Click it and Unblock the Notifications
Just In
-
-
-
Don't Miss
-
ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು -
''ಹೆಣ್ಮಕ್ಕಳು ಎಲ್ಲೆಲ್ಲೋ ಹೋದರು'' ಎಂದ ಶ್ರುತಿಗೆ ಮಹಿಳಾ ಆಯೋಗ ನೋಟಿಸ್ ; 07 ದಿನದ ಗಡುವು..! -
IPL 2024: ಹೈದರಾಬಾದ್ ಅಂಗಳದಲ್ಲಿ ಗೆಲ್ಲುವುದೆ ಆರ್ಸಿಬಿ: ಟಾಸ್ ವರದಿ ಹೀಗಿದೆ -
Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು -
Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ -
ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹಳೆ ಫೀಚರ್ ಫೋನ್ ಕೊಟ್ಟು ಜಿಯೋ ಫೋನ್ ಪಡೆಯಿರಿ
ಬೆಂಗಳೂರು, ಜುಲೈ 19: ಗ್ರಾಹಕರು ತಮ್ಮ ಹಳೆಯ ಫೀಚರ್ ಫೋನ್‌ಗಳನ್ನು ಕೇವಲ ರೂ. 501 ವಾಸ್ತವಿಕ ಬೆಲೆಗೆ ಹೊಸ ಜಿಯೋಫೋನ್‌ನೊಡನೆ ವಿನಿಮಯ ಮಾಡಿಕೊಳ್ಳಲು ಅನುವುಮಾಡಿಕೊಡಲಿದೆ ಜಿಯೋಫೋನ್ ಮಾನ್ಸೂನ್ ಹಂಗಾಮ ಜ್ಞಾನ, ಶಿಕ್ಷಣ ಹಾಗೂ ಮನರಂಜನೆಗಳನ್ನು ಗ್ರಾಹಕರ ಬೆರಳತುದಿಗೆ ತಂದಿಡಲು ಉತ್ತಮಪಡಿಸಲಾದ ಜಿಯೋಫೋನ್ ಆಪ್ ಇಕೋಸಿಸ್ಟಮ್ ಸನ್ನದ್ಧ
500 ಮಿಲಿಯನ್‌ಗೂ ಹೆಚ್ಚಿನ ಭಾರತೀಯರು ಇನ್ನೂ ಅಂತರಜಾಲ ಸಂಪರ್ಕವಿಲ್ಲದ ಫೀಚರ್ ಫೋನುಗಳನ್ನು ಬಳಸುತ್ತಿದ್ದಾರೆ. ಅಂತರಜಾಲ ಸಂಪರ್ಕ ಇನ್ನೂ ಕೈಗೆಟುಕದಿರುವುದರಿಂದ ಅವರು ಡಿಜಿಟಲ್ ಜೀವನಶೈಲಿಯಿಂದ ದೂರವೇ ಉಳಿದಿದ್ದಾರೆ.
ಕೈಗೆಟುಕುವ ಬೆಲೆಯಲ್ಲಿ ಅಭೂತಪೂರ್ವ ಮಟ್ಟದ ಸಂವಹನವನ್ನು ಸಾಧ್ಯವಾಗಿಸಿರುವ ಜಿಯೋ ಮತ್ತು ಜಿಯೋಫೋನ್, ಈ ಪರಿಸ್ಥಿತಿಯನ್ನು ಬದಲಿಸಲು ಸಜ್ಜಾಗಿವೆ. ಅವುಗಳ ಮೂಲಕ ಇದೀಗ ಭಾರತದ ಎಲ್ಲ ಜಿಲ್ಲೆ, ತಾಲ್ಲೂಕು, ಗ್ರಾಮ ಪಂಚಾಯಿತಿ ಹಾಗೂ ಹಳ್ಳಿಗಳಲ್ಲೂ ಡಿಜಿಟಲ್ ಜೀವನಶೈಲಿಯನ್ನು ಅನುಭವಿಸುವುದು ಸಾಧ್ಯವಾಗಿದೆ.
