ಹಳೆಯ 'ಹುಂಡೈ ಐ 10' ಕಾರು ಮಾರಾಟ ಸ್ಥಗಿತ

2007ರಲ್ಲಿ ಬಿಡುಗಡೆಯಾ ಭಾರೀ ಜನಪ್ರಿಯತೆ ಗಳಿಸಿ ಜನರ ವಿಶ್ವಾಸಾರ್ಹ ಕಾರು ಬ್ರಾಂಡ್ ಗಲ್ಲೊಂದಾಗಿದ್ದ ಹುಂಡೈ ಐ 10.

ನವದೆಹಲಿ, ಮಾರ್ಚ್ 9: ದಕ್ಷಿಣ ಕೊರಿಯಾ ಮೂಲದ ಹುಂಡೈ ಕಾರು ತಯಾರಿಕಾ ಕಂಪನಿಯು ತನ್ನ ಜನಪ್ರಿಯ ಕಾರು ಐ 10 ಮಾದರಿಯ ಈವರೆಗಿನ ಮಾಡೆಲ್ ಗಳ ತಯಾರಿಕೆಯನ್ನು ಸ್ಥಗಿತಗೊಳಿಸಿರುವುದಾಗಿ ಪ್ರಕಟಿಸಿದೆ.

2007ರಲ್ಲಿ ಬಿಡುಗಡೆಯಾಗಿದ್ದ ಹುಂಡೈ ಐ 10 ಭಾರೀ ಜನಪ್ರಿಯತೆ ಗಳಿಸಿ ಜನರ ವಿಶ್ವಾಸಾರ್ಹ ಕಾರು ಬ್ರಾಂಡ್ ಗಲ್ಲೊಂದಾಗಿತ್ತು. ಆ ಮಾದರಿಯ ಕಾರುಗಳ ಉತ್ಪಾದನೆ ಸ್ಥಗಿತಗೊಳಿಸಿ ಸದ್ಯದ ಮಾರುಕಟ್ಟೆಗೆ ತಕ್ಕಂತೆ ಕಾರನ್ನು ನವೀಕರಿಸಿ ಶೀಘ್ರದಲ್ಲೇ ಬಿಡುಗಡೆ ಮಾಡಲಾಗುವುದು ಎಂದು ಕಂಪನಿ ಹೇಳಿಕೊಂಡಿದೆ.

'ಐ 10' ಮಾಡೆಲ್ ಅನ್ನು ಕೊಂಡಾಡಿರುವ ಹುಂಡೈ ಕಂಪನಿ, ಭಾರತ ಹಾಗೂ ವಿಶ್ವದಾದ್ಯಂತ ಈ ಮಾದರಿಯ ಸುಮಾರು 16.95 ಲಕ್ಷ ಕಾರುಗಳನ್ನು ಮಾರಾಟ ಮಾಡಿರುವುದಾಗಿ ಕಂಪನಿ ಹೇಳಿದೆಯಲ್ಲದೆ, ಭಾರತದಲ್ಲಿ ತನ್ನ ವ್ಯಾಪಾರ ಆರಂಭಿಸಿದಾಗ ತಮ್ಮ ಕಂಪನಿ ಭದ್ರವಾಗಿ ನೆಲೆಯೂರಲು ಐ 10 ಹೆಚ್ಚು ಸಹಾಯ ಮಾಡಿತ್ತೆಂದು ಸ್ಮರಿಸಿಕೊಂಡಿದೆ.

English summary

South Korean automaker Hyundai has decided to phase out its popular hatchback i10 in India as it shifts focus to more premium and modern products.