ಸತತ ಎರಡು ದಿನಗಳಿಂದ ಚಿನ್ನ, ಬೆಳ್ಳಿ ದರದಲ್ಲಿ ಏರಿಕೆ

ನವದೆಹಲಿ, ಡಿಸೆಂಬರ್ 27: ಚಿನ್ನ, ಬೆಳ್ಳಿ ಖರೀದಿ ಮಾಡುವವರಿಗೆ ಇದು ಸಕಾಲವಲ್ಲ. ಸತತವಾಗಿ ಎರಡು ದಿನಗಳಿಂದ ಸ್ಥಳೀಯ ಆಭರಣಗಾರರಿಂದ ಬೇಡಿಕೆ ಹೆಚ್ಚುತ್ತಿದೆ.

ಹೀಗಾಗಿ, ಬುಧವಾರ ಕೂಡ ಚಿನ್ನದ ಬೆಲೆ ಹೆಚ್ಚಾಗಿತ್ತು. ಒಟ್ಟಾರೆ, ಮೂರು ದಿನಗಳಲ್ಲಿ ಚಿನ್ನದ ಬೆಲೆ 400 ರೂಪಾಯಿ ಏರಿಕೆ ಕಂಡಿದ್ದು, ಇನ್ನಷ್ಟು ಏರಿಕೆಯ ಸೂಚನೆ ಸಿಕ್ಕಿದೆ.

ಭಾರತದ ಪ್ರಮುಖ ನಗರಗಳಲ್ಲಿನ ಚಿನ್ನ, ಬೆಳ್ಳಿ ದರ ಇಲ್ಲಿ ಪಡೆಯಿರಿ

ದೆಹಲಿ ಚಿನಿವಾರ ಮಾರುಕಟ್ಟೆಯಲ್ಲಿ ಬುಧವಾರದಂದು ಚಿನ್ನದ ಬೆಲೆ 100 ರೂಪಾಯಿ ಏರಿಕೆ ಕಂಡಿದ್ದು, 10 ಗ್ರಾಂ ಚಿನ್ನದ ಬೆಲೆ 32,500 ರೂಪಾಯಿಯಾಗಿದೆ. ಮಂಗಳವಾರದಂದು ಬಂಗಾರದ ಬೆಲೆ 125 ರೂಪಾಯಿ ಹೆಚ್ಚಳವಾಗಿತ್ತು. ಇನ್ನು ಬೆಳ್ಳಿ ಬೆಲೆಯಲ್ಲೂ ಏರಿಕೆ ಕಂಡು ಬಂದಿದೆ.

ಬೆಳ್ಳಿ ಬೆಲೆ ಬುಧವಾರದಂದು 125 ರೂಪಾಯಿ ಹೆಚ್ಚಾಗಿದ್ದು, ಕೆ.ಜಿ ಬೆಳ್ಳಿ ಬೆಲೆ 38,125 ರೂಪಾಯಿಯಾಗಿದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ಶೇಕಡಾ 0.31 ರಷ್ಟು ಹೆಚ್ಚಳ ಕಂಡು ಪ್ರತಿ ಔನ್ಸಿಗೆ 1,273.90 ಡಾಲರ್ ಆಗಿದೆ. ಬೆಳ್ಳಿ ಬೆಲೆ ಶೇಕಡಾ 0.68 ಹೆಚ್ಚಳ ಕಂಡು 14.94 ಡಾಲರ್ ಪ್ರತಿ ಔನ್ಸ್ ಆಗಿದೆ.

ಬೆಂಗಳೂರಿನಲ್ಲಿ 22 ಕ್ಯಾರೆಟ್ ನ 10 ಗ್ರಾಂ ಚಿನ್ನದ ಬೆಲೆ 29,500ರು ಹಾಗೂ 24 ಕ್ಯಾರೆಟ್ ನ 10 ಗ್ರಾಂನ ಬೆಲೆ 31,450 ರು ನಷ್ಟಿದೆ.

English summary

Gold prices on Wednesday rose by Rs 100 to Rs 32,500 per 10 gm at the bullion market here, owing to increased buying by local jewellers amid positive trend overseas. Following the movement of gold, silver also jumped by Rs 125 to Rs 38,125 per kg on fresh buying by industrial units and coin makers.