RIL ಹಕ್ಕುಗಳ ಷೇರು ನೀಡಿಕೆಯಲ್ಲಿ 5.52 ಲಕ್ಷ ಷೇರುಗಳನ್ನು ಪಡೆದ ಮುಕೇಶ್ ಅಂಬಾನಿ
ರಿಲಯನ್ಸ್ ಇಂಡಸ್ಟ್ರೀಸ್ ಲಿಮೆಟೆಡ್ ಮುಖ್ಯಸ್ಥ ಮುಕೇಶ್ ಅಂಬಾನಿ ತಮ್ಮ ಆರ್ಐಎಲ್ ಕಂಪನಿಯ ಹಕ್ಕಿನ ಷೇರು ನೀಡಿಕೆಯಲ್ಲಿ 5.52 ಲಕ್ಷ ಷೇರುಗಳನ್ನು ಪಡೆದುಕೊಂಡಿದ್ದಾರೆ.
ಈ ಮೂಲಕ ಕಂಪನಿಯಲ್ಲಿನ ಅವರ ಷೇರುಗಳ ಸಂಖ್ಯೆಯು ಈಗ 80.52 ಲಕ್ಷಕ್ಕೆ (0.12 ಪರ್ಸೆಂಟ್)ಗೆ ತಲುಪಿದೆ. ಮುಕೇಶ್ ಪತ್ನಿ ನೀತಾ, ಮಕ್ಕಳಾದ ಇಷಾ, ಆಕಾಶ್ ಹಾಗೂ ಅನಂತ್ ಅವರು ಕೂಡ ತಲಾ 5.52 ಲಕ್ಷ ಷೇರುಗಳನ್ನು ಪಡೆದುಕೊಂಡಿದ್ದಾರೆ.
ಮುಕೇಶ್ ಅಂಬಾನಿಗೆ ಮತ್ತಷ್ಟು ಖುಷಿ: ಜಿಯೋದಲ್ಲಿ 4,546 ಕೋಟಿ ಹೂಡಿಕೆ ಮಾಡಲಿರುವ ಸಿಲ್ವರ್ ಲೇಕ್
ಪ್ರವರ್ತಕರ ತಂಡವು ಒಟ್ಟಾರೆ 22.50 ಲಕ್ಷ ಹಕ್ಕಿನ ಷೇರುಗಳನ್ನು ಪಡೆದುಕೊಂಡಂತೆ ಆಗಿದೆ. ಈಗ ಕಂಪನಿಯಲ್ಲಿನ ಪ್ರವರ್ತಕರ ಪಾಲು 50.29 ಪರ್ಸೆಂಟ್ಗೆ ತಲುಪಿದೆ. ಆದರೆ ಇದಕ್ಕೂ ಮೊದಲು ಇದು 50.07 ಪರ್ಸೆಂಟ್ರಷ್ಟಿತ್ತು.
ಸಾರ್ವಜನಿಕ ಷೇರುಗಳನ್ನು 49.93 ಪರ್ಸೆಂಟ್ರಿಂದ 49.71 ಪರ್ಸೆಂಟ್ಗೆ ಇಳಿಸಲಾಗಿದೆ ಎಂದು ಫೈಲಿಂಗ್ ತೋರಿಸಿದೆ. ಸರ್ಕಾರಿ ಸ್ವಾಮ್ಯದ ಜೀವ ವಿಮಾ ನಿಗಮ (ಎಲ್ಐಸಿ) 2.47 ಕೋಟಿ ಷೇರುಗಳನ್ನು ಖರೀದಿಸಿದ್ದು, ಕಂಪನಿಯಲ್ಲಿನ ಪಾಲು ಈಗ 6 ಪರ್ಸೆಂಟ್ಗೆ ಏರಿಕೆಯಾಗಿದೆ.
ಜಿಯೋದಲ್ಲಿ 9,033 ಕೋಟಿ ರುಪಾಯಿ ಹೂಡಿಕೆ ಮಾಡಿದ ಮುಬದಾಲ: 6 ವಾರದಲ್ಲಿ 6 ಡೀಲ್
ಕಂಪನಿಯು ಏಪ್ರಿಲ್ 30ರಂದು 53,124 ಕೋಟಿ ಮೊತ್ತದ ಬಂಡವಾಳ ಸಂಗ್ರಹಿಸಲು 1:5 ಅನುಪಾತದಲ್ಲಿ ಹಕ್ಕಿನ ಷೇರು ನೀಡಿಕೆಯನ್ನು ಏಪ್ರಿಲ್ನಲ್ಲಿ ಪ್ರಕಟಿಸಿತ್ತು. 1,257 ರೂ.ಗಳಲ್ಲಿರುವ ಪ್ರತಿ 15 ಷೇರುಗಳಿಗೆ ಒಂದು ಷೇರನ್ನು ನೀಡಲಾಗುತ್ತಿತ್ತು, ಇದು ಏಪ್ರಿಲ್ 30 ರ ಮುಕ್ತಾಯದ ಬೆಲೆಗೆ 14 ಪರ್ಸೆಂಟ್ ರಿಯಾಯಿತಿ ನೀಡುತ್ತದೆ.