Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆದಾಯ ತೆರಿಗೆ ಸುಳ್ಳು ಮಾಹಿತಿಗೆ ತಕ್ಕ ಶಾಸ್ತಿ, ದಂಡ- ವಿಚಾರಣೆ
ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸುವ ಹೊತ್ತಿಗೆ ಏನೇನೋ ಸುಳ್ಳು ಮಾಹಿತಿ ನೀಡಿ ದೊಡ್ಡ ಮೊತ್ತದ ರೀಫಂಡ್ ಬಂತು ಎಂದು ಬೀಗುವ ಮೊದಲು ಎಚ್ಚೆತ್ತುಕೊಳ್ಳಿ. ಯಾರದೋ ಮಾತು ನಂಬಿ, ಸುಳ್ಳು ಮಾಹಿತಿಗಳನ್ನು ಭರ್ತಿ ಮಾಡಿದ ನಂತರ ಶೇ ಇನ್ನೂರರಷ್ಟು ದಂಡ ಸಹಿತ ತೆರಿಗೆ ಕಟ್ಟಬೇಕಾದ ಸ್ಥಿತಿ ತಂದುಕೊಳ್ಳಬೇಡಿ.
ಒಂದು ಉದಾಹರಣೆ ಹೇಳ್ತೀನಿ, ಕೇಳಿ: ಮಂಜುನಾಥ್ ಎಂಬುವವರಿಗೆ ಸ್ನೇಹಿತರೊಬ್ಬರು ತಮ್ಮ ಪರಿಚಯದ ಟ್ಯಾಕ್ಸ್ ಪ್ಲಾನರ್ ನನ್ನು ಪರಿಚಯಿಸಿದ್ದರು. ಯಾವಾಗಲೂ ಎಷ್ಟು ತೆರಿಗೆ ಕಟ್ಟಬೇಕಿತ್ತೋ ಆ ಮೊತ್ತದಲ್ಲೇ 50 ಸಾವಿರ ರುಪಾಯಿ ರೀಫಂಡ್ ಬಂತು. ಈ ಪುಣ್ಯಾತ್ಮ ಮಂಜುನಾಥ್ ಕೂಡ ಖುಷಿಯಾದರು. ಅಸಲಿಗೆ ಆಗಿದ್ದೇನೆಂದರೆ, ಆದಾಯದಲ್ಲೇ 1.65 ಲಕ್ಷ ಕಡಿಮೆ ತೋರಿಸಲಾಗಿತ್ತು.
ಫಾರ್ಮ್ 16ರ ಮೂಲಕ ಆಗಿರುವ ತಪ್ಪೇನು ಅಂತ ಸುಲಭಕ್ಕೆ ಗೊತ್ತಾಯಿತು. ಮಂಜುನಾಥ್ ಗೆ ಐಟಿ ನೋಟಿಸ್ ಗುದ್ದಿಕೊಂಡು ಬಂತು. ಇದೀಗ ದಂಡ ಸಹಿತ ತೆರಿಗೆ ಪಾವತಿಸಿ, ಬೇಜಾರು ಮಾಡಿಕೊಳ್ಳುತ್ತಿದ್ದಾರೆ ಮಂಜುನಾಥ್.
ಆನ್ ಲೈನ್ ನಲ್ಲಿ ತೆರಿಗೆ ರಿಟರ್ನ್ಸ್ ಸಲ್ಲಿಸುವಾಗ ಯಾವುದೇ ದಾಖಲೆ ಕೊಡಬೇಕಾಗಿಲ್ಲ ಅನ್ನೋ ನಿರ್ಲಕ್ಷ್ಯ ಧೋರಣೆಯೇ ತಪ್ಪು ಮಾಡುವುದಕ್ಕೆ ಪ್ರೇರಣೆಯಾಗಿದೆ. ಒಂದು ವೇಳೆ ತಪ್ಪು ಮಾಹಿತಿ ನೀಡಿದರೆ ಇನ್ನೂರು ಪರ್ಸೆಂಟ್ ದಂಡ ಹಾಕಬಹುದು. ಅಷ್ಟೇ ಅಲ್ಲ, ಕಾನೂನು ಪ್ರಕಾರ ವಿಚಾರಣೆ ಕೂಡ ಮಾಡಬಹುದು.
ಈಚೆಗೆ ಎಲ್ಲ ಕ್ಲೇಮುಗಳನ್ನೂ ಆದಾಯ ತೆರಿಗೆ ಇಲಾಖೆ ಗಮನಿಸುತ್ತಿದೆ. ಯಾವುದೇ ಖರ್ಚಿನ ಬಾಬ್ತನ್ನು ಸಾಕ್ಷ್ಯ ಸಹಿತ ಉದ್ಯೋಗದಾತರ ಮೂಲಕವೇ ಸಲ್ಲಿಸಬೇಕು. ಮನೆ ಬಾಡಿಗೆ ಬಗ್ಗೆ ದಾಖಲೆ ಸಲ್ಲಿಸುವಾಗ ಮಾಲೀಕರ ಪ್ಯಾನ್ ಕಾರ್ಡ್ ಸಂಖ್ಯೆಯನ್ನು ನೀಡಬೇಕಾಗುತ್ತದೆ. ಅವರು ಐಟಿ ರಿಟರ್ನ್ಸ್ ಸಲ್ಲಿಸುವಾಗ ಆ ಬಗ್ಗೆ ಮಾಹಿತಿ ನೀಡಿಲ್ಲ ಅಂದರೆ ಇಬ್ಬರಲ್ಲಿ ಒಬ್ಬರು ಮತ್ತೆ ಸಮಸ್ಯೆಗೆ ಸಿಕ್ಕಿ ಹಾಕಿಕೊಂಡಂತೆಯೇ.
ಅದೇ ರೀತಿ ತೆರಿಗೆ ವಿನಾಯಿತಿ ಪಡೆಯುವ ಸಲುವಾಗಿ ಹೂಡಿಕೆಯ ವಿವರಗಳನ್ನು ನೀಡಿ, ಆ ನಂತರ ಹಣವಿಲ್ಲ ಅನ್ನೋ ಕಾರಣಕ್ಕೆ ಹೂಡಿಕೆಯೂ ಮಾಡದೆ, ತೆರಿಗೆಯಿಂದ ವಿನಾಯಿತಿ ಪಡೆಯುವುದು ಸಾಧ್ಯವಿಲ್ಲ. ಚಾರಿಟಬಲ್ ಟ್ರಸ್ಟ್ ಗಳಿಗೆ ನೀಡುವ ದಾನಕ್ಕೆ ಪಡೆಯುವ ತೆರಿಗೆ ವಿನಾಯಿತಿಯಲ್ಲೂ ಮೋಸ ಮಾಡುವ ಮಂದಿ ಇದ್ದಾರೆ.
ಕಳೆದ ವರ್ಷ ಇಂಥದ್ದೇ ಒಂದು ವಂಚನೆ ಪ್ರಕರಣ ಬೆಂಗಳೂರಿನಲ್ಲಿ ಬೆಳಕಿಗೆ ಬಂದಿತ್ತು. ಪದೇಪದೇ ಇಂತಹ ಪ್ರಕರಣಗಳು ಬಯಲಾಗುತ್ತಿರುವುದರಿಂದ ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳು ಕೂಡ ಹೆಚ್ಚು ಎಚ್ಚರದಿಂದ ಕಾರ್ಯ ನಿರ್ವಹಿಸುತ್ತಿದ್ದಾರೆ.
