ಎಸ್ಬಿಐ ಸಾಲಗಾರರಿಗೆ ಶುಭ ಸುದ್ದಿ, ಸೆ.1ರಿಂದ EMI ದರ ಕುಸಿತ
ಬೆಂಗಳೂರು, ಸೆ.1: ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ ಬಿಐ) ರೆಪೋ ದರದ ಆಧಾರದಲ್ಲಿ ಗೃಹ ಸಾಲ ನೀಡಲು ಆರಂಭಿಸಿರುವ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್ಬಿಐ) ತನ್ನ ಗ್ರಾಹಕರಿಗೆ ಶುಭ ಸುದ್ದಿ ನೀಡಿದೆ.
ರೆಪೋ ದರ ಆಧಾರದ ಗೃಹ ಸಾಲದ ಬಡ್ಡಿ ದರ ಶೇ 8.05ಕ್ಕೆ ಭಾನುವಾರ (ಸೆ.01)ದಿಂದ ಇಳಿಕೆಯಾಗಿದ್ದು, ಸಾಲ ಪಡೆದ ಗ್ರಾಹಕರಿಗೆ ಇಎಂಐ ತಗ್ಗಲಿದೆ. ಜುಲೈ ತಿಂಗಳಿನಲ್ಲಿ ರಿಸರ್ವ್ ಬ್ಯಾಂಕ್ ರೆಪೋ ದರ ಆಧಾರದ ಮೇಲೆ ಸಾಲದ ಬಡ್ಡಿ ದರ ನಿರ್ಧರಿಸುವ ತೀರ್ಮಾನ ಕೈಗೊಂಡ ಮೊದಲ ಬ್ಯಾಂಕ್ ಎಸ್ ಬಿಐ. ಈಗ ಇದೇ ಹಾದಿಯಲ್ಲಿ ಪಿಎನ್ ಬಿ ಹಾಗೂ ಬ್ಯಾಂಕ್ ಆಫ್ ಬರೋಡಾ ಕೂಡಾ ಸಾಗಲಿವೆ.
ರೆಪೋ ದರ ಇಳಿಕೆ; ಗೃಹ, ವಾಹನ ಸಾಲದ ಬಡ್ಡಿ ದರ ಇಳಿಕೆ?
ಕಳೆದ ತಿಂಗಳು ಆರ್ ಬಿಐ ರೆಪೋ ದರವನ್ನು 35 ಮೂಲಾಂಶ ತಗ್ಗಿಸಿದ್ದನ್ನು ಇಲ್ಲಿ ಸ್ಮರಿಸಬಹುದು. ಒಟ್ಟಾರೆ, ಈ ವರ್ಷದಲ್ಲಿ 110 bps ಕಡಿತಗೊಂಡಿದ್ದು, ಬ್ಯಾಂಕ್ ಗಳು ನೀಡುವ ಗೃಹ, ವಾಹನ ಸಾಲದ ಮೇಲಿನ ಬಡ್ಡಿದರ, ಇಎಂಐ ದರ ತಗ್ಗಿಸುವ ನಿರೀಕ್ಷೆಯಿದೆ.
ರೆಪೋ ದರ ಎಂದರೆ ಆರ್ ಬಿಐನಿಂದ ಬ್ಯಾಂಕುಗಳ ಹಣ ಪಡೆಯುವ ದರವಾಗಿದೆ. ಆರ್ ಬಿಐನ ರೆಪೋ ದರ 5.4% ನಷ್ಟಿದೆ. ಇದಕ್ಕೆ ಅನುಗುಣವಾಗಿ ಎಸ್ಬಿಐನ repo rate lending rate (RLLR) 225 ಮೂಲಾಂಶಕ್ಕೆ ನಿಗದಿಪಡಿಸಲಾಗಿದೆ.
ಆರ್ ಬಿಐ ತನ್ನ ರೆಪೋದರ ಬದಲಾಯಿಸುತ್ತಿದ್ದಂತೆ ಎಸ್ಬಿಐನ RLLRಕೂಡಾ ಬದಲಾಗುತ್ತದೆ. ಇದರ ಪರಿಣಾಮ ಗೃಹ ಸಾಲ ದರದ ಮೇಲೆ ಬೀಳುತ್ತದೆ.
ಜುಲೈ 01ರಿಂದ ಆನ್ ಲೈನ್ ನಲ್ಲಿ ಹಣ ವರ್ಗಾವಣೆ ಅಗ್ಗ
ಸೆ.1ರ ಎಣಿಕೆಯಂತೆ ಎಸ್ಬಿಐನ RLLR 7.65% ಕುಸಿಯಲಿದೆ (5.4% or 540 bps + 225 bps). 8.05% ಬಡ್ಡಿದರದಂತೆ ಗೃಹ ಸಾಲ ನೀಡುತ್ತಿದ್ದನ್ನು ಇಲ್ಲಿ ಸ್ಮರಿಸಬಹುದು. 75 ಲಕ್ಷ ರು ಗಿಂತ ಅಧಿಕ ಮೊತ್ತದ ಸಾಲ ಪಡೆದುಕೊಂಡರೆ RLLR + 95 bps/110 bps ನಂತೆ ಲೆಕ್ಕಾಚಾರ ಹಾಕಲಾಗುತ್ತದೆ.
ಉದಾಹರಣೆಗೆ 75 ಲಕ್ಷ ರು ತನಕದ ಸಾಲಕ್ಕೆ 7.65% ಬಡ್ಡಿದರದಂತೆ 10 ವರ್ಷದ ಅವಧಿಗೆ 89,615 ಇಎಂಐ ತಗುಲಲಿದೆ. ಗ್ರಾಹಕರ ಕ್ರೆಡಿಟ್ ಸ್ಕೋರ್ ಕೂಡಾ ಇಲ್ಲಿ ಲೆಕ್ಕಾಚಾರಕ್ಕೆ ಬರಲಿದೆ.