ಸೆಪ್ಟೆಂಬರ್ನಲ್ಲಿ ಪ್ರಯಾಣಿಕ ವಾಹನಗಳ ರಿಟೇಲ್ ಮಾರಾಟ ಹೆಚ್ಚಳ
ನವದೆಹಲಿ, ಅಕ್ಟೋಬರ್ 08: ಸೆಪ್ಟೆಂಬರ್ ತಿಂಗಳಿನಲ್ಲಿ ಪ್ರಯಾಣಿಕ ವಾಹನಗಳ ರಿಟೇಲ್ ಮಾರಾಟವು ಶೇಕಡಾ 9.1ರಷ್ಟು ಹೆಚ್ಚಾಗಿದೆ ಎಂದು ಆಟೊಮೊಬೈಲ್ ವಿತರಕರ ಸಂಘಟನೆಗಳ ಒಕ್ಕೂಟ (ಎಫ್ಎಡಿಎ) ತಿಳಿಸಿದೆ.
ಕಳೆದ ವರ್ಷ ಸೆಪ್ಟೆಂಬರ್ನಲ್ಲಿ ಪಿವಿ ಮಾರಾಟ 178,189 ಯುನಿಟ್ಗಳಿಂದ 195,665 ಕ್ಕೆ ಏರಿದೆ. ಪಿವಿಗಳನ್ನು ಹೊರತುಪಡಿಸಿ, ಟ್ರಾಕ್ಟರುಗಳು ಬೆಳವಣಿಗೆಯನ್ನು ತೋರಿಸುವ ಏಕೈಕ ವಿಭಾಗವಾಗಿ ಉಳಿದಿವೆ ಮತ್ತು ಉಳಿದ ಎಲ್ಲಾ ವಿಭಾಗಗಳು ಕೆಂಪು ಬಣ್ಣದಲ್ಲಿ ಮುಂದುವರಿಯುತ್ತವೆ.
ಆಟೋಮೊಬೈಲ್ ಕ್ಷೇತ್ರದಲ್ಲಿ ಚೇತರಿಕೆ: ಕಾರುಗಳ ವಿತರಣೆ ಶೇಕಡಾ 13ರಷ್ಟು ಹೆಚ್ಚಳ
ಟ್ರ್ಯಾಕ್ಟರ್ ಮಾರಾಟವು ಶೇ. 80.39 ರಷ್ಟು ಏರಿಕೆಯಾಗಿದ್ದು, 38,008 ಯುನಿಟ್ಗಳಿಂದ 68,564 ಕ್ಕೆ ತಲುಪಿದೆ. ಒಟ್ಟಾರೆ ಚಿಲ್ಲರೆ ಮಾರಾಟವು ಸೆಪ್ಟೆಂಬರ್ನಲ್ಲಿ ಶೇ .10.24 ರಷ್ಟು ಕುಸಿತ ಕಂಡು ಸುಮಾರು 1.34 ದಶಲಕ್ಷ ಯೂನಿಟ್ಗಳಿಗೆ ತಲುಪಿದೆ.
ಕೇಂದ್ರ ಸರ್ಕಾರ ಘೋಷಿಸಿದಂತೆ ಹೆಚ್ಚಿನ ಲಾಕ್ಡೌನ್ಗಳಿಲ್ಲದ ಕಾರಣ, ಅಕ್ಟೋಬರ್ ಮತ್ತು ನವೆಂಬರ್ ಹಬ್ಬದ ತಿಂಗಳುಗಳಲ್ಲಿ ವಿತರಕರು ಹೆಚ್ಚಿನ ಬೆಳವಣಿಗೆಯನ್ನು ನಿರೀಕ್ಷಿಸುತ್ತಾರೆ.
ದ್ವಿಚಕ್ರ ವಾಹನಗಳ ಮಾರಾಟವು ಶೇಕಡಾ 12.62 ರಷ್ಟು ಕುಸಿದು 1.16 ದಶಲಕ್ಷ ಯುನಿಟ್ಗಳಿಂದ 1.01 ದಶಲಕ್ಷಕ್ಕೆ ತಲುಪಿದ್ದರೆ, ತ್ರಿಚಕ್ರ ವಿಭಾಗವು 58.86 ರಷ್ಟು ಕುಸಿತ ಕಂಡು 24,060 ಕ್ಕೆ ಇಳಿದಿದೆ.
ಫೆಡರೇಶನ್ ಆಫ್ ಆಟೋಮೊಬೈಲ್ ಡೀಲರ್ ಅಸೋಸಿಯೇಷನ್ಸ್ (ಎಫ್ಎಡಿಎ) ಸಂಖ್ಯೆಗಳ ಪ್ರಕಾರ ವಾಣಿಜ್ಯ ವಾಹನಗಳ ಮಾರಾಟವು 59,683 ಯುನಿಟ್ಗಳಿಂದ ಶೇ 33.65 ರಷ್ಟು ಇಳಿದು 39,600 ಕ್ಕೆ ತಲುಪಿದೆ.