹೆಚ್ಚು ಹಣ ಇಟ್ಟುಕೊಂಡಿರುವ ಗ್ರಾಹಕರಿಗೆ ಈ ನಿಯಮ ಅನ್ವಯವಾಗದು ಎಂದು ಇಂಟರ್ ನ್ಯಾಷನಲ್ ಬ್ಯುಸಿನೆಸ್ ಟೈಮ್ಸ್ ಹೇಳಿದೆ.
ಇತರ ಎಟಿಎಂಗಳ ಮೂಲಕ ಡ್ರಾ: ಇತರ ಬ್ಯಾಂಕುಗಳ ಎಟಿಎಂಗಳಿಂದ ಎಸ್ ಬಿಐ ಖಾತೆಯ ಹಣ ತೆಗೆಯುವುದಾದರೆ ಅದಕ್ಕೆ ತಿಂಗಳಿಗೆ ಮೂರು ಬಾರಿ ಉಚಿತ ಅವಕಾಶವುಂಟು. ಅದನ್ನು ಮೀರಿದ ವಿತ್ ಡ್ರಾ ಗಳಿಗೆ ಪ್ರತಿ ವ್ಯವಹಾರಕ್ಕೂ 20 ರು. ಶುಲ್ಕ ವಿಧಿಸಲಾಗುತ್ತದೆ.
ಎಸ್ ಎಂಎಸ್ ಗಳಿಗೂ ಶುಲ್ಕ: ಎಸ್ ಬಿಐ ಖಾತೆಯ ಹಣದ ವ್ಯವಹಾರಗಳ ಬಗ್ಗೆ ಎಸ್ಎಂಎಸ್ ಅಲರ್ಟ್ ಇಟ್ಟುಕೊಂಡಿದ್ದಲ್ಲಿ ಅವರಿಗೂ ಶುಲ್ಕ ಬೀಳಲಿದೆ. ವರ್ಷದ ಪ್ರತಿ ಮೂರು ತಿಂಗಳಿಗೆ ಯಾರ ಅಕೌಂಟಿನಲ್ಲಿ ಸರಾಸರಿ 25,000 ರು. ಹಣವಿರುವುದಿಲ್ಲವೋ ಅಂಥವರು ಎಸ್ಎಂಎಸ್ ಅಲರ್ಟ್ ಸೌಲಭ್ಯ ಪಡೆದಿದ್ದಲ್ಲಿ ಅವರಿಗೆ ಆ ಮೂರು ತಿಂಗಳಿಗೆ 15 ರು. ಶುಲ್ಕ ವಿಧಿಸಲಾಗುತ್ತದೆ. ಅಂದರೆ, ಪ್ರತಿ ತಿಂಗಳಿಗೆ 5 ರು. ಶುಲ್ಕ ವಿಧಿಸಿದಂತಾಗುತ್ತದೆ.
