Click it and Unblock the Notifications
Just In
-
-
-
Don't Miss
-
Shrirasthu Shubhamasthu:ಪೂರ್ಣಿಮಾಗೆ ಮಗು ಚಿಂತೆ; ಸತ್ಯ ಹೇಳಲಾಗದೆ ತುಳಸಿ ತೊಳಲಾಟ -
PBKS vs MI: ಐಪಿಎಲ್ನಲ್ಲಿ ಈ ಇತಿಹಾಸ ನಿರ್ಮಿಸಿದ 2ನೇ ಆಟಗಾರ ರೋಹಿತ್ ಶರ್ಮಾ -
ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ! -
ಊಟದ ರುಚಿ ಹೆಚ್ಚಿಸುತ್ತೆ ಚೌಳಿಕಾಯಿ ಪಲ್ಯ..! ಹೀಗೆ ಮಾಡಿ -
ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್! -
Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಎಚ್ಚರ! 53ಕೋಟಿ ಫೇಸ್ಬುಕ್ ಬಳಕೆದಾರರ ಮಾಹಿತಿ ಸೋರಿಕೆ
ಬೆಂಗಳೂರು, ಏಪ್ರಿಲ್ 4: ಜನಪ್ರಿಯ ಸಾಮಾಜಿಕ ಜಾಲ ತಾಣ ಫೇಸ್ಬುಕ್ ಬಳಕೆದಾರರಿಗೆ ಆಘಾತಕಾರಿ ಸುದ್ದಿ ಇಲ್ಲಿದೆ. ಸರಿ ಸುಮಾರು 53ಕೋಟಿ ಫೇಸ್ಬುಕ್ ಬಳಕೆದಾರರ ಮಾಹಿತಿ ಸೋರಿಕೆಯಾಗಿದೆ, ಕಾಳ ಸಂತೆಯಲ್ಲಿ ಮಾಹಿತಿಯನ್ನು ಹರಾಜಿಗಿಡಲಾಗಿದೆ ಎಂದು 'ಹಡ್ಸನ್‌ ರಾಕ್‌ ಸೈಬರ್ ಕ್ರೈಮ್‌ ಇಂಟೆಲಿಜೆನ್ಸ್‌' ಸಂಸ್ಥೆಯ ಮುಖ್ಯ ತಂತ್ರಜ್ಞಾನ ಅಧಿಕಾರಿ ಅಲನ್ ಗಾಲ್ ಟ್ವೀಟ್‌ ಮಾಡಿದ್ದಾರೆ.
2019ರಲ್ಲಿ ಆನ್‌ಲೈನ್ ವೇದಿಕೆ ಮುಖಾಂತರ ಅಪಾರ ಸಂಖ್ಯೆಯ ಬಳಕೆದಾರರ ಡೇಟಾ ಸೋರಿಕೆಯಾಗಿದೆ ಎಂದು ತಿಳಿಸಿದ್ದಾರೆ. ಸೋರಿಕೆಯಾದ ಮಾಹಿತಿಯಲ್ಲಿ ಫೋನ್ ನಂಬರ್, ಪೂರ್ತಿ ಹೆಸರು, ವಿಳಾಸ, ಇಮೇಲ್ ವಿಳಾಸ, ಹುಟ್ಟುಹಬ್ಬ ದಿನಾಂಕ, ಸ್ವ ವಿವರಗಳು ಸೇರಿವೆ.
ಸರಿ ಸುಮಾರು 106 ದೇಶಗಳಿಗೆ ಸೇರಿದ 533 ಮಿಲಿಯನ್ ಬಳಕೆದಾರರ ಮಾಹಿತಿ ಸೋರಿಕೆಯಾಗಿದ್ದು, ಭಾರತದ 60 ಲಕ್ಷ ಮಂದಿ ಮಾಹಿತಿ, ಯುಎಸ್ 32 ಮಿಲಿಯನ್ ಹಾಗೂ ಯುಕೆಯೆ 11 ಮಿಲಿಯನ್ ಖಾತೆ ಮಾಹಿತಿ ಲೀಕ್ ಆಗಿದೆ.
ಹ್ಯಾಕರ್ಸ್ ಕಳೆದ ಜನವರಿಯಿಂದ ಅನೇಕ ಕದ್ದ ಮಾಹಿತಿಯನ್ನು ಹಂತ ಹಂತವಾಗಿ ಕಾಳಸಂತೆಯಲ್ಲಿ ಹರಾಜಿಗಿಟ್ಟು ಮಾರಾಟ ಮಾಡುತ್ತಿದ್ದಾರೆ ಎಂದು ಇಸ್ರೇಲಿ ಸೈಬರ್ ಕ್ರೈಂ ಗುಪ್ತಚರ ಸಂಸ್ಥೆಯ ಅಲಾನ್ ಗಾಲ್ ತಿಳಿಸಿದ್ದಾರೆ. ಆದರೆ, ಅಚ್ಚರಿಯೆಂದರೆ ಮಾಹಿತಿಗಳಿಗೆ ಅತ್ಯಂತ ಕಡಿಮೆ ಯುರೋ ಬೆಲೆ ಟ್ಯಾಗ್ ಮಾಡಿ ಹರಾಜಿಗಿಡಲಾಗಿದೆ.
ಲಭ್ಯ ಮಾಹಿತಿಯನ್ನು ಫೇಸ್ಬುಕ್ ಡೇಟಾಬೇಸ್ ಜೊತೆ ಹೋಲಿಕೆ ಮಾಡಿ ನೋಡಿ, ಸೋರಿಕೆಯಾಗಿರುವ ಮಾಹಿತಿ ಫೇಸ್ಬುಕ್ ನಿಂದಲೇ ಆಗಿದೆ ಎಂದು ಖಚಿತಪಡಿಸಿಕೊಳಲಾಗಿದೆ. ಆದರೆ, ಹ್ಯಾಕರ್ಸ್ ಗುಂಪಿನ ಬಗ್ಗೆ ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ. ಸಾಮಾಜಿಕ ಜಾಲ ತಾಣಗಳಲ್ಲಿ ಹೆಚ್ಚಿನ ಸ್ವ ವಿವರ ಹಂಚಿಕೊಳ್ಳದಿರುವುದು ಒಳ್ಳೆಯದು, ಆದಷ್ಟು ಸುರಕ್ಷಿತ ನಿಯಮಗಳನ್ನು ಪಾಲಿಸಿ ಎಂದು ಸೈಬರ್ ಸೆಕ್ಯುರಿಟಿ ತಜ್ಞರು ಸಲಹೆ ನೀಡಿದ್ದಾರೆ.