25 ಮಿಲಿಯನ್ ಭಾರತೀಯರು ಈಗಾಗಲೇ ಜಿಯೋಫೋನ್ ಬಳಸುತ್ತಿದ್ದು ಇನ್ನೂ ಹಲವು ಮಿಲಿಯನ್ ಜನರು ಜಿಯೋಫೋನ್ ಬಳಕೆ ಪ್ರಾರಂಭಿಸಲು ನೆರವಾಗುವಂತೆ ಮಾನ್ಸೂನ್ ಹಂಗಾಮ ಕೊಡುಗೆಯನ್ನು ಘೋಷಿಸಲಾಗಿದೆ. ಈ ಮೂಲಕ ಜಿಯೋಫೋನ್‌ನ ಪ್ರಾರಂಭಿಕ ವೆಚ್ಚವನ್ನು ಗಮನಾರ್ಹವಾಗಿ ಕಡಿಮೆ ಮಾಡಲಾಗುತ್ತಿದೆ. ಡೇಟಾದ ಶಕ್ತಿಯೊಡನೆ ಜಿಯೋ ಭಾರತವನ್ನು ಬದಲಿಸಲು ಹೊರಟಿದೆ.
ಮಾನ್ಸೂನ್ ಹಂಗಾಮ ಕೊಡುಗೆ
ಜುಲೈ 20, 2018ರ ಸಂಜೆ 5:01ರಿಂದ ಪ್ರಾರಂಭಿಸಿ ಗ್ರಾಹಕರು ತಮ್ಮ ಯಾವುದೇ ಹಳೆಯ ಫೀಚರ್ ಫೋನ್‌ಗಳನ್ನು ಕೇವಲ ರೂ. 501 ವಾಸ್ತವಿಕ ವೆಚ್ಚ ಪಾವತಿಸಿ ಹೊಸ ಜಿಯೋಫೋನ್‌ನೊಡನೆ (ಸದ್ಯದ ಮಾದರಿ) ವಿನಿಮಯ ಮಾಡಿಕೊಳ್ಳಬಹುದು. ಇಷ್ಟು ಕಡಿಮೆ ಪ್ರಾರಂಭಿಕ ವೆಚ್ಚದಿಂದಾಗಿ ಹಲವಾರು ಬಳಕೆದಾರರು ಮೊತ್ತಮೊದಲ ಬಾರಿಗೆ ಡೇಟಾದ ಶಕ್ತಿ ಹಾಗೂ ಅಂತರಜಾಲದ ಅನುಭವವನ್ನು ಪಡೆದುಕೊಳ್ಳಬಹುದಾಗಿದೆ.
ಉತ್ತಮಪಡಿಸಲಾದ ಆಪ್ ಇಕೋಸಿಸ್ಟಮ್
ಈ ಹಿಂದೆ ನೀಡಲಾದ ವಾಗ್ದಾನದಂತೆ ಜಿಯೋಫೋನ್ ತನ್ನ ಗ್ರಾಹಕರಿಗೆ ವಿಶ್ವದ ಅತ್ಯುತ್ತಮ ಆಪ್‌ಗಳನ್ನು ಒದಗಿಸಲು ಬದ್ಧವಾಗಿದೆ. ಈವರೆಗೆ ಸ್ಮಾರ್ಟ್‌ಫೋನುಗಳಲ್ಲಿ ಮಾತ್ರವೇ ಲಭ್ಯವಿದ್ದ ಅನೇಕ ಆಪ್‌ಗಳನ್ನು ಉತ್ತಮಪಡಿಸಲಾದ ಆಪ್ ಇಕೋಸಿಸ್ಟಮ್ ಮೂಲಕ ಜಿಯೋಫೋನ್ ತನ್ನ ಗ್ರಾಹಕರಿಗೆ ನೀಡುತ್ತಿದೆ.
