ಭಾರತದಲ್ಲೇ ಎಕೆ 47 ತಯಾರಿಸಲಾಗುತ್ತದೆ, ಏಕೆ?
ನವದೆಹಲಿ, ನ.09: ರಕ್ಷಣಾ ಕ್ಷೇತ್ರಗಳಲ್ಲಿ ವಿದೇಶಿ ನೇರ ಬಂಡವಾಳ ಹೂಡಿಕೆ ಬೇಕೇ? ಬೇಡವೇ? ಎಂಬ ಚರ್ಚೆ ಮುಂದುವರೆದಿರುವ ಸಮಯದಲ್ಲೇ ರಷ್ಯಾದ ಹಗುರ ರೈಫಲ್ ನಿರ್ಮಾಣ ಸಂಸ್ಥೆ ಜನಪ್ರಿಯ ಎಕೆ 47 ರೈಫಲ್ ಗಳನ್ನು ಭಾರತದಲ್ಲೇ ಜಂಟಿಯಾಗಿ ತಯಾರಿಸಲಿ ಮುಂದಾಗಿರುವ ಸುದ್ದಿ ಬಂದಿದೆ.
ರಷ್ಯಾ ಕಲಾಶ್ನಿಕೋವ್ ತಯಾರಿಕಾ ಸಂಸ್ಥೆಗಳು ತಮ್ಮ ತಂತ್ರಜ್ಞಾನವನ್ನು ಇಲ್ಲಿನ ಸಂಸ್ಥೆಗಳಿಗೆ ನೀಡುವ ಮೂಲಕ ಅತ್ಯಂತ ಜನಪ್ರಿಯ ಆಯುಧ ನಿರ್ಮಾಣಕ್ಕೆ ಮುಂದಾಗಿದೆ.
20ನೇ
ಶತಮಾನದ
ಆವಿಷ್ಕಾರಗಳಲ್ಲಿ
ಒಂದೆನಿಸಿರುವ
ಎಕೆ
47
ಆಯುಧ
ರಫ್ತು
ಮಾಡುವುದನ್ನು
ರಷ್ಯಾ
ಎಂದೋ
ನಿಲ್ಲಿಸಿಬಿಟ್ಟಿದೆ.
ಹಲವು
ದೇಶಗಳ
ಅಧಿಕೃತ
ಸುರಕ್ಷತಾ
ಪಡೆಗಳ
ಕೈಗಳಲ್ಲಿ
ಇರಬೇಕಾದ
ಎಕೆ
47,
ವಿಧ್ವಂಸಕ
ಕೃತ್ಯ
ಎಸಗುವವರ
ಕೈಸೇರುತ್ತಿದೆ
ಎಂಬುದು
ಸರ್ವವಿದಿತ.
ಭಾರತದಲ್ಲಿ ಹೆಚ್ಚಿನ ಬೇಡಿಕೆ: 2015ರ ಆರಂಭದಲ್ಲೇ ಅಲೆಕ್ಸಿ ಕ್ರಿವೋರುಚಾಕೋ ಅವರು ಕಲಷ್ನಿಕೋವ್ ರೈಫಲ್ ಅನ್ನು ಇಲ್ಲಿಗೆ ತರಲು ಯತ್ನಿಸಲಾಗಿದೆ. ಅದರೆ, ಭಾರತದಲ್ಲಿ ಯಾವ ಸಂಸ್ಥೆ ಈ ಬಗ್ಗೆ ಆಸಕ್ತಿ ತೋರುತ್ತಿದೆ ಎಂಬುದು ಇನ್ನೂ ಬಹಿರಂಗವಾಗಿಲ್ಲ.
ಒಮ್ಮೆ ಎಕೆ 47 ತಯಾರಿಕೆ ಶುರುವಾದರೆ, 650 ಕೋಟಿ ರು (100 ಮಿಲಿಯನ್ ಡಾಲರ್) ಹೂಡಿಕೆ ಮಾಡಬೇಕಾಗುತ್ತದೆ. ವರ್ಷಕ್ಕೆ 50,000 ಆಯುಧ ನಿರ್ಮಾಣದ ಗುರಿ ಹೊಂದಲಾಗಿದೆ ಎಂದು ಎಕೆ 47 ಸಂಸ್ಥೆ ವಕ್ತಾರರು ಹೇಳಿದ್ದಾರೆ.
5.56 ಎಂಎಂ ಹಾಗೂ 7.62 ಎಂಎಂ ಸ್ವಯಂಚಾಲಿತ ರೈಫಲ್ ಗೆ ಭಾರತದಲ್ಲಿ ಬೇಡಿಕೆ ಇದೆ. ಸುಮಾರು 2.5 ಬಿಲಿಯನ್ ರೊಬೆಲ್ಸ್ ಗಳಿಕೆಯ ಗುರಿ ಹೊಂದಲಾಗಿದೆ ಎಂದಿದ್ದಾರೆ. 1946-47ರಲ್ಲಿ ಮಿಕೈಲ್ ಕಲಷ್ನಿಕೋವ್ ವಿನ್ಯಾಸಗೊಳಿಸಿದ ಎಕೆ 47 ರೈಫಲ್ ಗಳು ವಿಶ್ವದ ಅತ್ಯಂತ ಜನಪ್ರಿಯ ಆಯುಧಗಳಲ್ಲಿ ಒಂದಾಗಿದೆ. (ಪಿಟಿಐ)