ಎಸ್ಬಿಐ ಗ್ರಾಹಕರೇ ಗಮನಿಸಿ: ಬ್ಯಾಂಕ್ ಈ 4 ಬದಲಾವಣೆಗಳನ್ನು ತಂದಿದೆ
ನವದೆಹಲಿ, ಸೆಪ್ಟೆಂಬರ್ 18: ಭಾರತದ ಅತಿದೊಡ್ಡ ಸರ್ಕಾರಿ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್ಬಿಐ) ಇತ್ತೀಚೆಗೆ ಕೆಲ ಬದಲಾವಣೆಗಳನ್ನು ತಂದಿದೆ. ನಿಶ್ಚಿತ ಠೇವಣಿ, ಸಾಲದ ಮೇಲಿನ ಬಡ್ಡಿ ದರ, ಎಟಿಎಂಗಳಿಂದ ಹಣ ವಿತ್ಡ್ರಾ ಹೀಗೆ ಸಂಬಂಧಿಸಿವೆ.
ಎಸ್ಬಿಐನಲ್ಲಿ ಅಕೌಂಟ್ ಹೊಂದಿರುವ ಗ್ರಾಹಕರಿಗೆ ಈ ಬದಲಾವಣೆ ಪರಿಣಾಮ ಬೀರಲಿದೆ. ಎಸ್ಬಿಐನಲ್ಲಿ ಅಕೌಂಟ್ ಹೊಂದಿದ್ದರೆ ನೀವು ಈ ಸುದ್ದಿ ಓದುವುದು ಬಹಳ ಮುಖ್ಯ. ಬ್ಯಾಂಕ್ ಏನೆ್ಲ್ಲಾ ಬದಲಾವಣೆ ತಂದಿದೆ ಎಂಬುದನ್ನು ಈ ಕೆಳಗೆ ನೀಡಲಾಗಿದೆ.
SBI Yono ಮೂಲಕ ಕಾರು ಬುಕ್ ಮಾಡಿ: 22,000 ರೂಪಾಯಿವರೆಗೆ ಬಿಡಿಭಾಗ ಪಡೆಯಿರಿ
ಎಟಿಎಂ ವಿತ್ಡ್ರಾ ನಿಯಮಗಳಲ್ಲಿ ಬದಲಾವಣೆ
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಎಟಿಎಂಗಳಿಂದ ಹಣವನ್ನು ಹಿಂಪಡೆಯುವ ನಿಯಮಗಳನ್ನು ಬದಲಾಯಿಸಿದೆ. ಎಟಿಎಂ ವಂಚನೆಯ ಪ್ರಕರಣಗಳು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ, ಹಣವನ್ನು ಹಿಂಪಡೆಯುವ ನಿಯಮಗಳನ್ನು ಬದಲಾಯಿಸಲಾಗಿದೆ.
ಎಟಿಎಂ 24 × 7 ನಲ್ಲಿ ಒನ್ ಟೈಮ್ ಪಾಸ್ವರ್ಡ್ (ಒಟಿಪಿ) ಆಧಾರಿತ ಎಟಿಎಂ ವಿತ್ಡ್ರಾ ಸೌಲಭ್ಯವನ್ನು ಜಾರಿಗೆ ತರಲು ಎಸ್ಬಿಐ ನಿರ್ಧರಿಸಿದೆ. ಈ ಸೌಲಭ್ಯ ಸೆಪ್ಟೆಂಬರ್ 18 ರಿಂದ ದೇಶದ ಎಲ್ಲ ಎಸ್ಬಿಐ ಎಟಿಎಂಗಳಲ್ಲಿ ಅನ್ವಯವಾಗಲಿದೆ. ಇದಕ್ಕೂ ಮುನ್ನ, ರಾತ್ರಿಯ ಸಮಯದಲ್ಲಿ ಎಟಿಎಂ ವಂಚನೆಯನ್ನು ತಪ್ಪಿಸಲು ಎಸ್ಬಿಐ 2020 ರ ಜನವರಿ 1 ರಿಂದ ಒಟಿಪಿ ಆಧಾರಿತ ಎಟಿಎಂ ಹಿಂಪಡೆಯುವಿಕೆಯನ್ನು ಪರಿಚಯಿಸಿತ್ತು. ಇದರ ಅಡಿಯಲ್ಲಿ ಎಸ್ಬಿಐ ಎಟಿಎಂನಿಂದ ಬೆಳಿಗ್ಗೆ 8 ರಿಂದ ಬೆಳಿಗ್ಗೆ 8 ರವರೆಗೆ 10,000 ಮತ್ತು ಅದಕ್ಕಿಂತ ಹೆಚ್ಚಿನ ಹಣವನ್ನು ಹಿಂಪಡೆಯುವಾಗ ಒಟಿಪಿ ಅಗತ್ಯವಿದೆ.
