ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಕೋವಿಡ್ ನಂತರ ಶೇ. 30ರಷ್ಟು ಕಚೇರಿ ದಿನಗಳು, ಶೇ. 50 ರಷ್ಟು ವ್ಯವಹಾರ ಪ್ರಯಾಣ ತಗ್ಗಲಿದೆ: ಬಿಲ್‌ಗೇಟ್ಸ್‌

|
Google Oneindia Kannada News

ನ್ಯೂಯಾರ್ಕ್, ನವೆಂಬರ್ 18: ವಿಶ್ವದಲ್ಲಿ ಕೋವಿಡ್-19 ಪರಿಣಾಮ ಒಂದೆಡೆಯಾದ್ರೆ, ಕೋವಿಡ್-19 ಮುಗಿದ ಮೇಲೆ ಮತ್ತೊಂದು ರೀತಿಯ ಬದಲಾವಣೆಯನ್ನ ಜಗತ್ತು ಎದುರಿಸಲಿದೆ ಎಂದು ಮೈಕ್ರೋಸಾಫ್ಟ್ ಸಹ ಸಂಸ್ಥಾಪಕ ಬಿಲ್‌ಗೇಟ್ಸ್‌ ಹೇಳಿದ್ದಾರೆ.

ಜನರು ವ್ಯವಹಾರಗಳನ್ನು ಮತ್ತು ವ್ಯವಹಾರ ಪ್ರಯಾಣವನ್ನು ನಡೆಸುವ ವಿಧಾನಗಳು ಕೋವಿಡ್ ನಂತರದ ಪ್ರಪಂಚದಲ್ಲೂ ತೀವ್ರವಾಗಿ ಬದಲಾಗುತ್ತವೆ ಎಂದು ಬಿಲ್‌ಗೇಟ್ಸ್‌ ನಂಬುತ್ತಾರೆ. ನ್ಯೂಯಾರ್ಕ್ ಟೈಮ್ಸ್ ಆಯೋಜಿಸಿದ್ದ ಡೀಲ್‌ಬುಕ್ ಸಮ್ಮೇಳನದಲ್ಲಿ ಆಂಡ್ರ್ಯೂ ರಾಸ್ ಸೊರ್ಕಿನ್ ಅವರೊಂದಿಗೆ ಸಂವಹನ ನಡೆಸುತ್ತಿರುವಾಗ, ಗೇಟ್ಸ್ ಹೇಳಿದ್ದು, ಶೇಕಡಾ 50 ರಷ್ಟು ವ್ಯವಹಾರ ಪ್ರಯಾಣ ಮತ್ತು 30 ಪ್ರತಿಶತದಷ್ಟು ಕಚೇರಿ ದಿನಗಳು ಸಾಂಕ್ರಾಮಿಕ ನಂತರದ ಜಗತ್ತಿನಲ್ಲಿ ಕಳೆಗುಂದುತ್ತವೆ ಎಂದಿದ್ದಾರೆ.

ಕೋವಿಡ್-19 ಲಸಿಕೆಗೆ ಶುಲ್ಕ ವಿಧಿಸಬಾರದು: ನಾರಾಯಣ ಮೂರ್ತಿಕೋವಿಡ್-19 ಲಸಿಕೆಗೆ ಶುಲ್ಕ ವಿಧಿಸಬಾರದು: ನಾರಾಯಣ ಮೂರ್ತಿ

ವೈಯಕ್ತಿಕವಾಗಿ ಸಮಸ್ಯೆಯನ್ನು ಚರ್ಚಿಸಲು, ದೈಹಿಕವಾಗಿ ಬೇರೊಬ್ಬರ ಮುಂದೆ ಕುಳಿತುಕೊಳ್ಳಲು, ವ್ಯಾಪಾರಕ್ಕಾಗಿ ನಿರ್ದಿಷ್ಟ ಸ್ಥಳಕ್ಕೆ ಹಾರಲು, ಸಾಂಕ್ರಾಮಿಕ ರೋಗದ ನಂತರದ ಕಾಲದಲ್ಲಿ "ಚಿನ್ನದ ಮಾನದಂಡ" (ಪ್ರಮುಖ ಮಾನದಂಡ) ವಾಗಿರುವುದಿಲ್ಲ ಎಂದು ಅಮೆರಿಕದ ಯಶಸ್ವಿ ವ್ಯಾಪಾರ ಉದ್ಯಮಿ ಹೇಳಿದರು.

