ಜಿಯೋ ಮಾರ್ಟ್ ಆ್ಯಪ್ ಬಿಡುಗಡೆ: ಹೇಗೆ ಕಾರ್ಯನಿರ್ವಹಿಸಲಿದೆ?
ನವದೆಹಲಿ, ಜುಲೈ 21: ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಜಿಯೋ ಮಾರ್ಟ್ ಆ್ಯಪ್ ಅನ್ನು ಬಿಡುಗಡೆ ಮಾಡಿದೆ. ರಿಲಯನ್ಸ್ ಕಂಪನಿ ಈ ಆ್ಯಪ್ ಬಗ್ಗೆ ಜನರಿಗೆ ಈ ಮೊದಲು ಹಲವು ಬಾರಿ ಮಾಹಿತಿ ನೀಡಿದೆ. ಇತ್ತೀಚಿನ ರಿಲಯನ್ಸ್ ಎಜಿಎಂನಲ್ಲಿ, ಜಿಯೋಮಾರ್ಟ್ ಅನ್ನು ಜನರಿಗೆ ಪರಿಚಯಿಸಿತು. ಈಗ ಜಿಯೋ ಪ್ಲಾಟ್ಫಾರ್ಮ್ನ ಆನ್ಲೈನ್ ಕಿರಾಣಿ ಸೇವೆಗಾಗಿ ಜಿಯೋಮಾರ್ಟ್ ಅನ್ನು ಪ್ರಾರಂಭಿಸಲಾಗಿದೆ.
ಈ ಜಿಯೋಮಾರ್ಟ್ನಿಂದಾಗಿ, ಜನರು ತಮ್ಮ ಮನೆಗಳಿಗೆ ದಿನಸಿ ವಸ್ತುಗಳನ್ನು ಸುಲಭವಾಗಿ ಖರೀದಿಸಲು ಸಾಧ್ಯವಾಗುತ್ತದೆ. ಈ ಸೇವೆಯನ್ನು ಪ್ರಸ್ತುತ ಭಾರತದ 200 ನಗರಗಳಲ್ಲಿ ಲಭ್ಯವಿದೆ.
5ಜಿ ತಂತ್ರಜ್ಞಾನದ ಪ್ರಯೋಗಕ್ಕೆ ಡಿಒಟಿಯಿಂದ ಸ್ಪೆಕ್ಟ್ರಮ್ ಅನ್ನು ಕೋರಿದ ಜಿಯೋ
ರಿಲಯನ್ಸ್ ಜಿಯೋವನ್ನು ಮೊದಲು ಜನವರಿಯಲ್ಲಿ ಬಿಡುಗಡೆ ಮಾಡಲಾಯಿತು, ಆದರೆ ಆ ಸಮಯದಲ್ಲಿ ಇದನ್ನು ಮಹಾರಾಷ್ಟ್ರದ ಕೆಲವು ನಗರಗಳಲ್ಲಿ ಮಾತ್ರ ಪರಿಚಯಿಸಲಾಯಿತು. ಮಹಾರಾಷ್ಟ್ರವನ್ನು ಹೊರತುಪಡಿಸಿ, ಭಾರತದ ಯಾವುದೇ ರಾಜ್ಯಗಳಲ್ಲಿ ಯಾವುದೇ ನಗರದಲ್ಲಿ ಜಿಯೋಮಾರ್ಟ್ ಸೌಲಭ್ಯವಿರಲಿಲ್ಲ. ಈಗ ಈ ಸೌಲಭ್ಯವನ್ನು ಭಾರತದ 200 ನಗರಗಳಲ್ಲಿ ಲಭ್ಯಗೊಳಿಸಲಾಗಿದೆ.
ಜಿಯೋಮಾರ್ಟ್ ಮೂಲಕ, ಬಳಕೆದಾರರು ಕಿರಾಣಿ ವಸ್ತುಗಳನ್ನು ನೆಟ್ ಬ್ಯಾಂಕಿಂಗ್, ಕ್ರೆಡಿಟ್ ಕಾರ್ಡ್, ಡೆಬಿಟ್ ಕಾರ್ಡ್ ಮೂಲಕವೂ ಪಾವತಿಸಬಹುದು. ಇಲ್ಲಿಯವರೆಗೆ ಜನರು ವೆಬ್ಸೈಟ್ ಅಥವಾ ವಾಟ್ಸಾಪ್ ಮೂಲಕ ಜಿಯೋಮಾರ್ಟ್ ಸೇವೆಯನ್ನು ಬಳಸಲು ಸಾಧ್ಯವಾಯಿತು. ಆದರೆ ಈಗ ಅವರು ಅದನ್ನು ಮೊಬೈಲ್ ಅಪ್ಲಿಕೇಶನ್ ಮೂಲಕವೂ ಬಳಸಲು ಸಾಧ್ಯವಾಗುತ್ತದೆ.
ಜಿಯೋಮಾರ್ಟ್ ಅಪ್ಲಿಕೇಶನ್ ಬಳಸಲು, ನೀವು ಗೂಗಲ್ ಪ್ಲೇಸ್ಟೋರ್ನಿಂದ ಆ್ಯಂಡ್ರಾಯ್ಡ್ ಫೋನ್ನಲ್ಲಿ ಜಿಯೋಮಾರ್ಟ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿಕೊಳ್ಳಬೇಕು ಮತ್ತು ನಿಮ್ಮ ಫೋನ್ ಆಪಲ್ ಆಗಿದ್ದರೆ , ನೀವು ಆಪಲ್ ಸ್ಟೋರ್ನಿಂದ ಜಿಯೋಮಾರ್ಟ್ ಅಪ್ಲಿಕೇಶನ್ ಅನ್ನು ಡೌನ್ಲೋಡ್ ಮಾಡಿಕೊಳ್ಳಬೇಕು. ಅಮೆಜಾನ್ ಮತ್ತು ಫ್ಲಿಪ್ಕಾರ್ಟ್ ಬಳಸಿ ನೀವು ವಸ್ತುಗಳನ್ನು ಖರೀದಿಸುವಾಗ ಅದನ್ನು ಬಳಸುವುದು ತುಂಬಾ ಸುಲಭ, ಅದೇ ರೀತಿ ನೀವು ಜಿಯೋಮಾರ್ಟ್ ಬಳಸಿ ನಿಮ್ಮ ಕಿರಾಣಿ ವಸ್ತುಗಳನ್ನು ಖರೀದಿಸಬೇಕು.