4 ಹೊಸ ಫೋನ್ಗಳನ್ನು ಬಿಡುಗಡೆ ಮಾಡಿದ ನೋಕಿಯಾ: 5.3, ಸಿ3, 125, 150
ನವದೆಹಲಿ, ಆಗಸ್ಟ್ 25: ನೋಕಿಯಾ ಇಂದು ನಾಲ್ಕು ಹೊಸ ಮೊಬೈಲ್ಗಳನ್ನ ಬಿಡುಗಡೆ ಮಾಡಿದೆ. ಈ ನಾಲ್ಕರಲ್ಲಿ ಎರಡು ಸ್ಮಾರ್ಟ್ಫೋನ್ಗಳು ಮತ್ತು ಎರಡು ಫೀಚರ್ ಫೋನ್ಗಳಾಗಿವೆ. ನೋಕಿಯಾ 5.3 ಅನ್ನು ಮಧ್ಯ ಶ್ರೇಣಿಯ ವಿಭಾಗದಲ್ಲಿ, ನೋಕಿಯಾ ಸಿ 3 ಬಜೆಟ್ಗೆ ಸ್ವಲ್ಪ ಹತ್ತಿರವಾಗಿದೆ ಮತ್ತು ನೋಕಿಯಾ 125 ಮತ್ತು ನೋಕಿಯಾ 150 ಫೀಚರ್ ಫೋನ್ಗಳಾಗಿವೆ.
Recommended Video
ನೋಕಿಯಾ 5.3 ಸೆಪ್ಟೆಂಬರ್ 1 ರಿಂದ ಭಾರತದಲ್ಲಿ ಲಭ್ಯವಾಗಲಿದೆ. 4 ಜಿಬಿ RAM ಮತ್ತು 64 ಜಿಬಿ ಇಂಟರ್ನಲ್ ಸ್ಟೋರೇಜ್ ಹೊಂದಿದ್ದು ಈ ಮೊಬೈಲ್ಗೆ 13,999 ರೂಪಾಯಿ ಬೆಲೆ ನಿಗದಿಯಾಗಿದೆ ಮತ್ತು 6 ಜಿಬಿ RAM ಮತ್ತು 64 ಜಿಬಿ ಸ್ಟೋರೇಜ್ ಹೊಂದಿರುವ ಮಾಡೆಲ್ಗೆ 15,499 ರೂಪಾಯಿ ಬೆಲೆಯಿದೆ.
ಭಾರತೀಯ ಮಾರುಕಟ್ಟೆಗೆ ಬಹುನಿರೀಕ್ಷಿತ Moto G9 ಬಿಡುಗಡೆ: ಹೊಸ ಮೊಬೈಲ್ ವೈಶಿಷ್ಟ್ಯಗಳೇನು?
ಬಜೆಟ್ ಸಮೀಪದಲ್ಲಿರುವ ನೋಕಿಯಾ ಸಿ 3 ಮೊಬೈಲ್ 2 ಜಿಬಿ RAM ಹೊಂದಿದ್ದು 7,499 ರೂಪಾಯಿ ಮತ್ತು 3 ಜಿಬಿ RAM ರೂಪಾಂತರಕ್ಕೆ, 8,999 ರೂಪಾಯಿ ಬೆಲೆಯಿದೆ. ಎರಡೂ ಮಾಡೆಲ್ಗಳು 32 ಜಿಬಿ ಸ್ಟೋರೇಜ್ ಹೊಂದಿವೆ. ನೋಕಿಯಾ ಸಿ 3 ಸೆಪ್ಟೆಂಬರ್ 17 ರಿಂದ ಮಾರಾಟವಾಗಲಿದೆ.
ಈ ಸಾಧನವು 5.99 ಇಂಚಿನ ಎಚ್ಡಿ + ಡಿಸ್ಪ್ಲೇ ಮತ್ತು ಆಕ್ಟಾ-ಕೋರ್ ಪ್ರೊಸೆಸರ್ ಅನ್ನು ಹೊಂದಿದ್ದು, 3,040 mAh ಬ್ಯಾಟರಿ ಇದೆ.
ನೋಕಿಯಾ 150 ಮೊಬೈಲ್ 2,299 ರೂಪಾಯಿ ಆಗಿದ್ದು, ನೋಕಿಯಾ 125 ಬೆಲೆ 1,999 ರೂಪಾಯಿ. ಈಗಾಗಲೇ ಈ ಮೊಬೈಲ್ ಖರೀದಿದಾರರಿಗೆ ಲಭ್ಯವಿದೆ. ನೋಕಿಯಾ 150 ಮೀಡಿಯಾ ಟೆಕ್ ಚಿಪ್ನೊಂದಿಗೆ 2.4 ಇಂಚಿನ ಕ್ಯೂವಿಜಿಎ ಡಿಸ್ಪ್ಲೇ ಪಡೆಯುತ್ತದೆ. ಎರಡೂ ಸಾಧನಗಳು ಡ್ಯುಯಲ್ ಸಿಮ್ ಸಪೋರ್ಟ್ ಮತ್ತು ವೈರ್ಲೆಸ್ ಎಫ್ಎಂ ರೇಡಿಯೊವನ್ನು ಹೊಂದಿವೆ.