Post Covid-19: Days In Office To Reduce 30 Percent, Business Travel 50 Percent: Bill Gates

ಕಚೇರಿಯಲ್ಲಿ ಕೆಲಸ ಮಾಡಲು ಹೋಲಿಸಿದರೆ ರಿಮೋಟ್ ವರ್ಕಿಂಗ್ ಹೆಚ್ಚು ಕಾರ್ಯಸಾಧ್ಯವಾದ ಆಯ್ಕೆಯಾಗಿರುವುದರಿಂದ, ಈಗ ವ್ಯಾಪಾರ ಪ್ರವಾಸಗಳನ್ನು(ಬಿಜಿನೆಸ್ ಟ್ರಾವೆಲ್) ನಡೆಸಲು "ಹೆಚ್ಚಿನ ಮಿತಿ" ಇರುತ್ತದೆ ಎಂದು ಗೇಟ್ಸ್ ಹೇಳಿದರು.

ಆದಾಗ್ಯೂ, ಕೆಲವು ಕಂಪನಿಗಳು ವೈಯಕ್ತಿಕ ಸಭೆಗಳನ್ನು ಇತರರಿಗಿಂತ ಕಡಿಮೆ ಮಾಡಲು ಹೆಚ್ಚು ತೀವ್ರವಾದ ಕ್ರಮಗಳನ್ನು ತೆಗೆದುಕೊಳ್ಳುವ ಸಾಧ್ಯತೆಯಿದೆ ಎಂದು ಅವರು ಹೇಳಿದರು. ಆದಾಗ್ಯೂ, ಗೇಟ್ಸ್ ಆನ್‌ಲೈನ್ ಸಭೆಗಳ ಒಂದು ಅಡ್ಡಪರಿಣಾಮದ ಬಗ್ಗೆ ಮಾತನಾಡಿದ್ದಾರೆ. ಹೊಸ ಜನರನ್ನು ಭೇಟಿ ಮಾಡಲು ಸಾಧ್ಯವಾಗುತ್ತಿಲ್ಲ. ಅವರು 2020 ರಲ್ಲಿ ಯಾವುದೇ ಹೊಸ ಸ್ನೇಹಿತರನ್ನು ಮಾಡಿಕೊಳ್ಳಲು ಸಾಧ್ಯವಾಗಲಿಲ್ಲ ಎಂದು ಅವರು ಹೇಳಿದರು.

ವರ್ಕ್‌ ಫ್ರಮ್ ಹೋಮ್ ಸುರಕ್ಷಿತ ಪರ್ಯಾಯವಾಗಿ ಹೊರಹೊಮ್ಮುವುದರಿಂದ, ಶೀಘ್ರದಲ್ಲೇ ನೌಕರರು ಮತ್ತೆ ಕಚೇರಿಗೆ ಮರಳಲು ಇಷ್ಟ ಪಡುವುದಿಲ್ಲ. ಗ್ಲೋಬಲ್ ಬ್ಯುಸಿನೆಸ್ ಟ್ರಾವೆಲ್ ಅಸೋಸಿಯೇಶನ್ (ಜಿಬಿಟಿಎ) ನಡೆಸಿದ ಸಮೀಕ್ಷೆಯ ಪ್ರಕಾರ, ಸಮೀಕ್ಷೆಯಲ್ಲಿ ಭಾಗವಹಿಸಿದ ಒಟ್ಟು 2,267 ಜನರಲ್ಲಿ 50 ಪ್ರತಿಶತದಷ್ಟು ಜನರು ಕೆಲಸದ ಉದ್ದೇಶಗಳಿಗಾಗಿ ಮರಳುವ ಬಗ್ಗೆ ಯೋಚಿಸುವುದಾಗಿ ಹೇಳಿದರು ಆದರೆ ಯಾವಾಗ ಎಂದು ಖಚಿತಪಡಿಸಿಲ್ಲ. ಏತನ್ಮಧ್ಯೆ, ಶೇಕಡಾ 18 ರಷ್ಟು ಜನರು ಈಗ ವ್ಯವಹಾರ ಪ್ರಯಾಣವನ್ನು ಪುನರಾರಂಭಿಸುವ ಯಾವುದೇ ಯೋಜನೆಯನ್ನು ಹೊಂದಿಲ್ಲ , ಜೊತೆಗೆ 19 ಪ್ರತಿಶತದಷ್ಟು ಜನರು ಖಚಿತವಾಗಿಲ್ಲ.

English summary
Bill Gates stated that 50 per cent of business travel and 30 per cent of days in office shall wither away in the post pandemic world.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X