ಸೆ.18ರಿಂದ ಎಸ್ಬಿಐ ಒಟಿಪಿ ಆಧಾರಿತ ವಿಥ್ ಡ್ರಾ ನಿಯಮ ಬದಲಾವಣೆ
ಎಸ್ಬಿಐ ಗ್ರಾಹಕರು ಸಾಲ ಪುನರ್ರಚನೆಗೆ ಅರ್ಜಿ ಸಲ್ಲಿಸಲು ಸಾಧ್ಯ
ಎಸ್ಬಿಐ ತನ್ನ ಗ್ರಾಹಕರಿಗೆ ಸಾಲ ಪುನರ್ರಚನೆಗೆ ಅನುಕೂಲವಾಗುವಂತೆ ಡಿಜಿಟಲ್ ವೇದಿಕೆಯನ್ನು ಶೀಘ್ರದಲ್ಲೇ ಪ್ರಾರಂಭಿಸಲಿದೆ. ಯಾವ ಗ್ರಾಹಕರಿಗೆ ಎಷ್ಟು ದಿನಗಳವರೆಗೆ ಮೊರಟೋರಿಯಂ ಸೌಲಭ್ಯ ಸಿಗುತ್ತದೆ ಎಂಬುದನ್ನು ಈ ಪ್ಲಾಟ್ಫಾರ್ಮ್ ನಿರ್ಧರಿಸುತ್ತದೆ. ಅದೇ ಸಮಯದಲ್ಲಿ, ಈ ಪ್ಲಾಟ್ಫಾರ್ಮ್ ಅನ್ನು ಈ ತಿಂಗಳ ಕೊನೆಯ ವಾರದಲ್ಲಿ ಪ್ರಾರಂಭಿಸಲಾಗುವುದು ಎಂದು ನಿರೀಕ್ಷಿಸಲಾಗಿದೆ. ಇದನ್ನು ಸೆಪ್ಟೆಂಬರ್ 24 ರಂದು ಬಿಡುಗಡೆ ಮಾಡಬಹುದು ಎಂದು ಗ್ರಹಿಸಲಾಗಿದೆ.
ಭಾರತದ ಮೊಟ್ಟ ಮೊದಲ ಪೇಮೆಂಟ್ ವಾಚ್: ವೇಗವಾಗಿ, ಸುರಕ್ಷಿತವಾಗಿ ವಾಚ್ನಲ್ಲೇ ಬಿಲ್ ಪಾವತಿಸಿ
ಹಿರಿಯ ನಾಗರಿಕರಿಗೆ ವಿಶೇಷ ನಿಶ್ಚಿತ ಠೇವಣಿ ಯೋಜನೆ
ಹಿರಿಯ ನಾಗರಿಕರು ವಿಶೇಷ ನಿಶ್ಚಿತ ಠೇವಣಿ ಯೋಜನೆಯಲ್ಲಿ ಹೂಡಿಕೆ ಮಾಡಲು ಎಸ್ಬಿಐ ಕೊನೆಯ ದಿನಾಂಕವನ್ನು ವಿಸ್ತರಿಸಿದೆ. ಮೇ ತಿಂಗಳಲ್ಲಿ, ಹಿರಿಯ ನಾಗರಿಕರಿಗಾಗಿ ಎಸ್ಬಿಐ ವಿಕೇರ್ ಹಿರಿಯ ನಾಗರಿಕರ ಅವಧಿಯ ಠೇವಣಿ ಯೋಜನೆಯನ್ನು ಬ್ಯಾಂಕ್ ಘೋಷಿಸಿತು.
