ಮರ್ಸಿಡಿಸ್ ಬೆಂಜ್ ಹೊಸ ಆವೃತ್ತಿ S ಕ್ಲಾಸ್ ಮೆಸ್ಟ್ರೋ ಕಾರು ಬಿಡುಗಡೆ: ಬೆಲೆ 1.51 ಕೋಟಿ ರೂ.
ನವದೆಹಲಿ, ಜನವರಿ 05: ಐಶಾರಾಮಿ ಕಾರುಗಳ ತಯಾರಕ ಮರ್ಸಿಡಿಸ್ ಬೆಂಜ್ ಹೊಸ ಆವೃತ್ತಿ S ಕ್ಲಾಸ್ ಮೆಸ್ಟ್ರೋ ಕಾರನ್ನು ಮಂಗಳವಾರ ಬಿಡುಗಡೆ ಮಾಡಿದೆ. ಅತ್ಯಾಧುನಿಕ ಫೀಚರ್ಸ್ ಒಳಗೊಂಡಿರುವ ಈ ಕಾರಿನ ಸ್ಥಳದ ಬಗ್ಗೆ ನೀವು ಮನೆಯಲ್ಲಿಯೇ ಕುಳಿತು ತಿಳಿದುಕೊಳ್ಳಬಹುದು.
ಹೌದು ಆಧುನಿಕ ಫೀಚರ್ಸ್ ಹೊಂದಿರುವ ಮರ್ಸಿಡಿಸ್ ಬೆಂಜ್ 2021ರ ಹೊಸ ಆವೃತ್ತಿ S ಕ್ಲಾಸ್ ಮೆಸ್ಟ್ರೋ ಕಾರನ್ನು ನೀವು ಸ್ಮಾರ್ಟ್ಫೋನ್ ಅನ್ನು ಕೂಡ ಮುಟ್ಟದೇ ಅದರ ಸ್ಥಳವನ್ನು ಮನೆಯಲ್ಲಿಯೇ ಕುಳಿತು ತಿಳಿದುಕೊಳ್ಳಲು ಸಾಧ್ಯವಿದೆ. ಇದರ ಎಕ್ಸ್ ಶೋರೂಂ ಬೆಲೆ 1.51 ಕೋಟಿ ರೂಪಾಯಿಗಳು.
ಜನವರಿ 13ಕ್ಕೆ ಟಾಟಾ ಅಲ್ಟ್ರೋಜ್ ಟರ್ಬೊ ಎಂಜಿನ್ ಕಾರು ಬಿಡುಗಡೆ: ವಿಶೇಷತೆ ಏನು?
ಎಸ್-ಕ್ಲಾಸ್ನ S 350 ಡಿ ರೂಪಾಂತರವನ್ನು ಆಧರಿಸಿ, ಎಸ್-ಕ್ಲಾಸ್ ಮೆಸ್ಟ್ರೋ ಆವೃತ್ತಿಯು 3 ಲೀಟರ್ ಟ್ವಿನ್-ಟರ್ಬೊ ಇನ್-ಲೈನ್-ಸಿಕ್ಸ್ ಡೀಸೆಲ್ ಎಂಜಿನ್ ಹೊಂದಿದೆ. ಇದು 342-4600 ಆರ್ಪಿಎಂನಲ್ಲಿ 282 bhp ಮತ್ತು 1200-3200 ಆರ್ಪಿಎಂನಲ್ಲಿ 600 ಎನ್ಎಂ ಅನ್ನು ಹೊಂದಿದ್ದು, 0 ಯಿಂದ 100 ಕಿ.ಮೀ ವೇಗದಲ್ಲಿ ತಲುಪಲು ಕೇವಲ 6 ಸೆಕೆಂಡುಗಳು ಸಾಕು ಮತ್ತು 250 ಕಿ.ಮೀ ಗರಿಷ್ಠ ವೇಗವನ್ನು ಹೊಂದಿದೆ.
ಫೋನ್ನಲ್ಲಿ ಮರ್ಸಿಡಿಸ್ ಮಿ ಅಪ್ಲಿಕೇಶನ್ನೊಂದಿಗೆ, ವಾಹನ ಮಾಲೀಕರು ವಾಹನದ ಸ್ಥಳವನ್ನು ಟ್ರ್ಯಾಕ್ ಮಾಡಬಹುದು, ದೂರದಿಂದಲೇ ಲಾಕ್ ಮಾಡಬಹುದು ಅಥವಾ ಅನ್ಲಾಕ್ ಮಾಡಬಹುದು. ವಿಂಡೋ ಮತ್ತು ಸನ್ರೂಫ್ ಕೂಡ ತೆರೆಯಬಹುದು.