ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಪಬ್‍ಜೀ ಮೊಬೈಲ್ ಇಂಡಿಯಾ ಸೀರೀಸ್ ಘೋಷಣೆ, 1 ಕೋಟಿ ರು ಬಹುಮಾನ

|
Google Oneindia Kannada News

ಬೆಂಗಳೂರು, ಜನವರಿ 10: ಕೇವಲ ಎಂಟು ತಿಂಗಳಲ್ಲಿ ಜಾಗತಿಕ ಮಟ್ಟದಲ್ಲಿ 200 ದಶಲಕ್ಷಕ್ಕೂ ಅಧಿಕ ಡೌನ್‍ಲೋಡ್ ಆಗಿ PUBG ಸಾಧನೆಯ ಉತ್ತುಂಗಕ್ಕೆ ಪಾರವೇ ಇಲ್ಲದಂತಾಗಿದೆ. ಆರಂಭವಾದ ಕೆಲವೇ ತಿಂಗಳಲ್ಲಿ ಪಬ್‍ಜಿ ಮೊಬೈಲ್ ಈ ಸಾಧನೆ ಮಾಡಿದೆ.

ಅಧಿಕೃತ ಪಬ್‍ಜಿ ಮೊಬೈಲ್ ಕ್ಯಾಂಪಸ್ ಚಾಂಪಿಯನ್‍ಶಿಪ್ ಅನ್ನು 2018 ರ ಅಕ್ಟೋಬರ್ ನಲ್ಲಿ ಆರಂಭಿಸಿದ ದಿನದಿಂದ ಅಭೂತಪೂರ್ವ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

30 ನಗರಗಳಲ್ಲಿ 1000 ಕ್ಕೂ ಹೆಚ್ಚು ಕಾಲೇಜುಗಳಲ್ಲಿ ನಡೆದ ಈ ಟೂರ್ನಮೆಂಟ್‍ನಲ್ಲಿ 2,50,000 ಕ್ಕೂ ಹೆಚ್ಚು ಜನರು ನೋಂದಣಿ ಮಾಡಿಸಿಕೊಂಡಿದ್ದರು. ಅದೂ ಕೂಡ ಕೇವಲ 3 ವಾರಗಳಲ್ಲಿ. ಈ ಯಶಸ್ಸಿನ ಹಿನ್ನೆಲೆಯಲ್ಲಿ ಟೆನ್ಸೆಂಟ್ ಗೇಮ್ಸ್ ಮತ್ತು ಪಬ್‍ಜಿ ಕಾರ್ಪ್ ಇದೀಗ ಒಪ್ಪೊಪಬ್‍ಜೀ ಮೊಬೈಲ್ ಇಂಡಿಯಾ ಸೀರೀಸ್ 2019 ಅನ್ನು ಆರಂಭಿಸುತ್ತಿದೆ.

PUBG MOBILE is developed by Tencent Games and PUBG Corp

ಇದು ಭಾರತದಲ್ಲಿ ಆಯೋಜಿಸುತ್ತಿರುವ ಓಪನ್-ಟು-ಆಲ್ ಟೂರ್ನಮೆಂಟ್ ಇದಾಗಿದೆ. ದೇಶದಲ್ಲಿ ಇಕೊಸಿಸ್ಟಂ ಸುಸ್ಥಿರ ಇಸ್ಪೋಟ್ಸ್ ಅನ್ನು ನಿರ್ಮಾಣ ಮಾಡುವ ಬದ್ಧತೆಯ ನಿಖರವಾದ ಹೆಜ್ಜೆಯಾಗಿದೆ. ಭಾರತೀಯ ಇ-ಸ್ಪೋರ್ಟ್ಸ್ ಟೂರ್ನಮೆಂಟ್‍ನಲ್ಲಿ ಅತಿದೊಡ್ಡ ಬಹುಮಾನದ ಟೂರ್ನಮೆಂಟ್ ಇದಾಗಿದೆ.

ಬರೋಬ್ಬರಿ 1 ಕೋಟಿ ರೂಪಾಯಿ ನಗದು ಬಹುಮಾನದ ಟೂರ್ನಿ ಇದಾಗಿದ್ದು, ನಗದು ಬಹುಮಾನದ ಜತೆಗೆ ವಿಜೇತರಿಗೆ ಒಪ್ಪೋ ಸಂಸ್ಥೆಯು ಮೊಬೈಲ್ ಫೋನ್‍ಗಳನ್ನು ಬಹುಮಾನವಾಗಿ ಪ್ರಾಯೋಜನೆ ಮಾಡುತ್ತಿದೆ.

