Click it and Unblock the Notifications
Just In
-
-
-
Don't Miss
-
'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ -
RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ? -
ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..! -
ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ! -
ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್! -
Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತೀಯ ಇಂಟರ್ನೆಟ್ ಬಳಕೆದಾರರಿಗೆ ಗೂಗಲ್ ಹೊಸ ಸೌಲಭ್ಯ
ನವದೆಹಲಿ, ಆಗಸ್ಟ್ 29: ಭಾರತದ ಇಂಟರ್ನೆನ್ ಬಳಕೆದಾರರಿಗೆ ಅನುಕೂಲವಾಗುವಂತೆ ಗೂಗಲ್ ಹೊಸ ಟೂಲ್‌ಅನ್ನು ಪರಿಚಯಿಸಿದೆ.
ಪ್ರೋಗ್ರಾಮಿಂಗ್ ಭಾಷೆಯಾದ ಗೂಗಲ್ ಗೋ ಆಪ್‌ಅನ್ನು ಇನ್ನಷ್ಟು ಸುಧಾರಿಸಿರುವ ಸಂಸ್ಥೆಯು 28 ಭಾಷೆಗಳಲ್ಲಿ ಕೋಟ್ಯಂತರ ವೆಬ್ ಪುಟಗಳನ್ನು 'ಕೇಳಿಸಿಕೊಳ್ಳುವ' ಅವಕಾಶವನ್ನು ನೀಡಿದೆ.
'ಗೂಗಲ್ ಗೋ ಆಪ್‌ಅನ್ನು ಬಳಸುತ್ತಿರುವ ಎಲ್ಲರಿಗೂ ವೆಬ್ ಪೇಜ್‌ಗಳನ್ನು ಸ್ವಾಭಾವಿಕವಾಗಿ ಕೇಳಿಸುವ ಧ್ವನಿಯಲ್ಲಿ ಜೋರಾಗಿ ಕೇಳಿಸಿಕೊಳ್ಳಲು ಸಾಧ್ಯವಾಗುವಂತೆ ಹೊಸ ಫೀಚರ್‌ಅನ್ನು ಬಿಡುಗಡೆ ಮಾಡುತ್ತಿದ್ದೇವೆ. ಇದನ್ನು 2ಜಿ ಸಂಪರ್ಕದಲ್ಲಿಯೂ ಬಳಸಿಕೊಳ್ಳಬಹುದು' ಎಂದು ಗೂಗಲ್ ತನ್ನ ಬ್ಲಾಗ್‌ನಲ್ಲಿ ತಿಳಿಸಿದೆ.
ಈ ತಂತ್ರಜ್ಞಾನವನ್ನು ಬಳಸಿಕೊಂಡು ಉದ್ದನೆಯ ಪಠ್ಯಗಳನ್ನು ಟಿವಿಯನ್ನು ನೋಡುವಂತೆ ಅಥವಾ ರೇಡಿಯೋ ಕೇಳಿಸಿಕೊಳ್ಳುವಂತೆ ಸುಲಭವಾಗಿ ಪಡೆದುಕೊಳ್ಳಬಹುದು.
ಕೋಟ್ಯಂತರ ಇಂಟರ್ನೆಟ್ ಬಳಕೆದಾರರನ್ನು ಸೆಳೆಯುವುದಕ್ಕಾಗಿ ಗೂಗಲ್ ಕಳೆದ ವರ್ಷ ಭಾರತ ಮತ್ತು ಇಂಡೋನೇಷ್ಯಾದಲ್ಲಿ ಈ ಆಪ್‌ಅನ್ನು ಬಿಡುಗಡೆ ಮಾಡಿತ್ತು.
'ಭಾರತಕ್ಕಾಗಿ ಗೂಗಲ್. ಪ್ರತಿ ಭಾರತೀಯನಿಗೂ ಅವರದೇ ಭಾಷೆಯಲ್ಲಿ ಸೇವೆಯ ಸೌಲಭ್ಯ' ಎಂಬ ಶೀರ್ಷಿಕೆಯೊಂದಿಗೆ ಗೂಗಲ್ ಈ ಆಪ್ ಪರಿಚಯಿಸಿತ್ತು.
ಭಾರತವು ಜಗತ್ತಿನ ಎರಡನೆಯ ಅತಿ ದೊಡ್ಡ ಅಂತರ್ಜಾಲ ಬಳಕೆಯ ದೇಶವಾಗಿದ್ದು, ವೇಗವಾಗಿ ಬೆಳೆಯುತ್ತಿದೆ ಎಂದು ಗೂಗಲ್ ಹೇಳಿತ್ತು.
ಭಾರತದ ಈ ಇಂಟರ್ನೆಟ್ ಬಳಕೆದಾರರನ್ನು ಗಮನದಲ್ಲಿಟ್ಟುಕೊಂಡು ಗೂಗಲ್, ವಿಷಯಗಳನ್ನು ಪಠ್ಯ ರೂಪದ ಬದಲು ಕೇಳಿಸುವ ಮತ್ತು ಹೇಳುವ ಸೌಲಭ್ಯವನ್ನು ಒದಗಿಸಿದೆ.
ಕನ್ನಡ, ತೆಲುಗು, ಮಲಯಾಳಂ, ತಮಿಳು, ಹಿಂದಿ, ಬಂಗಾಳಿ, ಮರಾಠಿ ಸೇರಿದಂತೆ ಭಾರತದ 28 ಭಾಷೆಗಳಲ್ಲಿ ಈ ಆಪ್ ಸೇವೆ ಒದಗಿಸಲಿದೆ.
ವಿಭಿನ್ನ ಹಿನ್ನೆಲೆಗಳಿಂದ ಬಂದ ಜನರು ಗೂಗಲ್ ಗೋ ಆಪ್ ಬಳಸುತ್ತಿದ್ದಾರೆ. ಹೊಸ ಪದಗಳನ್ನು ಓದಲು ಮತ್ತು ಉಚ್ಚರಿಸಲು ಅವರು ಹೆಚ್ಚುವರಿ ಸೌಲಭ್ಯಗಳನ್ನು ಬಯಸುತ್ತಾರೆ. ಕಾಣುವ ಮತ್ತು ಓದುವ ಸಮಸ್ಯೆ ಹೊಂದಿರುವವರಿಗೆ, ವಿದೇಶಿ ಭಾಷೆ ಕಲಿಯುತ್ತಿರುವವರಿಗೆ ಅಥವಾ ಉದ್ದನೆಯ ಬರಹಗಳನ್ನು ಓದಲು ಕಷ್ಟವೆನಿಸುವವರಿಗೆ ಈ ಹೊಸ ಫೀಚರ್‌ಗಳು ನೆರವಾಗಲಿದೆ ಎಂದು ಗೂಗಲ್ ಹೇಳಿದೆ.
