ಗೂಗಲ್ಗೆ ಮತ್ತೆ ಮರಳಿದ ಪೇಟಿಎಂ: ಪ್ಲೇ ಸ್ಟೋರ್ನಲ್ಲಿ ಲಭ್ಯ
ನವದೆಹಲಿ, ಸೆಪ್ಟೆಂಬರ್ 19: ನಿಯಮಗಳ ಉಲ್ಲಂಘನೆಯಲ್ಲಿ ಗೂಗಲ್ ಪ್ಲೇ ಸ್ಟೋರ್ನಿಂದ ಹೊರಬಿದ್ದಿದ್ದ ಯುಪಿಐ ಆಧಾರಿತ ಪಾವತಿ ವೇದಿಕೆ ಪೇಟಿಎಂ ಮತ್ತೆ ಪ್ಲೇ ಸ್ಟೋರ್ನಲ್ಲಿ ಲಭ್ಯವಾಗಿರುವುದಾಗಿ ಪ್ರಕಟಿಸಿದೆ.
ಕ್ರೀಡಾ ಬೆಟ್ಟಿಂಗ್ ಚಟುವಟಿಕೆಗಳಲ್ಲಿನ ತನ್ನ ನೀತಿಯನ್ನು ಉಲ್ಲಂಘಿಸಿದ್ದಕ್ಕಾಗಿ ಕೆಲವು ಗಂಟೆಗಳ ಕಾಲ ಅದನ್ನು ತೆಗೆದುಹಾಕಿದ ನಂತರ ಗೂಗಲ್ ತನ್ನ ಪ್ಲೇ ಸ್ಟೋರ್ನಲ್ಲಿ Paytm ಅಪ್ಲಿಕೇಶನ್ ಅನ್ನು ಮರುಸ್ಥಾಪಿಸಿದೆ. ಅಪ್ಲಿಕೇಶನ್ನಲ್ಲಿ ಇತ್ತೀಚೆಗೆ ಪ್ರಾರಂಭಿಸಲಾದ ಪೇಟಿಎಂ ಫಸ್ಟ್ ಗೇಮ್ಸ್ ಸಾಫ್ಟ್ಬ್ಯಾಂಕ್ ಬೆಂಬಲಿತ ಪೇಟಿಎಂ 'ಕ್ಯಾಶ್ಬ್ಯಾಕ್' ವೈಶಿಷ್ಟ್ಯವನ್ನು ತೆಗೆದುಹಾಕಿದ ನಂತರ ಅಪ್ಲಿಕೇಶನ್ ಶುಕ್ರವಾರ ಸಂಜೆ ಗೂಗಲ್ ಪ್ಲೇ ಸ್ಟೋರ್ಗೆ ಮರಳಿದೆ.
ನಿಯಮ ಉಲ್ಲಂಘನೆ, ಗೂಗಲ್ ಪ್ಲೇಸ್ಟೋರಿನಿಂದ ಪೇಟಿಯಂ ಔಟ್
"ನವೀಕರಿಸಿ ಮತ್ತು ನಾವು ಹಿಂತಿರುಗಿದ್ದೇವೆ!" ಎಂದು Paytm ಟ್ವೀಟ್ನಲ್ಲಿ ತಿಳಿಸಿದೆ. ಶುಕ್ರವಾರ ಬೆಳಿಗ್ಗೆ, ಗೂಗಲ್ Paytm ಅಪ್ಲಿಕೇಶನ್ ಅನ್ನು ತೆಗೆದುಹಾಕಿತ್ತು. ಇದಾದ ಬಳಿಕ ಸ್ಪಷ್ಟೀಕರಣ ನೀಡಿದ್ದ ಪೇಟಿಎಂ ನಿಮ್ಮ ಹಣ ಸುರಕ್ಷಿತವಾಗಿದೆ. ನಿಮ್ಮ ಪಾವತಿ ಸೇವೆಗಳನ್ನು ಎಂದಿನಂತೆ ಬಳಸಿ ಎಂದು ತಿಳಿಸಿತ್ತು.
ಗೂಗಲ್ ಅಪ್ಲಿಕೇಷನ್ ನಿಯಮ ಉಲ್ಲಂಘನೆ ಬಗ್ಗೆ ಪೇಟಿಯಂ ಸಂಸ್ಥೆ ಡೆವಲಪರ್ ಗಳಿಗೆ ಈ ಮುಂಚೆ ಸೂಚಿಸಲಾಗಿತ್ತು. ಆದರೆ, ಯಾವುದೇ ಬದಲಾವಣೆ ಕಂಡು ಬಂದಿಲ್ಲ. ಹೀಗಾಗಿ ಡಿಜಿಟಲ್ ವ್ಯಾಲೆಟ್ ಹಾಗೂ ಇ ವಾಣಿಜ್ಯ ಆಪ್ ಬಳಸಿ ಆನ್ ಲೈನ್ ಕ್ಯಾಸಿನೋ ಅಥವಾ ಅನಧಿಕೃತ ಜೂಜು ನಡೆಸುವ ಅಪ್ಲಿಕೇಷನ್ ಗಳನ್ನು ಕಿತ್ತು ಹಾಕಲಾಗಿದೆ ಎಂದು ಗೂಗಲ್ ಸಂಸ್ಥೆ ಹೇಳಿದೆ.
ಕ್ರೀಡೆಗೆ ಸಂಬಂಧಿಸಿದಂತೆ ಆನ್ ಲೈನ್ ಬೆಟ್ಟಿಂಗ್, ಜೂಜು ಎಲ್ಲೆಡೆ ಅನುಮತಿ ಇಲ್ಲ. ಕೆಲವು ಸಂಸ್ಥೆಗಳು ಆಪ್ ಮೂಲಕ ಬೇರೆ ಆನ್ ಲೈನ್ ಜೂಜು ವೆಬ್ ಸೈಟ್ ಗಳಿಗೆ ದಾರಿ ಮಾಡಿಕೊಡುತ್ತಿವೆ ಎಂದು ಗೂಗಲ್ ಸಂಸ್ಥೆಯ ಅಧಿಕಾರಿ ಸೂಜಾನ್ ಫ್ರೆ ಹೇಳಿದ್ದಾರೆ.