ಲೆವೆಲ್ 20 ರ ನಂತರ ಪಬ್‍ಜೀ ಮೊಬೈಲ್ ಅಕೌಂಟ್ ಹೊಂದಿರುವ ಎಲ್ಲಾ ಭಾರತೀಯ ಪ್ರಜೆಗಳು ಈ ಟೂರ್ನಮೆಂಟ್‍ನಲ್ಲಿ ಪಾಲ್ಗೊಳ್ಳಬಹುದಾಗಿದೆ. ಈ ಟೂರ್ನಿಯು ಆಟಗಾರರಿಗೆ ವೈವಿಧ್ಯಮಯ ಬ್ಯಾಟಲ್‍ಫೀಲ್ಡ್ ಅನ್ನು ಒದಗಿಸುತ್ತದೆ. ವಿವಿಧ ಮ್ಯಾಪ್‍ಗಳಲ್ಲಿ ಸ್ಕ್ವಾಡ್‍ಗಳು ಹೋರಾಟಗಳಲ್ಲಿ ತೊಡಗಿರುತ್ತಾರೆ. ಮೂಲ ಪಬ್‍ಜೀ ಮೊಬೈಲ್ ಮ್ಯಾಪ್ ಎರಾಂಗಲ್ಡ್ ಕೂಡ ಒಂದಾಗಿರುತ್ತದೆ. ಇನ್-ಗೇಮ್ ಕ್ಯಾಲಿಫೈಯರ್ ಹಂತದಲ್ಲಿ ನೋಂದಾಯಿತ ಸ್ಕ್ವಾಡ್‍ಗಳು ಒಟ್ಟಾಗಿ ಆಡುತ್ತಾರೆ.

ಇದರಲ್ಲಿ ಟಾಪ್ 2,000 ತಂಡಗಳು ಆನ್‍ಲೈನ್ ಪ್ಲೇಆಫ್‍ಗೆ ಆಯ್ಕೆಯಾಗುತ್ತವೆ. ಈ ಪೈಕಿ ಅತ್ಯುತ್ತಮವಾದ 20 ತಂಡಗಳನ್ನು ಗ್ರ್ಯಾಂಡ್ ಫೈನಲ್ಸ್‍ಗೆ ಆಯ್ಕೆ ಮಾಡಲಾಗುತ್ತದೆ. ಆಟಗಾರರಿಂದ ನೋಂದಣಿ ಮಾಡಿಸಿಕೊಳ್ಳಲು ಯಾವುದೇ ಮಿತಿ ಇರುವುದಿಲ್ಲ. ಆದಾಗ್ಯೂ, ಆನ್‍ಲೈನ್-ಕಟ್‍ಆಫ್‍ನಲ್ಲಿ ಫಿಲ್ಟರ್ ಮಾಡಲಾಗುತ್ತದೆ.

ಶ್ರೇಯಾಂಕದಲ್ಲಿ ಮೊದಲ ಸ್ಥಾನ ಪಡೆಯುವ ತಂಡ 30,00,000 ರೂಪಾಯಿಗಳ ಬಹುಮಾನವನ್ನು ಗಳಿಸಬಹುದಾಗಿದ್ದು, ಎರಡನೇ ಸ್ಥಾನ ಗಳಿಸುವ ತಂಡಕ್ಕೆ 10,00,000 ರೂಪಾಯಿ ಮತ್ತು ಮೂರನೇ ಸ್ಥಾನ ಪಡೆಯುವ ತಂಡಕ್ಕೆ 5,00,000 ರೂಪಾಯಿ ಸಿಗಲಿದೆ.

ಭಾರತದ ಈ ಸರಣಿಗೆ ನೋಂದಣಿ ಪ್ರಕ್ರಿಯೆ 2019 ರ ಜನವರಿ 3 ರಂದು ಆರಂಭವಾಗಿದ್ದು, ನೋಂದಣಿ ಉಚಿತವಾಗಿರುತ್ತದೆ. 2019 ರ ಮಾರ್ಚ್ 2 ಮತ್ತು 3 ರಂದು ಫೈನಲ್ಸ್ ನಡೆಯಲಿದೆ. ಈ ಟೂರ್ನಮೆಂಟ್ ಅನ್ನು ಪಬ್‍ಜೀ ಮೊಬೈಲ್‍ನ ಯೂಟ್ಯೂಬ್ ಮತ್ತು ಫೇಸ್‍ಬುಕ್ ಚಾನೆಲ್‍ನಲ್ಲಿ ಪ್ರಸಾರ ಮಾಡಲಾಗುತ್ತದೆ.

English summary
PUBG MOBILE is developed by Tencent Games and PUBG Corp. and based on PLAYERUNKNOWN’S BATTLEGROUNDS (PUBG),the original PC and Xbox One gaming phenomenon that took the world of interactive entertainment by storm in 2017.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X