ಚೀನಾದ ಕುತಂತ್ರ: ಭಾರತದಲ್ಲಿ ಅರ್ಧದಷ್ಟು ಸಿಬ್ಬಂದಿಗಳನ್ನು ವಜಾಗೊಳಿಸಲಿದೆ ಹುವಾಯಿ?

ನವದೆಹಲಿ, ಜುಲೈ 27: ಚೀನಾದ ಟೆಲಿಕಾಂ ಕಂಪನಿ ಹುವಾಯಿ ಟೆಕ್ನಾಲಜೀಸ್ ಕೋ 2020 ರ ತನ್ನ ಭಾರತ ಆದಾಯ ಗುರಿಯನ್ನು ಶೇ. 50 ರಷ್ಟು ಕಡಿತಗೊಳಿಸಿದೆ ಮತ್ತು ದೇಶದಲ್ಲಿ ತನ್ನ ಅರ್ಧದಷ್ಟು ಸಿಬ್ಬಂದಿಯನ್ನು ವಜಾಗೊಳಿಸುತ್ತಿದೆ ಎಂದು ಎಕನಾಮಿಕ್ ಟೈಮ್ಸ್ ಸೋಮವಾರ ವರದಿ ಮಾಡಿದೆ. ಚೀನಾದ ಸರಕುಗಳನ್ನು ಬಹಿಷ್ಕರಿಸುವ ಕರೆಗಳ ನಡುವೆ ಚೀನಾ ಕೂಡ ಮುಯ್ಯಿಗೆ ಮುಯ್ಯಿ ಎಂಬಂತೆ ಹುವಾಯಿ ನಿರ್ಧಾರಕ್ಕೆ ಪರೋಕ್ಷ ಕಾರಣದಂತಿದೆ.

ದೇಶದ ಅರ್ಧಕ್ಕಿಂತ ಹೆಚ್ಚು ಹುವಾಯಿ ಸಿಬ್ಬಂದಿಯನ್ನು ವಜಾಗೊಳಿಸಲು ಸೂಚಿಸುವ ವರದಿಯು ಸುಳ್ಳು ಎಂದು ಹುವಾಯಿಯ ಭಾರತ ಘಟಕ ಹೇಳಿದೆ, ಆದರೆ ವಿಸ್ತಾರವಾಗಿ ಹೇಳಲಿಲ್ಲ.

2020 ಕ್ಕೆ ಕಂಪನಿಯು 350 ರಿಂದ 500 ಮಿಲಿಯನ್ ಆದಾಯವನ್ನು ಗುರಿಯಾಗಿಸಿಕೊಂಡಿದೆ ಎಂದು ಪತ್ರಿಕೆ ಹೇಳಿದೆ. ಇದು ಏಷ್ಯಾದ ಮೂರನೇ ಅತಿದೊಡ್ಡ ಆರ್ಥಿಕತೆಯಲ್ಲಿ ಹಿಂದಿನ $ 700-800 ಮಿಲಿಯನ್‌ಗೆ ಹೋಲಿಸಿದರೆ ಅರ್ಧದಷ್ಟು ಕಡಿಮೆ ಇದೆ.

ಸಂಶೋಧನೆ ಮತ್ತು ಅಭಿವೃದ್ಧಿ ಮತ್ತು ಜಾಗತಿಕ ಸೇವಾ ಕೇಂದ್ರವನ್ನು ಹೊರತುಪಡಿಸಿ ಕಂಪನಿಯು ತನ್ನ ಭಾರತೀಯ ಸಿಬ್ಬಂದಿಗಳಲ್ಲಿ ಶೇ. 60-70 ರಷ್ಟು ಕಡಿತಗೊಳಿಸುತ್ತಿದೆ ಎಂದು ಎಕನಾಮಿಕ್ ಟೈಮ್ಸ್ ಹೇಳಿದೆ.

ಗಡಿ ವಿವಾದವೊಂದರಲ್ಲಿ ಚೀನಾದ ಪಡೆಗಳಿಂದ 20 ಭಾರತೀಯ ಸೈನಿಕರನ್ನು ಹತ್ಯೆ ಮಾಡಿದ ನಂತರ ಭಾರತದಲ್ಲಿ ಚೀನಾ ವಿರೋಧಿ ಮನೋಭಾವ ಹೆಚ್ಚುತ್ತಿರುವ ಮಧ್ಯೆ ಈ ವರದಿ ಬಂದಿದೆ.

ತಮ್ಮ ಮೊಬೈಲ್ ನೆಟ್‌ವರ್ಕ್‌ಗಳನ್ನು 4 ಜಿ ಗೆ ಅಪ್‌ಗ್ರೇಡ್ ಮಾಡಲು ಚೀನಾದ ಟೆಲಿಕಾಂ ಉಪಕರಣಗಳನ್ನು ಬಳಸದೇ ಸ್ಥಳೀಯವಾಗಿ ತಯಾರಿಸಿದ ಉಪಕರಣ ಬಳಸುವಂತೆ ಎರಡು ಟೆಲಿಕಾಂ ಸಂಸ್ಥೆಗಳಿಗೆ ಭಾರತ ಹೇಳಿದೆ.

English summary

Chinese telecom company Huawei Technologies Co has cut its India revenue target for 2020 by up to 50% and is laying off more than half of its staff in the country, the Economic Times reported on Monday.