ಬೆಂಗಳೂರು, ಮಾರ್ಚ್ 30: ಪಂಜಾಬ್ ನ್ಯಾಷನಲ್ ಬ್ಯಾಂಕ್(ಪಿಎನ್ ಬಿ) ಗೆ ಸಾವಿರಾರು ಕೋಟಿ ರು ವಂಚಿಸಿದ ಆರೋಪ ಹೊತ್ತಿರುವ ಗೀತಾಂಜಲಿ ಜೆಮ್ಸ್ ನ ಮಾಲೀಕ ಮೆಹುಲ್ ಚೋಕ್ಸಿ ಅವರು ಕರ್ನಾಟಕ ಬ್ಯಾಂಕಿಗೂ ವಂಚನೆ ಮಾಡಿರುವುದು ಬೆಳಕಿಗೆ ಬಂದಿದೆ.

ಈ ಬಗ್ಗೆ ಬಾಂಬೆ ಸ್ಟಾಕ್ ಎಕ್ಸ್ ಚೇಂಜ್ ಗೆ ಕರ್ನಾಟಕ ಬ್ಯಾಂಕಿಗೆ ಸಲ್ಲಿಸಿರುವ ವಿವರದಂತೆ, ಸರಿ ಸುಮಾರು 86.47 ಕೋಟಿ ರು ವಂಚನೆ ಕಂಡು ಬಂದಿದ್ದು, ಈ ಬಗ್ಗೆ ಆರ್ ಬಿಐಗೆ ಮಾಹಿತಿ ನೀಡಲಾಗಿದೆ. ಹೂಡಿಕೆ ಮೊತ್ತವನ್ನು ಬೇರೆಡೆಗೆ ವರ್ಗಾವಣೆ ಮಾಡುವಲ್ಲಿ ಅವ್ಯವಹಾರ ನಡೆದಿರುವುದು ಪತ್ತೆಯಾಗಿದೆ.

ಆದರೆ, ಮೆಹುಲ್ ಚೋಕ್ಸಿ ಅವರ ಕಂಪನಿ ನಡೆಸಿದ ವ್ಯವಹಾರದ ಬಗ್ಗೆ ಒಡಂಬಡಿಕೆ ಪತ್ರವಾಗಲಿ, ಇನ್ನಿತರ ಪೂರಕ ದಾಖಲೆಗಳಾಗಲಿ ಇಲ್ಲ ಎಂದು ಬ್ಯಾಂಕ್ ಹೇಳಿದೆ.