ರಿಲಯನ್ಸ್ ತೆಕ್ಕೆಗೆ ಬಿದ್ದ ಡಿಜಿಟಲ್ ಫಾರ್ಮಾ ನೆಟ್ ಮೆಡ್ಸ್
ಮುಂಬೈ, ಆ. 19: ಡಿಜಿಟಲ್ ಫಾರ್ಮಾ ಮಾರುಕಟ್ಟೆಯಲ್ಲಿ ಮುಂಚೂಣಿಯಲ್ಲಿರುವ ವಿಟಾಲಿಕ್ ಹೆಲ್ತ್ ಪ್ರೈ ಲಿ ಸಂಸ್ಥೆಯ ನೆಟ್ ಮೆಡ್ಸ್ ಷೇರುಗಳನ್ನು ಖರೀದಿಸಿದೆ. ಈ ವ್ಯವಹಾರದ ಮೌಲ್ಯ 620 ಕೋಟಿ ರು ಎಂದು ತಿಳಿದು ಬಂದಿದೆ. ಈ ಮೂಲಕ ಡಿಜಿಟಲ್ ಫಾರ್ಮಾ ಮಾರುಕಟ್ಟೆಯಲ್ಲಿ ಅಸ್ತಿತ್ವ ರೂಪಿಸಲು ಮುಖೇಶ್ ಅಂಬಾನಿ ಮುಂದಾಗಿದ್ದಾರೆ.
Recommended Video
ವಿಟಾಲಿಕ್ ಹೆಲ್ತ್ ಪ್ರೈ ಲಿಯ ಸಬ್ಸಿಡಿ ಸಂಸ್ಥೆಗಳಾದ ಟ್ರೆಸಾರಾ ಹೆಲ್ತ್ ಪ್ರೈ ಲಿ, ನೆಟ್ ಮೆಡ್ಸ್ ಮಾರ್ಕೆಟ್ ಪ್ಲೇಸ್ ಲಿ ಹಾಗೂ ದಾಧಾ ಫಾರ್ಮಾ ಡಿಸ್ಟ್ರಿಬ್ಯೂಷನ್ ಪ್ರೈ ಲಿ ಸಂಸ್ಥೆಗಳ ಷೇರುಗಳು ಸೇರಿವೆ. ಈಕ್ವಿಟಿ ಷೇರಿನಲ್ಲಿ ವಿಟಾಲಿಕ್ ಸಂಸ್ಥೆಯಲ್ಲಿ ಶೇ 60ರಷ್ಟು ಪಾಲು ಹಾಗೂ ಸಬ್ಸಿಡಿಗಳ ಮೇಲೆ ಶೇ 100ರಷ್ಟು ಪಾಲು ಸೇರಿದೆ.
ನ್ಯೂಟ್ರಿಷಿನಲ್ ಹೆಲ್ತ್ ಹಾಗೂ ವೆಲ್ ನೆಸ್ ಉತ್ಪನ್ನಗಳನ್ನು ಆನ್ ಲೈನ್ ಮೂಲಕ ಗ್ರಾಹಕರು ಬುಕ್ ಮಾಡಿ ಮನೆ ಬಾಗಿಲಿಗೆ ತರೆಸಿಕೊಳ್ಳಬಹುದಾದ ವ್ಯವಸ್ಥೆಯನ್ನು ನೆಟ್ ಮೆಡ್ಸ್ ರೂಪಿಸಿದೆ. 2015ರಿಂದ ಫಾರ್ಮಾ ವಿತರಣೆ, ಮಾರಾಟ ಹಾಗೂ ಸಂಬಂಧಿತ ಸೇವೆಯಲ್ಲಿ ವಿಟಾಲಿಕ್ ಸಂಸ್ಥೆ ಹೊಂದಿದೆ.