16 ದಿನಗಳ ಏರಿಕೆ ನಂತರ ಪೆಟ್ರೋಲ್-ಡಿಸೇಲ್ ಬೆಲೆಯಲ್ಲಿ ಇಳಿಕೆ
ಬೆಂಗಳೂರು, ಮೇ 30: ಸುಮಾರು 16 ದಿನಗಳ ಕಾಲ ನಿರಂತರವಾಗಿ ಏರಿಕೆ ಕಂಡಿದ್ದ ತೈಲ ಬೆಲೆ, ಬುಧವಾರದಂದು ಕೊಂಚ ಇಳಿಕೆಯಾಗಿದೆ. ಆದರೆ, ಸರ್ಕಾರಿ ಸ್ವಾಮ್ಯದ ಸಂಸ್ಥೆಗಳ ಅಂಕಿ ಅಂಶ ಗೊಂದಲದಿಂದ 60 ಪೈಸೆ ಬದಲಿಗೆ ಕೇವಲ 1 ಪೈಸೆಯಷ್ಟು ಮಾತ್ರ ಇಳಿಕೆಯಾಗಿದೆ.
ಪೆಟ್ರೋಲ್ ಬೆಲೆಯಲ್ಲಿ 60 ಪೈಸೆ ಹಾಗೂ ಡಿಸೇಲ್ ಬೆಲೆಯಲ್ಲಿ 56 ಪೈಸೆ ಇಳಿಕೆಯಾಗಿದೆ ಎಂದು ಮೊದಲಿಗೆ ಪ್ರಕಟಿಸಲಾಗಿತ್ತು. ಆದರೆ, ಸುದ್ದಿ ಹೊರ ಬಂದ ಒಂದು ಗಂಟೆಯಲ್ಲೇ ಮತ್ತೊಮ್ಮೆ ಪ್ರಕಟಣೆ ಹೊರಡಿಸಿ, ಪೆಟ್ರೋಲ್-ಡಿಸೇಲ್ ಬೆಲೆಯಲ್ಲಿ ಕೇವಲ 1 ಪೈಸೆ ಇಳಿಕೆಯಾಗಿದೆ ಎಂದು ಘೋಷಿಸಿವೆ.
ತಾಂತ್ರಿಕ ಸಮಸ್ಯೆಯಿಂದ ತಪ್ಪಾಗಿ ಅಂಕಿ ಅಂಶ ಪ್ರಕಟವಾಗಿತ್ತು ಎಂದು ತೈಲ ಸಂಸ್ಥೆಗಳು ಹೇಳಿವೆ. ಬೆಂಗಳೂರಿನಲ್ಲಿ ಇಂದಿನ ತೈಲ ದರ : ಪೆಟ್ರೋಲ್ -79.10 ರೂ ಹಾಗೂ ಡಿಸೇಲ್ - 69.93 ರೂ. ನಷ್ಟಿದೆ.
After 16 days of continuous hike, fuel prices witnessed a slight drop today
— ANI Digital (@ani_digital) May 30, 2018
Read @ANI Story | https://t.co/DmRgwjVLXa pic.twitter.com/ceb8YQi0As
ಉಳಿದಂತೆ, ಮೆಟ್ರೋಪಾಲಿಟನ್ ನಗರಗಳಲ್ಲಿ ಲೀಟರ್ ಪೆಟ್ರೋಲ್ ದರ: ದೆಹಲಿ-77.83 ರೂ., ಮುಂಬೈ-85.65 ರೂ., ಕೋಲ್ಕತ್ತಾ-80.47 ರೂ., ಚೆನ್ನೈ 80.80 ರೂ.
ಲೀಟರ್ ಡಿಸೇಲ್ ದರ: ದೆಹಲಿ-68.75ರೂ., ಮುಂಬೈ-73.20ರೂ., ಕೋಲ್ಕತ್ತಾ-71.30 ರೂ., ಚೆನ್ನೈ - 72.58 ರೂ.