ಫೇಸ್‌ಬುಕ್, ವಾಟ್ಸ್‌ಆಪ್ ಹಾಗೂ ಯೂಟ್ಯೂಬ್‌ನಂತಹ ವಿಶ್ವವಿಖ್ಯಾತ ಆಪ್‌ಗಳನ್ನು ನೀಡುವ ಮೂಲಕ ಭಾರತೀಯರು ಶಿಕ್ಷಣ, ಮನರಂಜನೆ, ಜ್ಞಾನ ಮತ್ತಿತರ ಸೇವೆಗಳನ್ನು ಪಡೆದುಕೊಳ್ಳುವ ವಿಧಾನವನ್ನೇ ಬದಲಿಸಲು ಜಿಯೋಫೋನ್ ಸನ್ನದ್ಧವಾಗಿದೆ. ಈ ಆಪ್‌ಗಳು ಆಗಸ್ಟ್ 15, 2018ರಿಂದ ಪ್ರಾರಂಭಿಸಿ ಎಲ್ಲ ಜಿಯೋಫೋನ್ ಬಳಕೆದಾರರಿಗೂ ದೊರಕಲಿವೆ.
ಜಿಯೋಫೋನ್‌ನ ತೊಡಕಿಲ್ಲದ 4ಜಿ ಸಂಪರ್ಕ
ಜಿಯೋಫೋನ್‌ನ ತೊಡಕಿಲ್ಲದ 4ಜಿ ಸಂಪರ್ಕ ಹಾಗೂ ಧ್ವನಿರೂಪದ ಆದೇಶ ನೀಡಬಹುದಾದ ವಿಶಿಷ್ಟ ವ್ಯವಸ್ಥೆಯ (ವಾಯ್ಸ್ ಕಮ್ಯಾಂಡ್) ಮೂಲಕ ಪ್ರಾರಂಭಿಕ ಬಳಕೆದಾರರೂ ಫೇಸ್‌ಬುಕ್, ವಾಟ್ಸ್‌ಆಪ್ ಹಾಗೂ ಯೂಟ್ಯೂಬ್‌ ಆಪ್‌ಗಳನ್ನು ಸರಳ ಹಾಗೂ ಅನುಕೂಲಕರವಾಗಿ ಬಳಸಬಹುದಾಗಿದೆ.
ಕರೆ ಮಾಡಲು, ಸಂದೇಶ ಕಳುಹಿಸಲು, ಅಂತರಜಾಲದಲ್ಲಿ ಮಾಹಿತಿ ಹುಡುಕಲು, ಹಾಡು ಕೇಳಲು, ವೀಡಿಯೋಗಳನ್ನು ನೋಡಲು ಹಾಗೂ ಜಿಯೋಫೋನ್‌ನಲ್ಲಿರುವ ಬೇರೆಲ್ಲ ಆಪ್‌ಗಳನ್ನು ಬಳಸಲು ಗ್ರಾಹಕರಿಗೆ ವಾಯ್ಸ್ ಕಮ್ಯಾಂಡ್ ಸೌಲಭ್ಯ ನೆರವಾಗಲಿದೆ.
ಹಲವಾರು ಹೊಸ ಸಾಧ್ಯತೆಗಳನ್ನು ರೂಪಿಸುತ್ತಿದೆ
ಹೊಸ ಆಪ್ ಇಕೋಸಿಸ್ಟಮ್ ಮೂಲಕ ಜಿಯೋಫೋನ್ ತನ್ನ ಗ್ರಾಹಕರಿಗೆ ಹಲವಾರು ಹೊಸ ಸಾಧ್ಯತೆಗಳನ್ನು ರೂಪಿಸುತ್ತಿದೆ. ಈಗ ಪರಿಚಯಿಸಲಾಗುತ್ತಿರುವ ಹೊಸ ಆಪ್‌ಗಳು ಹಾಗೂ ಈಗಾಗಲೇ ಲಭ್ಯವಿರುವ ಇನ್ನಿತರ ಆಪ್‌ಗಳ ಮೂಲಕ, ತನ್ನ ಗ್ರಾಹಕರು ಹೊಸ ವಾಣಿಜ್ಯ ಹಾಗೂ ಉದ್ಯೋಗ ಅವಕಾಶಗಳನ್ನೂ ಶಿಕ್ಷಣ - ಮನರಂಜನೆ ಮತ್ತಿತರ ಸೇವೆಗಳನ್ನೂ ಪಡೆಯಲು ಜಿಯೋಫೋನ್ ನೆರವಾಗುತ್ತಿದೆ.
