ಡಾಲರ್ ಎದುರು ರೂಪಾಯಿ ಮೌಲ್ಯ ಕುಸಿತ
ನವದೆಹಲಿ, ಆಗಸ್ಟ್ 27: ಗುರುವಾರ ಆರಂಭಿಕ ವಹಿವಾಟಿನಲ್ಲಿ ಅಮೆರಿಕನ್ ಡಾಲರ್ ಎದುರು ರೂಪಾಯಿ ಆರು ಪೈಸೆ ಕುಸಿತ ಕಂಡಿದೆ.
ಅಮೆರಿಕಾದ ಫೆಡರಲ್ ಬ್ಯಾಂಕ್ ಮತ್ತು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದಿಂದ ಹೂಡಿಕೆದಾರರು ಹೊಸ ಸೂಚನೆಗಳನ್ನು ನಿರೀಕ್ಷಿಸುತ್ತಿದ್ದು, ರೂಪಾಯಿ ಆರು ಪೈಸೆ ಇಳಿಕೆಗೊಂಡು 74.36 ರೂಪಾಯಿಗೆ ವಿನಿಮಯಗೊಂಡಿದೆ.
ಆಗಸ್ಟ್ 15, 1947 ರಂದು ಡಾಲರ್ ಎದುರು ರೂಪಾಯಿ ಮೌಲ್ಯ ಎಷ್ಟು?
ಇಂಟರ್ಬ್ಯಾಂಕ್ ವಿದೇಶಿ ವಿನಿಮಯ ಮಾರುಕಟ್ಟೆಯಲ್ಲಿ, ರೂಪಾಯಿ 74.30 ಕ್ಕೆ ಪ್ರಾರಂಭವಾಯಿತು, ಆದರೆ ಆರಂಭಿಕ ವ್ಯವಹಾರಗಳಲ್ಲಿ 74.36 ಅನ್ನು ಮುಟ್ಟಿತು. ಗ್ರೀನ್ಬ್ಯಾಕ್ ವಿರುದ್ಧದ ಹಿಂದಿನ 74.30ಗೆ ಹೋಲಿಸಿದರೆ 6 ಪೈಸೆ ಕುಸಿತವನ್ನು ದಾಖಲಿಸಿದೆ.
ಏತನ್ಮಧ್ಯೆ, ಆರು ಕರೆನ್ಸಿಗಳ ವಿರುದ್ಧ ಗ್ರೀನ್ಬ್ಯಾಕ್ನ ಶಕ್ತಿಯನ್ನು ಅಳೆಯುವ ಡಾಲರ್ ಸೂಚ್ಯಂಕವು ಶೇಕಡಾ 0.15 ರಷ್ಟು ಕುಸಿದು 92.87 ಕ್ಕೆ ತಲುಪಿದೆ.
ತಾತ್ಕಾಲಿಕ ವಿನಿಮಯ ದತ್ತಾಂಶಗಳ ಪ್ರಕಾರ ಬುಧವಾರ ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು 1,581.31 ಕೋಟಿ ರೂ.ಗಳ ಷೇರುಗಳನ್ನು ಖರೀದಿಸಿದ್ದರಿಂದ ಬಂಡವಾಳ ಮಾರುಕಟ್ಟೆಯಲ್ಲಿ ನಿವ್ವಳ ಖರೀದಿದಾರರಾಗಿದ್ದರು. ಜಾಗತಿಕ ಷೇರುಪೇಟೆಗಳ ವಹಿವಾಟು ಮತ್ತು ಕೋವಿಡ್ ಪ್ರಕರಣಗಳು ದೇಶಿ ಷೇರುಪೇಟೆಯ ಮೇಲೆ ಪರಿಣಾಮ ಬೀರುತ್ತಿವೆ.