ಜಿಎಸ್ ಟಿ ಎಫೆಕ್ಟ್: ಬಿಗ್ ಬಜಾರ್ ಮಾಲ್ ನಲ್ಲಿ ಮಧ್ಯರಾತ್ರಿ ಶಾಪಿಂಗ್!

ಜಿಎಸ್ ಟಿ ಜಾರಿ ಹಿನ್ನೆಲೆಯಲ್ಲಿ ಹಳೇ ಸ್ಟಾಕ್ ಕ್ಲಿಯರ್ ಮಾಡಲು ಮುಂದಾದ ಮಾಲ್ ಗಳ ಆಡಳಿತ ಮಂಡಳಿಗಳು. ಬಿಗ್ ಬಜಾರ್ ಶಾಪಿಂಗ್ ಮಾಲ್ ಗಳಲ್ಲಿ ಮಧ್ಯರಾತ್ರಿ ಶಾಪಿಂಗ್ ಗೆ ಅವಕಾಶ. ಮಧ್ಯರಾತ್ರಿ ಶಾಪಿಂಗ್ ವೇಳೆ ಪ್ರತಿ ಸಾವಿರ ರು. ಖರೀದಿಗೆ 300 ರು.

ಬೆಂಗಳೂರು, ಜುಲೈ 1: ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ ಟಿ) ಹಿನ್ನೆಲೆಯಲ್ಲಿ, ಬೆಂಗಳೂರು ನಗರದ ವಿವಿಧ ಶಾಪಿಂಗ್ ಮಾಲ್ ಗಳಲ್ಲಿ ಮಧ್ಯರಾತ್ರಿಯಲ್ಲಿಯೂ ಶಾಪಿಂಗ್ ಗೆ ಅವಕಾಶ ಕಲ್ಪಿಸಲಾಗಿದೆ.

ನಗರದ ಬಿಗ್ ಬಜಾರ್ ನಲ್ಲಿ ಮಧ್ಯರಾತ್ರಿ 12 ಗಂಟೆಯಿಂದ 2 ಗಂಟೆಯವರೆಗೆ ಶಾಪಿಂಗ್ ನಡೆಸಲು ಅವಕಾಶ ಕಲ್ಪಿಸಲಾಗಿದ್ದು, ಪ್ರತಿ ಸಾವಿರ ರು.ಗಳ ಖರೀದಿಗೆ 300 ರು. ಡಿಸ್ಕೌಂಟ್ ಆಮಿಷವನ್ನೂ ಒಡ್ಡಲಾಗಿದೆ.

ಜಿಎಸ್ ಟಿ ಜಾರಿಗೊಂಡ ಹಿನ್ನೆಲೆಯಲ್ಲಿ ಜುಲೈ 1ಕ್ಕೂ ಮುನ್ನ ಉತ್ಪನ್ನವಾದ ಎಲ್ಲಾ ಸರಕುಗಳನ್ನು ಆದಷ್ಟೇ ಬೇಗ ಮಾರಿ, ಜುಲೈ 1ರಿಂದ ಈಚೆಗೆ ಉತ್ಪನ್ನವಾಗುವ ಸರಕುಗಳಿಗೆ ತಮ್ಮ ಮಳಿಗೆಗಳಲ್ಲಿ ಸ್ಥಳಾವಕಾಶ ಕಲ್ಪಿಸುವ ಉದ್ದೇಶದಿಂದ ಹಳೆಯ ಸರಕುಗಳನ್ನು ಬೇಗನೇ ಖಾಲಿ ಮಾಡುವ ಕೆಲಸಕ್ಕೆ ಹಲವಾರು ಶಾಪಿಂಗ್ ಮಾಲ್ ಗಳ ಆಡಳಿತ ಮಂಡಳಿಗಳು ನಿರ್ಧರಿಸಿವೆ.

English summary

As Goods and Service tax came into practice from July 1st, 2017, many of the Mall owners of Bengaluru are in a hurry to clear entire old stocks. Big Bazaar and other shopping malls were open on Friday midnight also. Many offers were given for the customer to achieve the goal.