ಫಿಕ್ಸೆಡ್ ಡೆಪಾಸಿಟ್ ಮೇಲಿನ ಬಡ್ಡಿ ದರ ಇಳಿಕೆ ಮಾಡಿದ ಹೆಚ್ಡಿಎಫ್ಸಿ ಬ್ಯಾಂಕ್
ನವದೆಹಲಿ, ಆಗಸ್ಟ್ 27: ದೇಶದ ಅತಿದೊಡ್ಡ ಖಾಸಗಿ ವಲಯದ ಬ್ಯಾಂಕ್ ಎಚ್ಡಿಎಫ್ಸಿ ಬ್ಯಾಂಕ್ ನಿಶ್ಚಿತ ಠೇವಣಿ (ಎಫ್ಡಿ) ಮೇಲಿನ ಬಡ್ಡಿದರಗಳನ್ನು ಕಡಿತಗೊಳಿಸಿದೆ.
ಎಚ್ಡಿಎಫ್ಸಿ ಬ್ಯಾಂಕ್ 91 ದಿನಗಳಿಂದ ಆರು ತಿಂಗಳವರೆಗಿನ ಬಡ್ಡಿದರಗಳ ಜೊತೆಗೆ 2 ವರ್ಷದಿಂದ 5 ವರ್ಷಗಳಿಗೆ ಬಡ್ಡಿದರ ಕಡಿತಗೊಳಿಸಿದೆ. ಇತ್ತೀಚಿನ ಪರಿಷ್ಕರಣೆಯ ನಂತರ, ಎಚ್ಡಿಎಫ್ಸಿ ಬ್ಯಾಂಕ್ 7 ದಿನಗಳಿಂದ 29 ದಿನಗಳ ನಡುವಿನ ಠೇವಣಿಗಳ ಮೇಲೆ ಶೇಕಡಾ 2.50% ಬಡ್ಡಿದರವನ್ನು ನೀಡುತ್ತಿದೆ ಮತ್ತು 30-90 ದಿನಗಳ ಅವಧಿಯಲ್ಲಿ ಠೇವಣಿಗಳ ಮೇಲೆ ಶೇಕಡಾ 3ರಷ್ಟು ನೀಡುತ್ತದೆ.
2019-20ರಲ್ಲಿ ಬರೋಬ್ಬರಿ 1.85 ಲಕ್ಷ ಕೋಟಿ ರೂಪಾಯಿ ಬ್ಯಾಂಕ್ ವಂಚನೆ: ಆರ್ಬಿಐ
91 ದಿನಗಳಲ್ಲಿ 6 ತಿಂಗಳವರೆಗೆ ಅವಧಿಯ ಎಫ್ಡಿಗಳ ಮೇಲಿನ ಬಡ್ಡಿದರವನ್ನು ಬ್ಯಾಂಕ್ 50 ಬೇಸಿಸ್ ಪಾಯಿಂಟ್ಗಳಿಂದ (ಬಿಪಿಎಸ್) ತೀವ್ರವಾಗಿ ಕಡಿತಗೊಳಿಸಿದೆ. ಇವುಗಳು ಈಗ ಶೇಕಡಾ 3.5ರಷ್ಟು ಬಡ್ಡಿದರವನ್ನು ಪಡೆಯುತ್ತವೆ. ನಂತರ ಬ್ಯಾಂಕ್ 9 ತಿಂಗಳ 1 ದಿನದಲ್ಲಿ ಅವಧಿಯ ಠೇವಣಿಗಳ ಮೇಲಿನ ಬಡ್ಡಿದರವನ್ನು 10 ಬೇಸಿಸ್ ಪಾಯಿಂಟ್ಗಳಿಂದ ಕಡಿತಗೊಳಿಸಿದೆ. ಈ ಠೇವಣಿಗಳು ಈಗ ಶೇಕಡಾ 4.4ರಷ್ಟು ನೀಡುತ್ತದೆ.
ಒಂದು ವರ್ಷದಿಂದ ಎರಡು ವರ್ಷಗಳಲ್ಲಿ ಮುಕ್ತಾಯಗೊಳ್ಳುವ ಅವಧಿಯ ಠೇವಣಿಗಳು ಶೇಕಡಾ 5.10ರಷ್ಟು ಬಡ್ಡಿಯನ್ನು ನೀಡುತ್ತದೆ. 2 ವರ್ಷದಿಂದ 3 ವರ್ಷಗಳ ಅವಧಿಯ ಎಫ್ಡಿಗಳು ಶೇಕಡಾ 5.15, 3 ವರ್ಷದಿಂದ 5 ವರ್ಷಗಳವರೆಗೆ ಶೇಕಡಾ 5.30ರಷ್ಟು ನೀಡುತ್ತದೆ. ಈ ದರಗಳು ಆಗಸ್ಟ್ 25 ರಿಂದ ಅನ್ವಯವಾಗುತ್ತವೆ.
ಎರಡು ಕೋಟಿ ರೂಪಾಯಿ ಒಳಗಿನ ನಿಶ್ಚಿಯ ಠೇವಣಿಗಳಿಗೆ ಬಡ್ಡಿ ದರಗಳು ಈ ಕೆಳಗಿನಂತಿದೆ:
7 ರಿಂದ 14 ದಿನಗಳಿಗೆ ಶೇ. 2.50
15 ರಿಂದ 29 ದಿನಗಳಿಗೆ ಶೇ. 2.50
30 ರಿಂದ 45 ದಿನಗಳಿಗೆ ಶೇ. 3
46 ರಿಂದ 60 ದಿನಗಳಿಗೆ ಶೇ. 3
61 ರಿಂದ 90 ದಿನಗಳಿಗೆ ಶೇ. 3
91 ರಿಂದ 6 ತಿಂಗಳಿಗೆ ಶೇ. 3.5
6 ತಿಂಗಳು 1 ದಿನದಿಂದ - 9 ತಿಂಗಳಿಗೆ ಶೇ. 4.4
9 ತಿಂಗಳು 1 ದಿನದಿಂದ 1 ವರ್ಷದೊಳಗೆ ಶೇ. 4.4
1 ವರ್ಷಕ್ಕೆ ಶೇ. 5.10
1 ವರ್ಷ 1 ದಿನದಿಂದ 2 ವರ್ಷದವರೆಗೆ ಶೇ. 5.10
2 ವರ್ಷ 1 ದಿನದಿಂದ 3 ವರ್ಷದವರೆಗೆ ಶೇ. 5.15
3 ವರ್ಷ 1 ದಿನದಿಂದ 5 ವರ್ಷದವರೆಗೆ ಶೇ. 5.30
5 ವರ್ಷ 1 ದಿನದಿಂದ 10 ವರ್ಷದವರೆಗೆ ಶೇ. 5.50
ಹಿರಿಯ ನಾಗರೀಕರಿಗೆ ಹೆಚ್ಚುವರಿ ಶೇ. 0.50 ಬಡ್ಡಿ ದರಗಳನ್ನು ನೀಡಲಾಗುವುದು.