ಜೂನ್ 10ರಿಂದ 0.25 ಪರ್ಸೆಂಟ್ ಎಂಸಿಎಲ್ಆರ್ ಇಳಿಕೆ: ಎಸ್ಬಿಐ
ಬುಧವಾರ (ಜೂನ್ 10)ದಿಂದ ಜಾರಿಗೆ ಬರುವಂತೆ ಠೇವಣಿಗಳ ಮೇಲಿನ ಹೆಚ್ಚುವರಿ ವೆಚ್ಚ ಆಧರಿಸಿದ (ಎಂಸಿಎಲ್ಆರ್) ಬಡ್ಡಿದರವನ್ನು 0.25 ಪರ್ಸೆಂಟ್ ಇಳಿಕೆ ಮಾಡುವುದಾಗಿ ದೇಶದ ಬಹುದೊಡ್ಡ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ(ಎಸ್ಬಿಐ) ಹೇಳಿದೆ.
ಎಸ್ಬಿಐನ ಈ ನಿರ್ಧಾರದಿಂದಾಗಿ ಕಳೆದ ಒಂದು ವರ್ಷದ ಎಂಸಿಎಲ್ಆರ್ 7.25 ಪರ್ಸೆಂಟ್ನಿಂದ 7 ಪರ್ಸೆಂಟ್ಗೆ ಇಳಿಕೆಯಾಗಿದೆ. ಇದರಿಂದಾಗಿ ಅರ್ಹ ಗೃಹ ಸಾಲದ 'ಇಎಂಐ' ಸಹ ಕಡಿಮೆಯಾಗಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ಎಸ್ಬಿಐ ಲಾಭದಲ್ಲಿ 4 ಪಟ್ಟು ಏರಿಕೆ: ಮಾರ್ಚ್ ತ್ರೈಮಾಸಿಕದಲ್ಲಿ 3,581 ಕೋಟಿ ಲಾಭ
ಆದಾಗ್ಯೂ, ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್ಬಿಐ) ನಿರ್ದೇಶನದಂತೆ ಬ್ಯಾಂಕುಗಳು ಬಾಹ್ಯ ಮಾನದಂಡಕ್ಕೆ ಸ್ಥಳಾಂತರಗೊಂಡಾಗ, ಅಕ್ಟೋಬರ್ 1 ರ ನಂತರ ವಿತರಿಸಿದ ಚಿಲ್ಲರೆ ಸಾಲಗಳ ಮೇಲೆ ಎಂಸಿಎಲ್ಆರ್ ಕಡಿತವು ಪರಿಣಾಮ ಬೀರುವುದಿಲ್ಲ. ಬ್ಯಾಂಕುಗಳು ಈಗ ರೆಪೊ ದರ, ಅಥವಾ ಮೂರು ತಿಂಗಳ ಅಥವಾ ಆರು ತಿಂಗಳ ಖಜಾನೆ ಬಿಲ್ಗಳ ಮೇಲಿನ ಇಳುವರಿ ಅಥವಾ ಫೈನಾನ್ಷಿಯಲ್ ಬೆಂಚ್ಮಾರ್ಕ್ಸ್ ಇಂಡಿಯಾ ಪ್ರೈ.ಲಿ. ಪ್ರಕಟಿಸಿದ ಯಾವುದೇ ಮಾನದಂಡದ ದರಗಳ ನಡುವೆ ಆಯ್ಕೆ ಮಾಡಬಹುದು.
ಇದೇ ವೇಳೆ ಜುಲೈ 1ರಿಂದ ಅನ್ವಯಿಸುವಂತೆ ರೆಪೊ ಆಧಾರಿತ ಸಾಲಗಳ ಮೇಲಿನ ಬಡ್ಡಿದರ (ಆರ್ಎಲ್ಎಲ್ಆರ್) ಮತ್ತು ಬಾಹ್ಯ ಮಾನದಂಡ (ಇಬಿಆರ್) ಆಧರಿಸಿದ ಬಡ್ಡಿದರ 0.40 ಪರ್ಸೆಂಟ್ ಕಡಿಮೆ ಮಾಡಿದೆ. ಇದರಿಂದಾಗಿ ಆರ್ಎಲ್ಎಲ್ಆರ್ ನೀಡಿಕೆ ದರ 6.65 ಪರ್ಸೆಂಟ್ ರಿಂದ 6.25 ಪರ್ಸೆಂಟ್ ಹಾಗೂ ಇಆರ್ಬಿ ನೀಡಿಕೆ ದರ 7.05 ಪರ್ಸೆಂಟ್ ರಿಂದ 6.65 ಪರ್ಸೆಂಟ್ಗೆ ತಲುಪಲಿದೆ.
SBI ಚಿನ್ನದ ಮೇಲಿನ ಸಾಲ ಯೋಜನೆ: ಬಡ್ಡಿದರ, ಅರ್ಹತೆ, ಪಾವತಿ ಆಯ್ಕೆಯ ಕುರಿತು ಮಾಹಿತಿ ಇಲ್ಲಿದೆ
ಆರ್ಬಿಐ ಇತ್ತೀಚೆಗೆ ರೆಪೊ ದರವನ್ನು 0.40 ಪರ್ಸೆಂಟ್ ಕಡಿತಗೊಳಿಸಿದ ಬಳಿಕ ಎಸ್ಬಿಐ ಇಆರ್ಬಿ ಮತ್ತು ಆರ್ಎಲ್ಎಲ್ಆರ್ ಕಡಿತ ಮಾಡಿದೆ.