ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಓಲಾಗೆ 4,898 ಕೋಟಿ ರೂಪಾಯಿ ನಷ್ಟ

By Sachhidananda Acharya
|
Google Oneindia Kannada News

ಬೆಂಗಳೂರು, ಜೂನ್ 15: ಬೆಂಗಳೂರು ಮೂಲದ ಆ್ಯಪ್ ಆಧಾರಿತ ಕ್ಯಾಬ್ ಸೇವೆ ನೀಡುವ ಬೃಹತ್ ಕಂಪನಿ ಓಲಾ ಸತತ ನಷ್ಟದಲ್ಲೇ ಮುಂದುವರಿದಿದೆ. ಅದೂ ಬರೋಬ್ಬರಿ 4,898 ಕೋಟಿ ರೂಪಾಯಿ.

2016-17 ನೇ ಅವಧಿಯಲ್ಲಿ ಕಂಪನಿ 4,898 ಕೋಟಿ ರೂಪಾಯಿ ನಷ್ಟ ತೋರಿಸಿದೆ. ಈ ಹಿಂದೆ 2015-16ರಲ್ಲಿ ಕಂಪನಿ 3,148 ಕೋಟಿ ರೂಪಾಯಿ ನಷ್ಟ ತೋರಿಸಿದ್ದನ್ನು ಇಲ್ಲಿ ಸ್ಮರಿಸಬಹುದು.

ಓಲಾ ಆ್ಯಪ್ ನಲ್ಲಿ ಪೊಲೀಸರಿಗೆ ತುರ್ತು ಸಂದೇಶ ರವಾನೆಗೆ ಅವಕಾಶಓಲಾ ಆ್ಯಪ್ ನಲ್ಲಿ ಪೊಲೀಸರಿಗೆ ತುರ್ತು ಸಂದೇಶ ರವಾನೆಗೆ ಅವಕಾಶ

ರಿಜಿಸ್ಟ್ರಾರ್ ಆಫ್ ಕಂಪನೀಸ್ ಗೆ ಓಲಾ ಸಂಸ್ಥೆಯನ್ನು ನಡೆಸುವ ಎಎನ್ಐ ಟೆಕ್ನಾಲಜೀಸ್ ವರದಿ ಸಲ್ಲಿಸಿದ್ದು ನಷ್ಟ ತೋರಿಸಿದೆ. 2016-17ನೇ ವರ್ಷದಲ್ಲಿ ಕಂಪನಿ ಆದಾಯ ಬರೋಬ್ಬರಿ ಶೇಕಡಾ 70ರಷ್ಟು ವೃದ್ಧಿಯಾಗಿದೆ. ಆದರೆ ನಷ್ಟ ಸರಿದೂಗಿಸಲು ಈ ಬೆಳವಣಿಗೆ ಸಾಕಾಗಿಲ್ಲ. 2015-16ರಲ್ಲಿ 810 ಕೋಟಿ ರೂಪಾಯಿ ಆದಾಯ ದಾಖಲಿಸಿದ್ದ ಕಂಪನಿ, 2016-17ರಲ್ಲಿ 1,380 ಕೋಟಿ ರೂಪಾಯಿ ಆದಾಯ ಗಳಿಸಿದೆ.

Olas losses widen to Rs 4,898 cr

ಇನ್ನು ವರ್ಷದ ಅವಧಿಯಲ್ಲಿ ಓಲಾದ ಸಿಬ್ಬಂದಿ ವೆಚ್ಚದಲ್ಲೂ ಶೇಕಡಾ 24ರಷ್ಟು ಏರಿಕೆಯಾಗಿದೆ. ಹಣಕಾಸು ವೆಚ್ಚದಲ್ಲೂ ಹೆಚ್ಚಳವಾಗಿದೆ. ಇದು ನಷ್ಟದ ಪ್ರಮಾಣದ ಮೇಲೆ ಪರಿಣಾಮ ಬೀರಿದೆ.

2011ರಲ್ಲಿ ಬೆಂಗಳೂರಿನಲ್ಲಿ ಭವಿಷ್ ಅಗರ್ವಾಲ್ ಮತ್ತು ಅಂಕಿತ್ ಭಾಟಿ ಓಲಾ ಕಂಪನಿ ಸ್ಥಾಪಿಸಿದ್ದರು. ಇಂದು 110 ನಗರಗಳಲ್ಲಿ ಓಲಾ ಸೇವೆ ಲಭ್ಯವಿದ್ದು 10 ಲಕ್ಷಕ್ಕೂ ಅಧಿಕ ಕಾರು ಮತ್ತು ಆಟೋಗಳ ಬೃಹತ್ ಜಾಲವಿದೆ. ಇತರ ಎರಡು ಕಂಪನಿಗಳನ್ನೂ ಇಂದು ಓಲಾ ಹೊಂದಿದೆ.

ಓಲಾಗೆ ಅಮೆರಿಕಾ ಮೂಲದ ದೈತ್ಯ ಸಂಸ್ಥೆ ಉಬರ್ ಭಾರೀ ಪೈಪೋಟಿ ನೀಡುತ್ತಿದ್ದು, ಇದರಿಂದ ದರ ಸಮರದ ಹಿನ್ನೆಲೆಯಲ್ಲಿ ಕಂಪನಿ ನಷ್ಟ ಅನುಭವಿಸಿರಬಹುದು ಎಂದು ಅಂದಾಜಿಸಲಾಗಿದೆ.

English summary
App based taxi service company Ola saw its losses widening to Rs 4,897.8 crore, even though its total income grew 70 per cent during financial year 2016-17 as compared to the previous fiscal.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X