ನೆಟ್ಫ್ಲಿಕ್ಸ್ ಸ್ಟ್ರೀಮ್ಫೆಸ್ಟ್: ಭಾರತದಲ್ಲಿ 8 ಲಕ್ಷ ಆ್ಯಪ್ ಡೌನ್ಲೋಡ್
ನವದೆಹಲಿ, ಡಿಸೆಂಬರ್ 8: ಅಮೆರಿಕಾದ ವೀಡಿಯೋ ಸ್ಟ್ರೀಮಿಂಗ್ ಪ್ಲಾಟ್ಫಾರ್ಮ್ ನೆಟ್ಫ್ಲಿಕ್ಸ್ ಡಿಸೆಂಬರ್ 5 ಮತ್ತು 6ರಂದು ಬಳಕೆದಾರರಿಗೆ ಸ್ಟ್ರೀಮ್ಫೆಸ್ಟ್ ಅಡಿಯಲ್ಲಿ ಉಚಿತ ಸೇವೆಯನ್ನು ನೀಡಿತ್ತು. ಪರಿಣಾಮ ಎರಡು ದಿನಗಳಲ್ಲಿ ಭಾರತದಲ್ಲಿ 8 ಲಕ್ಷ ಆ್ಯಪ್ ಡೌನ್ಲೋಡ್ ಆಗಿದ್ದು, ಕಳೆದ ವಾರಕ್ಕಿಂತ ಆ್ಯಪ್ ಡೌನ್ಲೋಡ್ ಪ್ರಮಾಣ ಭಾರೀ ಪ್ರಮಾಣದಲ್ಲಿ ಏರಿಕೆ ಆಗಿದೆ.
ವಿಶ್ಲೇಷಣಾ ಸಂಸ್ಥೆ ಆಪ್ಟೊಪಿಯಾ ಪ್ರಕಾರ ಕಳೆದ ವಾರಕ್ಕೆ ಹೋಲಿಸಿದರೆ ಡೌನ್ಲೋಡ್ಗಳಲ್ಲಿ ಶೇಕಡಾ 2,570ರಷ್ಟು ಹೆಚ್ಚಳವನ್ನು ಕಾಣಬಹುದು. ಒಟ್ಟಾರೆ ಭಾರತದಲ್ಲಿ ಸುಮಾರು 8 ಲಕ್ಷ ನೆಟ್ಫ್ಲಿಕ್ಸ್ ಆ್ಯಪ್ ಡೌನ್ಲೋಡ್ ಆಗಿದೆ. ಜಾಗತಿಕವಾಗಿ, ಉಚಿತ ಪ್ರಯೋಗ ಅವಧಿಗೆ 1.3 ಮಿಲಿಯನ್ ಡೌನ್ಲೋಡ್ಗಳನ್ನು ಕಂಡಿದೆ.
ICICI ಬ್ಯಾಂಕ್ನಿಂದ ಹೊಸ ಆ್ಯಪ್: ಎಲ್ಲಾ ಬ್ಯಾಂಕ್ ಗ್ರಾಹಕರಿಗೆ ಪಾವತಿ ಸೇವೆ
ಮೀಡಿಯಾ ಪಾರ್ಟ್ನರ್ಸ್ ಏಷ್ಯಾದ ಇತ್ತೀಚಿನ ವಿಶ್ಲೇಷಣೆಯ ಪ್ರಕಾರ, ನೆಟ್ಫ್ಲಿಕ್ಸ್ ಭಾರತದಲ್ಲಿ 4.6 ಮಿಲಿಯನ್ ಪಾವತಿಸಿದ(Paid) ಚಂದಾದಾರರೊಂದಿಗೆ ವರ್ಷವನ್ನು ಕೊನೆಗೊಳಿಸಲಿದೆ ಎಂದು ಅಂದಾಜಿಸಲಾಗಿದೆ.
ಒಟ್ಟಾರೆಯಾಗಿ, ಈ ಸೇವೆಯು 2020 ರ ಅಂತ್ಯದ ವೇಳೆಗೆ ಏಷ್ಯಾದಲ್ಲಿ 25 ದಶಲಕ್ಷಕ್ಕೂ ಹೆಚ್ಚು ಚಂದಾದಾರರನ್ನು ಹೊಂದುವ ನಿರೀಕ್ಷೆಯಿದೆ. ಜೊತೆಗೆ ಮೂರನೇ ತ್ರೈಮಾಸಿಕದಲ್ಲಿ ನೆಟ್ಫ್ಲಿಕ್ಸ್ ಜಾಗತಿಕ ಆದಾಯದ ಪಾಲಿನಲ್ಲಿ ಶೇಕಡಾ 9ರಷ್ಟು ಭಾರತದಿಂದಲೇ ಪಡೆಯಬಹುದು ಎನ್ನಲಾಗಿದೆ.