ಗುಡ್ ನ್ಯೂಸ್: 2021-22ನೇ ವರ್ಷದಲ್ಲಿ ಭಾರತದ ಆರ್ಥಿಕತೆ 9.5% ಗೆ ಪುಟಿದೇಳಲಿದೆ
ನವದೆಹಲಿ ಜೂನ್ 11: ಈ ವರ್ಷ ಬರೀ ಕೊರೊನಾವೈರಸ್ದಿಂದಾಗಿ ನಷ್ಟ, ಹಾನಿ ಸುದ್ದಿಯನ್ನೇ ಕೇಳಿರುವವರಿಗೆ ಇಲ್ಲಿದೆ ಸಿಹಿ ಸುದ್ದಿ. 2020-21 ನೇ ಸಾಲಿನ ಆರ್ಥಿಕ ವರ್ಷದ ಕುಸಿತದ ನಡುವೆಯೇ 2021-22ನೇ ಆರ್ಥಿಕ ವರ್ಷದಲ್ಲಿ ಭಾರತದ ಜಿಡಿಪಿ 9.5 ಪರ್ಸೆಂಟ್ಗೆ ಪುಟಿದೇಳಲಿದೆ ಎಂದು ಫಿಚ್ ರೇಟಿಂಗ್ಸ್ ಹೇಳಿದೆ.
ಜೂ.10 ರಂದು ಪ್ರಕಟಿಸಿರುವ ತನ್ನ ವರದಿಯಲ್ಲಿ ಭಾರತದ ಜಿಡಿಪಿ ಅಂದಾಜನ್ನು ಫಿಚ್ ರೇಟಿಂಗ್ಸ್ ನೀಡಿದ್ದು, ಪ್ರಸಕ್ತ ಆರ್ಥಿಕ ವರ್ಷದಲ್ಲಿ ಭಾರತದ ಜಿಡಿಪಿ 5 ಪರ್ಸೆಂಟ್ರಷ್ಟು ಕುಸಿಯಲಿದೆ ಎಂದು ಹೇಳಿದೆ.
2020-21 ರಲ್ಲಿ ಭಾರತದ ಜಿಡಿಪಿ ಶೇ. 1.5 ಕ್ಕೆ ಇಳಿಕೆ: ಸಮೀಕ್ಷೆ
"ಕೋವಿಡ್ -19 ಸಾಂಕ್ರಾಮಿಕ ದೇಶದ ಬೆಳವಣಿಗೆಯನ್ನು ದುರ್ಬಲಗೊಳಿಸಿದ್ದು, ಸರ್ಕಾರದ ಮೇಲಿರುವ ಭಾರಿ ಸಾಲದಿಂದ ಅನೇಕ ಸವಾಲುಗಳು ಸಹ ಉದ್ಭವಿಸಿವೆ ಎಂದು ಏಷ್ಯಾ ಪೆಸಿಫಿಕ್ ಕ್ರೆಡಿಟ್ ಓವರ್ ರಿವ್ಯೂ ನಲ್ಲಿ ಫಿಚ್ ಹೇಳಿದೆ
ಲಾಕ್ಡೌನ್ ದೇಶದಲ್ಲಿ ವೈರಸ್ ನಿಯಂತ್ರಿಸಿಲ್ಲ, ಜಿಡಿಪಿಯನ್ನು ತಗ್ಗಿಸಿದೆ: ರಾಜೀವ್ ಬಜಾಜ್
ಮಾರ್ಚ್ 25 ರಂದು ಭಾರತವು ವಿಶ್ವದ ಅತಿದೊಡ್ಡ ಲಾಕ್ಡೌನ್ ಅನ್ನು ಘೋಷಿಸಿತ್ತು. ಇದರಿಂದ ಆರ್ಥಿಕತೆಗೆ ಭಾರೀ ಹಾನಿಯುಂಟಾಗಿದೆ ಎಂದು ಫಿಚ್ ಹೇಳಿದೆ. ಆದರೂ ಮುಂದಿನ ಹಣಕಾಸು ವರ್ಷದಲ್ಲಿ ಭಾರತ ಮತ್ತೆ ಪುಟಿದೇಳಲಿದೆ ಎಂದು ಹೇಳಿದೆ.