ಅದೇ ಸಮಯದಲ್ಲಿ, ಪ್ರಸ್ತುತ ಕುಸಿಯುತ್ತಿರುವ ಬಡ್ಡಿದರಗಳನ್ನು ಗಮನದಲ್ಲಿಟ್ಟುಕೊಂಡು, ಹಿರಿಯ ನಾಗರಿಕರಿಗೆ ಹೆಚ್ಚಿನ ಬಡ್ಡಿದರವನ್ನು ಒದಗಿಸಲು ಈ ಯೋಜನೆಯನ್ನು ಪರಿಚಯಿಸಲಾಯಿತು. ಹಿರಿಯ ನಾಗರಿಕರಿಗಾಗಿ ವಿಶೇಷ ಎಫ್ಡಿ ಯೋಜನೆ ವರ್ಷದ ಅಂತ್ಯದ ವೇಳೆಗೆ ಲಭ್ಯವಿರುತ್ತದೆ. ಈ ಮೊದಲು ಸೆಪ್ಟೆಂಬರ್ 30 ರವರೆಗೆ ಈ ಯೋಜನೆ ಮಾನ್ಯವಾಗಿರುತ್ತದೆ ಎಂದು ಬ್ಯಾಂಕ್ ಘೋಷಿಸಿತು.
ಬಡ್ಡಿ ದರಗಳು ಇಳಿಕೆಯಾಗಿವೆ
ಇತ್ತೀಚೆಗಷ್ಟೇ ಎಸ್ಬಿಐ ನಿಶ್ಚಿತ ಠೇವಣಿಗಳ (ಎಫ್ಡಿ) ಮೇಲಿನ ಬಡ್ಡಿದರಗಳನ್ನು ಮತ್ತೊಮ್ಮೆ ಇಳಿಸಿದ್ದು, ಗ್ರಾಹಕರಿಗೆ ಆಘಾತವನ್ನುಂಟು ಮಾಡಿದೆ. ಎಸ್ಬಿಐ 1-2 ವರ್ಷಗಳ ಅವಧಿಯಲ್ಲಿ 2 ಕೋಟಿ ರೂ.ಗಿಂತ ಕಡಿಮೆ ಇರುವ ಠೇವಣಿಗಳ ಮೇಲಿನ ಬಡ್ಡಿಯನ್ನು ಶೇಕಡಾ 0.20 ರಷ್ಟು ಕಡಿಮೆ ಮಾಡಿದೆ. ಅಂದರೆ, ಈಗ ಎಸ್ಬಿಐನ ಎಫ್ಡಿಯ ಲಾಭ ಕಡಿಮೆಯಾಗಿದೆ.
ಹೊಸ ಬಡ್ಡಿ ದರಗಳು ಸೆಪ್ಟೆಂಬರ್ 10, 2020 ರಿಂದ ಜಾರಿಗೆ ಬರುತ್ತವೆ. ಈ ಮೊದಲು ಎಸ್ಬಿಐ ಸ್ಥಿರ ಠೇವಣಿಗಳ ಮೇಲಿನ ಬಡ್ಡಿದರಗಳನ್ನು ಮೇ 27 ರಂದು ಕಡಿಮೆ ಮಾಡಿತು. ಸಾಂಪ್ರದಾಯಿಕ, ಸುರಕ್ಷಿತ ಮತ್ತು ಸ್ಥಿರ ಬಡ್ಡಿ ಆದಾಯಕ್ಕಾಗಿ ದೇಶವು ಸ್ಥಿರ ಠೇವಣಿಗಳಲ್ಲಿ (ಎಫ್ಡಿ) ವ್ಯಾಪಕವಾಗಿ ಹೂಡಿಕೆ ಮಾಡುತ್ತದೆ. ಎಸ್ಬಿಐ ಸ್ಥಿರ ಠೇವಣಿ (ಎಫ್ಡಿ) ಮೇಲಿನ ಬಡ್ಡಿದರಗಳನ್ನು ಕಡಿತಗೊಳಿಸಿದ್ದು, ಮತ್ತೊಮ್ಮೆ ತನ್ನ ಗ್ರಾಹಕರಿಗೆ ಆಘಾತವನ್ನುಂಟು ಮಾಡಿದೆ.